헬라어 문장 검색 - Παυσαν́Δεσξριπ́5́24́

(파우사니아스, Description of Greece, Ἠλιακῶν Α, chapter 24)

παρὰ δὲ τοῦ Λαοίτα Διὸσ καὶ Ποσειδῶνοσ Λαοίτα δὲ, παρὰ τούτων τὸν βωμὸν Ζεὺσ ἐπὶ χαλκοῦ βάθρου δῶρον μὲν τοῦ Κορινθίων δήμου, Μούσου δέ ἐστι ποίημα, ὅστισ δὴ οὗτόσ ἐστιν ὁ Μοῦσοσ. ἀπὸ δὲ τοῦ βουλευτηρίου πρὸσ τὸν ναὸν ἐρχομένῳ τὸν μέγαν ἔστιν ἄγαλμα ἐν ἀριστερᾷ Διόσ, ἐστεφανωμένον δὲ οἱᾶ δὴ ἄνθεσι, καὶ ἐν τῇ δεξιᾷ χειρὶ αὐτοῦ κεραυνὸσ πεποίηται. τοῦτο δέ ἐστιν Ἀσκάρου τέχνη Θηβαίου, διδαχθέντοσ παρὰ τῷ Σικυωνίῳ <Κανάχῳ· τὸ δὲ ἐπίγραμμα τὸ ἐπ’ αὐτῷ δεκάτην ἀπὸ τοῦ πολέμου Φωκέων> καὶ Θεσσαλῶν φησιν εἶναι. εἰ δὲ Φωκεῦσιν ἐσ πόλεμόν τινα οὗτοι κατέστησαν καὶ ἔστιν ἀπὸ Φωκέων αὐτοῖσ τὸ ἀνάθημα, οὐκ ἂν <ὅ γε> ἱερὸσ καλούμενοσ εἰή πόλεμοσ, ὃν δὲ πρότερον ἔτι ἐπολέμησαν πρὶν ἢ Μήδουσ καὶ βασιλέα ἐπὶ τὴν Ἑλλάδα διαβῆναι.

τούτου δὲ οὐ πόρρω Ζεύσ ἐστιν, ὅντινα ἀναθεῖναι Ψωφιδίουσ ἐπὶ πολέμου κατορθώματι τὸ ἔποσ τὸ ἐπ’ αὐτῷ γεγραμμένον δηλοῖ.

τοῦ ναοῦ δέ ἐστιν ἐν δεξιᾷ τοῦ μεγάλου Ζεὺσ πρὸσ ἀνατολὰσ ἡλίου, μέγεθοσ μὲν δυόδεκα ποδῶν, ἀνάθημα δὲ λέγουσιν εἶναι Λακεδαιμονίων, ἡνίκα ἀποστᾶσι Μεσσηνίοισ δεύτερα τότε ἐσ πόλεμον κατέστησαν·

ἔπεστι δὲ καὶ ἐλεγεῖον ἐπ’ αὐτῷ,Δέξο ἄναξ Κρονίδα Ζεῦ Ὀλύμπιε καλὸν ἄγαλμαἱλάῳ θυμῷ τοῖσ Λακεδαιμονίοισ. Ῥωμαίων δὲ οὔτε ἄνδρα ἰδιώτην οὔτε ὁπόσοι τῆσ βουλῆσ οὐδένα Μομμίου πρότερον ἀνάθημα ἴσμεν ἐσ ἱερὸν ἀναθέντα Ἑλληνικόν, Μόμμιοσ δὲ ἀπὸ λαφύρων ἀνέθηκε τῶν ἐξ Ἀχαί̈ασ Δία ἐσ Ὀλυμπίαν χαλκοῦν·

οὗτοσ ἕστηκεν ἐν ἀριστερᾷ τοῦ Λακεδαιμονίων ἀναθήματοσ, παρὰ τὸν πρῶτον ταύτῃ τοῦ ναοῦ κίονα. ὃ δὲ ἐν τῇ Ἄλτει μέγιστον τῶν χαλκῶν ἐστιν ἀγαλμάτων τοῦ Διόσ, ἀνετέθη μὲν ὑπὸ αὐτῶν Ἠλείων ἀπὸ τοῦ πρὸσ Ἀρκάδασ πολέμου, μέγεθοσ δὲ ἑπτὰ καὶ εἴκοσι ποδῶν ἐστι. παρὰ δὲ τῷ Πελοπίῳ κίων τε οὐχ ὑψηλὸσ καὶ ἄγαλμα Διόσ ἐστιν ἐπ’ αὐτῷ μικρόν, τὴν ἑτέραν τῶν χειρῶν προτεῖνον.

τούτου δὲ ἀπαντικρὺ ἄλλα ἐστὶν ἀναθήματα ἐπὶ στοίχου, ὡσ δὲ αὔτωσ Διὸσ καὶ Γανυμήδουσ ἀγάλματα· ἔστι δὲ Ὁμήρῳ πεποιημένα ὡσ ἁρπασθείη τε ὑπὸ θεῶν Γανυμήδησ οἰνοχοεῖν Διὶ καὶ ὡσ Τρωὶ δῶρα ἵπποι δοθεῖεν ἀντ’ αὐτοῦ. τοῦτο ἀνέθηκε μὲν Γνᾶθισ Θεσσαλόσ, ἐποίησε δὲ Ἀριστοκλῆσ μαθητήσ τε καὶ υἱὸσ Κλεοίτα. ἔστι δὲ καὶ ἄλλοσ Ζεὺσ οὐκ ἔχων πω γένεια, κεῖται δὲ ἐν τοῖσ ἀναθήμασι τοῖσ Μικύθου.

τὰ δὲ ἐσ Μίκυθον, γένοσ τε ὁποῖον ἦν αὐτῷ καὶ ἀνθ’ ὅτου τὰ ἀναθήματα ἐσ Ὀλυμπίαν τὰ πολλὰ ἀνέθηκεν, ὁ ἐφεξῆσ μοι λόγοσ δηλώσει.

ἀπὸ δὲ τοῦ ἀγάλματοσ τοῦ εἰρημένου προελθόντι ὀλίγον κατ’ εὐθεῖαν ἄγαλμά ἐστι Διὸσ οὐκ ἔχον γένεια οὐδὲ αὐτό, Ἐλαϊτῶν δὲ ἀνάθημα, οἳ καταβάντι ἐκ Καί̈κου πεδίου ἐσ θάλασσαν πρῶτοι <ἐν> τῇ Αἰολίδι οἰκοῦσι. τούτου δὲ αὖθισ ἄλλο ἄγαλμα ἔχεται Διόσ, τὸ δὲ ἐπίγραμμα τὸ ἐπ’ αὐτῷ τοὺσ ἐν Κνίδῳ Χερρονησίουσ ἀπὸ ἀνδρῶν ἀναθεῖναι πολεμίων φησίν·

ἀνέθεσαν δὲ ἑκατέρωθεν παρὰ τὸν Δία Πέλοπά τε καὶ τὸν Ἀλφειὸν ποταμόν. Κνιδίοισ δὲ τῆσ πόλεωσ τὸ μὲν πολὺ ἐν τῇ ἠπείρῳ πεπόλισται τῇ Καρικῇ, ἔνθα καὶ τὰ λόγου μάλιστα <ἄξια> αὐτοῖσ ἐστιν, ἡ δὲ καλουμένη Χερρόνησόσ ἐστιν ἐπὶ τῇ ἠπείρῳ κειμένη νῆσοσ γεφύρᾳ διαβατὸσ ἐξ αὐτῆσ· καὶ τὰ ἀναθήματα ἀνέθεσαν ἐν Ὀλυμπίᾳ τῷ Διὶ <οἱ> ἐνταῦθα οἰκοῦντεσ, ὡσ εἰ τῆσ Ἐφεσίων πόλεωσ οἱ ἔχοντεσ τὸν ὀνομαζόμενον Κόρησον ἀνάθημα <φαῖεν> ἰδίᾳ τι ἀναθεῖναι τοῦ Ἐφεσίων κοινοῦ.

ἔστι δὲ καὶ πρὸσ τῷ τείχει τῆσ Ἄλτεωσ Ζεὺσ ἐπὶ ἡλίου τετραμμένοσ δυσμάσ, ἐπίγραμμα οὐδὲν παρεχόμενοσ· ἐλέγετο δὲ καὶ οὗτοσ Μομμίου τε καὶ ἀπὸ τοῦ Ἀχαιῶν εἶναι πολέμου. ὁ δὲ ἐν τῷ βουλευτηρίῳ πάντων ὁπόσα ἀγάλματα Διὸσ μάλιστα ἐσ ἔκπληξιν ἀδίκων ἀνδρῶν πεποίηται·

ἐπίκλησισ μὲν Ὅρκιόσ ἐστιν αὐτῷ, ἔχει δὲ ἐν ἑκατέρᾳ κεραυνὸν χειρί. παρὰ τούτῳ καθέστηκε τοῖσ ἀθληταῖσ καὶ πατράσιν αὐτῶν καὶ ἀδελφοῖσ, ἔτι δὲ γυμνασταῖσ ἐπὶ κάπρου κατόμνυσθαι τομίων, μηδὲν ἐσ τὸν Ὀλυμπίων ἀγῶνα ἔσεσθαι παρ’ αὐτῶν κακούργημα. οἱ δὲ ἄνδρεσ οἱ ἀθληταὶ καὶ τόδε ἔτι προσκατόμνυνται, δέκα ἐφεξῆσ μηνῶν ἀπηκριβῶσθαί σφισι τὰ πάντα ἐσ ἄσκησιν.

ὀμνύουσι δὲ καὶ ὅσοι τοὺσ παῖδασ ἢ τῶν ἵππων τῶν ἀγωνιζομένων τοὺσ πώλουσ κρίνουσιν, ἐπὶ δικαίῳ καὶ ἄνευ δώρων ποιεῖσθαι κρίσιν, καὶ τὰ ἐσ τὸν δοκιμαζόμενόν τε καὶ μή, φυλάξειν καὶ ταῦτα ἐν ἀπορρήτῳ.

τῷ κάπρῳ δὲ ὅ τι χρῆσθαί σφισι μετὰ τῶν ἀθλητῶν τὸν ὁρ́κον καθέστηκεν, οὐκ ἐμνημόνευσα ἐπερέσθαι, ἐπεὶ τοῖσ γε ἀρχαιοτέροισ ἐπὶ ἱερεῖα ἦν καθεστηκόσ, ἐφ’ ᾧ τισ ὁρ́κον ἐποιήσατο, μηδὲ ἐδώδιμον εἶναι τοῦτο ἔτι ἀνθρώπῳ. δηλοῖ δὲ οὐχ ἥκιστα καὶ Ὅμηροσ· τὸν γοῦν κάπρον καθ’ ὅτου τῶν τομίων Ἀγαμέμνων ἐπώμοσεν ἦ μὴν εἶναι τὴν Βρισηίδα ἑαυτοῦ τῆσ εὐνῆσ ἀπείρατον, τοῦτον τὸν κάπρον ἀφιέμενον ὑπὸ τοῦ κήρυκοσ ἐποίησεν ἐσ θάλασσαν·

ἦ, καὶ ἀπὸ σφάραγον κάπρου τάμε νηλέι χαλκῷ. τὸν μὲν Ταλθύβιοσ πολιῆσ ἁλὸσ ἐσ μέγα λαῖτμαῥῖψ’ ἐπιδινήσασ, βόσιν ἰχθύσιν. οὕτω μὲν τὸ ἀρχαῖον τὰ τοιαῦτα ἐνόμιζον· ἔστι δὲ πρὸ τῶν ποδῶν τοῦ Ὁρκίου πινάκιον χαλκοῦν, ἐπιγέγραπται δὲ ἐλεγεῖα ἐπ’ αὐτοῦ, δεῖμα ἐθέλοντα τοῖσ ἐπιορκοῦσι παριστάναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 24

(파우사니아스, Description of Greece, Ἠλιακῶν Α, chapter 24)

상위

목록

SEARCH

MENU NAVIGATION