헬라어 문장 검색 - Παυσαν́Δεσξριπ́5́22́

(파우사니아스, Description of Greece, Ἠλιακῶν Α, chapter 22)

ἔστι δὲ καὶ ἀγάλματα Διὸσ δημοσίᾳ τε καὶ ὑπὸ ἀνδρῶν ἀνατεθέντα ἰδιωτῶν. ἔστι δὲ βωμὸσ ἐν τῇ Ἄλτει τῆσ ἐσόδου πλησίον τῆσ ἀγούσησ ἐσ τὸ στάδιον· ἐπὶ τούτου θεῶν μὲν οὐδενὶ θύουσιν Ἠλεῖοι, σαλπιγκταῖσ δὲ ἐφεστηκόσιν αὐτῷ καὶ τοῖσ κήρυξιν ἀγωνίζεσθαι καθέστηκε. παρὰ τοῦτον τὸν βωμὸν βάθρον τε πεποίηται χαλκοῦν καὶ ἄγαλμα ἐπ’ αὐτῷ Διόσ, μέγεθοσ μὲν ὅσον ἓξ πήχεισ, κεραυνὸν δὲ ἐν ἑκατέρᾳ τῇ χειρὶ ἔχει· ἀνέθεσαν δὲ αὐτὸ Κυναιθαεῖσ. ὁ δὲ περικείμενόσ τε τὸν ὁρ́μον καὶ ἡλικίαν παῖσ ἔτι ἀνάθημα ἀνδρόσ ἐστι Φλιασίου Κλεόλα. παρὰ δὲ τὸ Ἱπποδάμιον καλούμενον λίθου τε βάθρον ἐστὶ κύκλοσ ἥμισυσ καὶ ἀγάλματα ἐπ’ αὐτῷ Ζεὺσ καὶ Θέτισ τε καὶ Ἡμέρα τὸν Δία ὑπὲρ τῶν τέκνων ἱκετεύουσαι.

ταῦτα ἐπὶ μέσῳ τῷ βάθρῳ· οἱ δὲ ἤδη σχῆμα ἀντιτεταγμένων ὅ τε Ἀχιλλεὺσ παρέχεται καὶ ὁ Μέμνων ἐπὶ ἑκατέρῳ τοῦ βάθρου τῷ πέρατι ἑκάτεροσ. ἀνθεστήκασι δὲ καὶ ἄλλοσ ἄλλῳ κατὰ τὰ αὐτά, ἀνὴρ βάρβαροσ ἀνδρὶ Ἕλληνι, Ὀδυσσεὺσ μὲν Ἑλένῳ, ὅτι οὗτοι μάλιστα ἐπὶ σοφίᾳ δόξαν ἐν ἑκατέρῳ τῷ στρατεύματι εἰλήφεσαν, Μενελάῳ δὲ κατὰ τὸ ἔχθοσ τὸ ἐξ ἀρχῆσ Ἀλέξανδροσ, Διομήδει δὲ Αἰνείασ καὶ τῷ Τελαμῶνοσ Αἰάντι Δηίφοβοσ. ταῦτά ἐστιν ἔργα μὲν Λυκίου τοῦ Μύρωνοσ, Ἀπολλωνιᾶται δὲ ἀνέθηκαν οἱ ἐν τῷ Ιὀνίῳ·

καὶ δὴ καὶ ἐλεγεῖον γράμμασίν ἐστιν ἀρχαίοισ ὑπὸ τοῦ Διὸσ τοῖσ ποσί· μνάματ’ Ἀπολλωνίασ ἀνακείμεθα, τὰν ἐνὶ πόντῳΙὀνίῳ Φοῖβοσ ᾤκισ’ ἀκερσεκόμασ·

οἳ γᾶσ τέρμαθ’ ἑλόντεσ Ἀβαντίδοσ ἐνθάδε ταῦταἔστασαν σὺν θεοῖσ ἐκ Θρονίου δεκάταν. ἡ δὲ Ἀβαντὶσ καλουμένη χώρα καὶ πόλισμα ἐν αὐτῇ Θρόνιον τῆσ Θεσπρωτίδοσ ἦσαν ἠπείρου κατὰ ὄρη τὰ Κεραύνια. σκεδασθεισῶν γὰρ Ἕλλησιν, ὡσ ἐκομίζοντο ἐξ Ἰλίου, τῶν νεῶν, Λοκροί τε ἐκ Θρονίου τῆσ ἐπὶ Βοαγρίῳ ποταμῷ καὶ Ἄβαντεσ ἀπὸ Εὐβοίασ ναυσὶν ὀκτὼ συναμφότεροι πρὸσ τὰ ὄρη κατηνέχθησαν τὰ Κεραύνια.

οἰκήσαντεσ δὲ ἐνταῦθα καὶ πόλιν οἰκίσαντεσ Θρόνιον, καὶ τῆσ γῆσ ἐφ’ ὅσον ἐνέμοντο Ἀβαντίδοσ ὄνομα ἀπὸ κοινοῦ λόγου θέμενοι, ἐκπίπτουσιν ὕστερον ὑπὸ Ἀπολλωνιατῶν ὁμόρων κρατηθέντεσ πολέμῳ. ἀποικισθῆναι δὲ ἐκ Κορκύρασ τὴν Ἀπολλωνίαν, <τὴν δὲ Κορινθίων εἶναί φασιν ἀποικίαν,> οἱ δὲ Κορινθίοισ αὐτοῖσ μετεῖναι λαφύρων. προελθόντι δὲ ὀλίγον Ζεύσ ἐστι πρὸσ ἀνίσχοντα τετραμμένοσ τὸν ἥλιον, ἀετὸν ἔχων τὸν ὄρνιθα καὶ τῇ ἑτέρᾳ τῶν χειρῶν κεραυνόν·

ἐπίκειται δὲ αὐτῷ καὶ ἐπὶ τῇ κεφαλῇ στέφανοσ, ἄνθη τὰ ἠρινά. Μεταποντίνων δέ ἐστιν ἀνάθημα, Αἰγινήτου δὲ ἔργον Ἀριστόνου· τοῦ δὲ Ἀριστόνου τούτου διδάσκαλον, ἢ καθ’ ὅντινα χρόνον ἐγένετο, οὐκ ἴσμεν. ἀνέθεσαν δὲ καὶ Φλιάσιοι Δία καὶ θυγατέρασ τὰσ Ἀσωποῦ καὶ αὐτὸν Ἀσωπόν, διακεκόσμηται δὲ οὕτω σφίσι τὰ ἀγάλματα.

Νεμέα μὲν τῶν ἀδελφῶν πρώτη, μετὰ δὲ αὐτὴν Ζεὺσ λαμβανόμενόσ ἐστιν Αἰγίνησ, παρὰ δὲ τὴν Αἴγιναν ἕστηκεν Ἅρπινα ‐ ταύτῃ τῷ Ἠλείων καὶ Φλιασίων λόγῳ συνεγένετο Ἄρησ, καὶ Οἰνομάῳ δὲ μήτηρ τῷ περὶ τὴν Πισαίαν βασιλεύσαντί ἐστιν Ἅρπινα ‐ , μετὰ δὲ αὐτὴν Κόρκυρά τε καὶ ἐπ’ αὐτῇ Θήβη, τελευταῖοσ δὲ ὁ Ἀσωπόσ. λέγεται δὲ ἐσ μὲν Κόρκυραν ὡσ μιχθείη Ποσειδῶν αὐτῇ· τοιαῦτα δὲ ἕτερα ᾖσε Πίνδαροσ ἐσ Θήβην τε καὶ ἐσ Δία.

ἰδίᾳ δὲ ἄνδρεσ Λεοντῖνοι καὶ οὐκ ἀπὸ τοῦ κοινοῦ Δία ἀνέστησαν·

μέγεθοσ μὲν τοῦ ἀγάλματοσ πήχεισ εἰσὶν ἑπτά, ἐν δὲ ταῖσ χερσὶν ἀετόσ τέ ἐστιν αὐτῷ καὶ τὸ βέλοσ τοῦ Διὸσ κατὰ τοὺσ τῶν ποιητῶν λόγουσ. ἀνέθεσαν δὲ Ἱππαγόρασ τε καὶ Φρύνων καὶ Αἰνεσίδημοσ, ὃν ἄλλον πού τινα Αἰνεσίδημον δοκῶ καὶ οὐ τὸν τυραννήσαντα εἶναι Λεοντίνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 22

(파우사니아스, Description of Greece, Ἠλιακῶν Α, chapter 22)

상위

목록

SEARCH

MENU NAVIGATION