헬라어 문장 검색 - Παυσαν́Δεσξριπ́5́21́

(파우사니아스, Description of Greece, Ἠλιακῶν Α, chapter 21)

τὸ δὲ ἀπὸ τούτου μοι πρόεισιν ὁ λόγοσ ἔσ τε τῶν ἀνδριάντων καὶ ἐσ τῶν ἀναθημάτων ἐξήγησιν. ἀναμῖξαι δὲ οὐκ ἀρεστὰ ἦν μοι τὸν ἐπ’ αὐτοῖσ λόγον. ἐν ἀκροπόλει μὲν γὰρ τῇ Ἀθήνῃσιν οἵ τε ἀνδριάντεσ καὶ ὁπόσα ἄλλα, τὰ πάντα ἐστὶν ὁμοίωσ ἀναθήματα· ἐν δὲ τῇ Ἄλτει τὰ μὲν τιμῇ τῇ ἐσ τὸ θεῖον ἀνάκεινται, οἱ δὲ ἀνδριάντεσ τῶν νικώντων ἐν ἄθλου λόγῳ σφίσι καὶ οὗτοι δίδονται. τῶν μὲν δὴ ἀνδριάντων ποιησόμεθα καὶ ὕστερον μνήμην· ἐσ δὲ τὰ ἀναθήματα ἡμῖν τραπήσεται πρότερα ὁ λόγοσ, τὰ ἀξιολογώτατα αὐτῶν ἐπερχομένοισ. ἰόντι γὰρ ἐπὶ τὸ στάδιον τὴν ὁδὸν τὴν ἀπὸ τοῦ Μητρῴου, ἔστιν ἐν ἀριστερᾷ κατὰ τὸ πέρασ τοῦ ὄρουσ τοῦ Κρονίου λίθου τε πρὸσ αὐτῷ τῷ ὄρει κρηπὶσ καὶ ἀναβασμοὶ δι’ αὐτῆσ·

πρὸσ δὲ τῇ κρηπῖδι ἀγάλματα Διὸσ ἀνάκειται χαλκᾶ. ταῦτα ἐποιήθη μὲν ἀπὸ χρημάτων ἐπιβληθείσησ ἀθληταῖσ ζημίασ ὑβρίσασιν ἐσ τὸν ἀγῶνα, καλοῦνται δὲ ὑπὸ τῶν ἐπιχωρίων Ζᾶνεσ. πρῶτοι δὲ ἀριθμὸν ἓξ ἐπὶ τῆσ ὀγδόησ ἔστησαν καὶ ἐνενηκοστῆσ Ὀλυμπιάδοσ·

Εὔπωλοσ γὰρ Θεσσαλὸσ χρήμασι διέφθειρε τοὺσ ἐλθόντασ τῶν πυκτῶν, Ἀγήτορα Ἀρκάδα καὶ Πρύτανιν Κυζικηνόν, σὺν δὲ αὐτοῖσ καὶ Φορμίωνα Ἁλικαρνασσέα μὲν γένοσ, Ὀλυμπιάδι δὲ τῇ πρὸ ταύτησ κρατήσαντα. τοῦτο ἐξ ἀθλητῶν ἀδίκημα ἐσ τὸν ἀγῶνα πρῶτον γενέσθαι λέγουσι, καὶ πρῶτοι χρήμασιν ἐζημιώθησαν ὑπὸ Ἠλείων Εὔπωλοσ καὶ οἱ δεξάμενοι δῶρα παρὰ Εὐπώλου. δύο μὲν δὴ ἐξ αὐτῶν ἔργα Κλέωνοσ Σικυωνίου· τὰ δὲ ἐφεξῆσ τέσσαρα ὅστισ ἐποίησεν, οὐκ ἴσμεν. τῶν δὲ ἀγαλμάτων τούτων παρέντι τρίτον τε ἐξ αὐτῶν καὶ τέταρτον, γεγραμμένα ἐλεγεῖά ἐστιν ἐπὶ τοῖσ ἄλλοισ.

ἐθέλει δὲ τὸ μὲν πρῶτον τῶν ἐλεγείων δηλοῦν ὡσ οὐ χρήμασιν ἀλλὰ ὠκύτητι τῶν ποδῶν καὶ ὑπὸ ἰσχύοσ σώματοσ Ὀλυμπικὴν ἔστιν εὑρέσθαι νίκην, τὸ δὲ ἐπὶ τῷ δευτέρῳ φησὶν ὡσ τὸ ἄγαλμα ἕστηκε τιμῇ τε τῇ ἐσ τὸ θεῖον καὶ ὑπὸ εὐσεβείασ τῆσ Ἠλείων καὶ ἀθληταῖσ παρανομοῦσιν εἶναι δέοσ·

πέμπτῳ δὲ καὶ ἕκτῳ, τῷ μέν ἐστιν ἡ τοῦ ἐπιγράμματοσ γνώμη τά τε ἄλλα ἐσ ἔπαινον Ἠλείων καὶ οὐχ ἥκιστα ἐπὶ τῇ ζημίᾳ τῶν πυκτῶν, ἐπὶ δὲ τῷ ὑπολοίπῳ διδασκαλίαν πᾶσιν Ἕλλησιν εἶναι τὰ ἀγάλματα μηδένα ἐπὶ Ὀλυμπικῇ νίκῃ διδόναι χρήματα. Εὐπώλου δὲ ὕστερόν φασιν Ἀθηναῖον Κάλλιππον ἀθλήσαντα πένταθλον ἐξωνήσασθαι τοὺσ ἀνταγωνιουμένουσ χρήμασι, δευτέραν δὲ ἐπὶ ταῖσ δέκα τε καὶ ἑκατὸν Ὀλυμπιάδα εἶναι ταύτην.

ἐπιβληθείσησ δὲ τῷ Καλλίππῳ καὶ τοῖσ ἀνταγωνισαμένοισ ζημίασ ὑπὸ Ἠλείων, ἀποστέλλουσιν Ὑπερείδην Ἀθηναῖοι πείσοντα Ἠλείουσ ἀφεῖναί σφισι τὴν ζημίαν· ἀπειπόντων δὲ Ἠλείων τὴν χάριν, ἐχρῶντο ὑπεροψίᾳ τοιᾷδε ἐσ αὐτοὺσ οἱ Ἀθηναῖοι, οὔτε ἀποδιδόντεσ τὰ χρήματα καὶ Ὀλυμπίων εἰργόμενοι, πρὶν ἤ σφισιν ὁ θεὸσ <ὁ> ἐν Δελφοῖσ οὐ πρότερον ἔφησεν ὑπὲρ οὐδενὸσ χρήσειν πρὶν ἢ τὴν ζημίαν ἀποδοῖεν Ἠλείοισ. οὕτω δὴ ἀποδόντων ἐποιήθη τῷ Διὶ ἀγάλματα, ἓξ μὲν καὶ ταῦτα, γέγραπται δὲ ἐπ’ αὐτοῖσ ἐλεγεῖα οὐδέν τι δεξιώτερα ἐσ ποίησιν ἢ τὰ ἔχοντα τὴν ζημίαν τὴν Εὐπώλου.

ἐπιγραμμάτων, πρῶτον μὲν ἀνατεθῆναι <τὰ> ἀγάλματα μαντείᾳ τοῦ θεοῦ τιμήσαντοσ τὰ ἐσ τοὺσ πεντάθλουσ δόξαντα Ἠλείοισ, τὸ δὲ ἐπὶ τῷ δευτέρῳ καὶ ὡσαύτωσ ἐπὶ τῷ τρίτῳ Ἠλείουσ ἐπαινοῦντά ἐστιν ἐπὶ τῶν πεντάθλων τῇ ζημίᾳ·

τὸ τέταρτον δὲ ἐθέλει λέγειν τὸν Ὀλυμπίασιν ἀγῶνα ἀρετῆσ εἶναι καὶ οὐ χρημάτων, τὰ δὲ ἐπιγράμματα <τὰ> ἐπὶ τῷ πέμπτῳ τε καὶ ἕκτῳ, τὸ μὲν αὐτῶν δηλοῖ καθ’ ἥντινα αἰτίαν ἀνετέθη τὰ ἀγάλματα, τὸ δὲ ἀναμιμνήσκει τοῦ χρησμοῦ τοῦ Ἀθηναίοισ ἐλθόντοσ ἐκ Δελφῶν.

τῶν δὲ κατειλεγμένων τὰ ἐφεξῆσ ἀγάλματα δύο μέν ἐστιν ἀριθμόν, ἀνετέθη δὲ ἐπιτεθείσησ παλαισταῖσ ἀνδράσι ζημίασ·

οἵτινεσ δὲ ἐκαλοῦντο, ἐμέ γε ἢ τοὺσ Ἠλείων λέληθεν ἐξηγητάσ. ἐπιγράμματα μὲν γὰρ καὶ ἐπὶ τούτοισ τοῖσ ἀγάλμασιν ἔπεστι, λέγει δὲ τὸ μὲν πρῶτον αὐτῶν ὡσ τῷ Ὀλυμπίῳ Διὶ Ῥόδιοι χρήματα ὑπὲρ ἀνδρὸσ ἀδικίασ ἐκτίσαιεν παλαιστοῦ, τὸ δὲ ἕτερον ὡσ ἀνδρῶν ἐπὶ δώροισ παλαισάντων ἀπὸ τῶν ἐπιβληθέντων χρημάτων αὐτοῖσ γένοιτο τὸ ἄγαλμα. τὰ δὲ ἐπίλοιπα ἐσ τοὺσ ἀθλητὰσ τούτουσ οἱ ἐξηγηταὶ λέγουσιν οἱ Ἠλείων, ὀγδόην μὲν ἐπὶ ταῖσ ἑβδομήκοντα καὶ ἑκατὸν Ὀλυμπιάδα εἶναι, λαβεῖν δὲ Εὔδηλον παρὰ Φιλοστράτου χρήματα, τοῦτον δὲ εἶναι τὸν Φιλόστρατον Ῥόδιον.

τούτῳ τῷ λόγῳ διάφορα ὄντα εὑρ́ισκον τὰ Ἠλείων ἐσ τοὺσ Ὀλυμπιονίκασ γράμματα· ἔστι γὰρ δὴ ἐν τοῖσ γράμμασι τούτοισ Στράτωνα Ἀλεξανδρέα Ὀλυμπιάδι ὀγδόῃ μετὰ τὰσ ἑβδομήκοντα καὶ ἑκατὸν ἐπὶ ἡμέρασ ἀνελέσθαι τῆσ αὐτῆσ παγκρατίου καὶ πάλησ νίκην. Ἀλεξανδρείασ δὲ τῆσ ἐπὶ τῷ Κανωβικῷ τοῦ Νείλου στόματι Ἀλέξανδροσ μὲν οἰκιστὴσ ἐγένετο ὁ Φιλίππου, λέγεται δὲ καὶ πρότερον ἔτι πόλισμα Αἰγυπτίων ἐνταῦθα οὐ μέγα εἶναι Ῥακῶτιν·

Στράτωνοσ δὲ τούτου τρεῖσ μὲν ἡλικίᾳ πρότερον, τοσοῦτοι δὲ ἄλλοι μετ’ αὐτόν εἰσι δῆλοι τὸν κότινον παγκρατίου τε ἆθλα εἰληφότεσ καὶ πάλησ, Κάπροσ μὲν ἐξ αὐτῆσ Ἤλιδοσ, Ἑλλήνων δὲ τῶν πέραν Αἰγαίου Ῥόδιόσ τε Ἀριστομένησ καὶ Μαγνήτων τῶν ἐπὶ Ληθαίῳ Πρωτοφάνησ.

οἱ δὲ ὕστερον τοῦ Στράτωνοσ Μαρίων τε πόλεωσ ἐκείνῳ τῆσ αὐτῆσ καὶ Στρατονικεὺσ Ἀριστέασ ‐ τὰ δὲ παλαιότερα ἥ τε χώρα καὶ ἡ πόλισ ἐκαλεῖτο Χρυσαορίσ ‐ , ἕβδομοσ δὲ Νικόστρατοσ ἐκ τῶν ἐπὶ θαλάσσῃ Κιλίκων, οὐδὲν τοῖσ Κίλιξιν αὐτοῦ μετὸν εἰ μὴ ὅσα τῷ λόγῳ. τοῦτον τὸν Νικόστρατον νήπιον παῖδα ἔτι ἐκ Πρυμνησσοῦ λῃσταὶ τῆσ Φρυγῶν ἡρ́πασαν, οἰκίασ ὄντα οὐκ ἀφανοῦσ·

κομισθέντα δὲ αὐτὸν ἐσ Αἰγέασ ὠνήσατο ὅστισ δή. χρόνῳ δὲ ὕστερον τῷ ἀνδρὶ τούτῳ ὄνειρον γίνεται· λέοντοσ δὲ ἔδοξεν ὑπὸ τῷ σκίμποδι κατακεῖσθαι σκύμνον, ἐφ’ ᾧ ἐκάθευδεν ὁ Νικόστρατοσ. Νικοστράτῳ μὲν δή, ὡσ ηὐξήθη, καὶ ἄλλαι νῖκαι <καὶ> Ὀλυμπίασιν ἐγένοντο παγκρατίου καὶ πάλησ. χρήμασι δὲ ὑπὸ Ἠλείων ἕτεροί τε ὕστερον καὶ Ἀλεξανδρεὺσ ἐζημιώθη πύκτησ Ὀλυμπιάδι ἐπὶ ταῖσ διακοσίαισ ὀγδόῃ τε καὶ δεκάτῃ.

ὄνομα μὲν τῷ ζημιωθέντι Ἀπολλώνιοσ, ἐπίκλησισ δὲ ἦν Ῥάντησ· καί πωσ καὶ ἐπιχώριον τὸ ἐσ τὰσ ἐπικλήσεισ τοῖσ Ἀλεξανδρεῦσίν ἐστιν. οὗτοσ ὁ ἀνὴρ ἀδικεῖν ὑπὸ Ἠλείων κατεγνώσθη πρῶτοσ Αἰγυπτίων·

κατεγνώσθη δὲ οὐ δοῦναι χρήματα ἢ λαβεῖν αὐτόσ, ἀλλὰ τοιόνδε ἄλλο ἐσ τὸν ἀγῶνα ἐξυβρίσαι.

ἀφίκετο οὐκ ἐσ τὸν εἰρημένον καιρόν, καὶ αὐτὸν ὑπὸ Ἠλείων πειθομένων τῷ νόμῳ ἐλείπετο τοῦ ἀγῶνοσ εἴργεσθαι· τὴν γάρ οἱ πρόφασιν, ὡσ ἐν ταῖσ Κυκλάσι νήσοισ ὑπὸ ἀνέμων κατείχετο ἐναντίων, Ἡρακλείδησ γένοσ καὶ αὐτὸσ Ἀλεξανδρεὺσ ἤλεγχεν ἀπάτην οὖσαν· ὑστερῆσαι γὰρ χρήματα ἐκ τῶν ἀγώνων αὐτὸν ἐκλέγοντα τῶν ἐν Ιὠνίᾳ. οὕτω δὴ τόν τε Ἀπολλώνιον καὶ εἰ δή τισ ἄλλοσ ἧκεν οὐ κατὰ προθεσμίαν τῶν πυκτῶν, τούτουσ μὲν οἱ Ἠλεῖοι τοῦ ἀγῶνοσ ἀπελαύνουσι, τῷ Ἡρακλείδῃ δὲ τὸν στέφανον παριᾶσιν ἀκονιτί·

ἐνταῦθα ὁ Ἀπολλώνιοσ κατεσκευάσατό τε τοῖσ ἱμᾶσιν ὡσ ἐσ μάχην καὶ ἐσδραμὼν ἐπὶ τὸν Ἡρακλείδην ἥπτετο ἐπικειμένου τε ἤδη τὸν κότινον καὶ καταπεφευγότοσ ἐσ τοὺσ Ἑλλανοδίκασ. τούτῳ μὲν δὴ ἔμελλε τὸ κοῦφον τοῦ νοῦ βλάβοσ μέγα ἔσεσθαι, ἔστι δὲ καὶ ἄλλα δύο τέχνησ τῆσ ἐφ’ ἡμῶν τὰ ἀγάλματα· ἕκτῃ γὰρ ἐπὶ ταῖσ εἴκοσι καὶ διακοσίαισ Ὀλυμπιάδι πύκτασ ἄνδρασ, ὑπὲρ αὐτῆσ μαχομένουσ τῆσ νίκησ, ἐφώρασαν συνθεμένουσ ὑπὲρ λήμματοσ.

ἀντὶ τούτων μὲν ἐγένετο ζημία· ποιηθέντων δὲ ἀγαλμάτων Διὸσ τὸ μὲν ἐν ἀριστερᾷ τῆσ ἐσ τὸ στάδιον ἐσόδου, τὸ δὲ ἕτερον αὐτῶν ἕστηκεν ἐν δεξιᾷ. τοῖσ δὲ πύκταισ τούτοισ Δίδασ τε ὄνομα ἦν καὶ τῷ τὰ χρήματα δόντι αὐτῶν Σαραπάμμων· καλουμένου δὲ Ἀρσινοί̈του.

θαῦμα μὲν δὴ καὶ ἄλλωσ ἐν οὐδενὸσ λόγῳ τὸν θεὸν θέσθαι τὸν ἐν Ὀλυμπίᾳ καὶ δέξασθαί τινα ἢ δοῦναι δῶρα ἐπὶ τῷ ἀγῶνι·

μείζονοσ δὲ ἔτι θαύματοσ, εἴ γε καὶ αὐτῶν ἐτόλμησεν ἤδη τισ Ἠλείων. λέγεται δὲ ὡσ Δαμόνικοσ τολμήσειεν Ἠλεῖοσ δευτέρᾳ πρὸσ ταῖσ ἑκατὸν καὶ ἐνενήκοντα Ὀλυμπιάδι· συνεστηκέναι μὲν γὰρ παλαίοντασ ἐπὶ τῷ στεφάνῳ τόν τε τοῦ Δαμονίκου παῖδα Πολύκτορα καὶ Σώσανδρον γένοσ Σμυρναῖον, ὁμώνυμον τῷ πατρί· Δαμόνικον δέ, ἅτε περισσῶσ ἐπιθυμοῦντα γενέσθαι τῷ παιδὶ τὴν νίκην, δοῦναι τοῦ Σωσάνδρου τῷ πατρὶ χρήματα. ὡσ δὲ ἐγεγόνει τὰ πραχθέντα ἔκπυστα, ἐπιβάλλουσιν οἱ Ἑλλανοδίκαι ζημίαν, ἐπιβάλλουσι δὲ οὐ τοῖσ παισίν, ἀλλὰ ἐσ τοὺσ πατέρασ ἔτρεψαν τὴν ὀργήν·

οὗτοι γὰρ δὴ καὶ ἠδίκουν. ἀπὸ ταύτησ τῆσ ζημίασ ἀγάλματα ἐποιήθη· καὶ τὸ μὲν ἐν τῷ Ἠλείων ἀνάκειται γυμνασίῳ, τὸ δὲ τῆσ Ἄλτεωσ πρὸ τῆσ Ποικίλησ στοᾶσ καλουμένησ, ὅτι ἦσαν ἐπὶ τῶν τοίχων γραφαὶ τὸ ἀρχαῖον. εἰσὶ δ’ οἳ τὴν στοὰν ταύτην καὶ Ἠχοῦσ ὀνομάζουσι· βοήσαντι δὲ ἀνδρὶ ἑπτάκισ ὑπὸ τῆσ ἠχοῦσ ἡ φωνή, τὰ δὲ καὶ ἐπὶ πλέον ἔτι ἀποδίδοται. παγκρατιαστὴν δέ φασιν Ἀλεξανδρέα, ὄνομα δὲ εἶναί οἱ Σαραπίωνα, τοῦτον ἐν Ὀλυμπιάδι τῇ πρώτῃ μετὰ τὰσ διακοσίασ ἐσ τοσοῦτο δεῖσαι τοὺσ ἀνταγωνιστὰσ ὥστε ἡμέρᾳ μιᾷ πρότερον ἢ ἐσκληθήσεσθαι τὸ παγκράτιον ἔμελλεν ἀποδράντα οἴχεσθαι.

τοῦτον ζημιωθέντα ἐπὶ δειλίᾳ μόνον τῶν τε ἄλλων ἀνθρώπων καὶ αὐτῶν μνημονεύουσιν Αἰγυπτίων. ταῦτα μὲν τὰ κατειλεγμένα ἐπὶ αἰτίαισ τοιαῖσδε ποιηθέντα εὑρ́ισκον·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 21

(파우사니아스, Description of Greece, Ἠλιακῶν Α, chapter 21)

상위

목록

SEARCH

MENU NAVIGATION