헬라어 문장 검색 - Παυσαν́Δεσξριπ́5́19́

(파우사니아스, Description of Greece, Ἠλιακῶν Α, chapter 19)

τέταρτα δὲ ἐπὶ τῇ λάρνακι ἐξ ἀριστερᾶσ περιιόντι Βορέασ ἐστὶν ἡρπακὼσ Ὠρείθυιαν ‐ οὐραὶ δὲ ὄφεων ἀντὶ ποδῶν εἰσὶν αὐτῷ ‐ καὶ Ἡρακλέουσ ὁ πρὸσ Γηρυόνην ἀγών· τρεῖσ δὲ ἄνδρεσ Γηρυόνησ εἰσὶν ἀλλήλοισ προσεχόμενοι. Θησεὺσ δὲ ἔχων λύραν καὶ παρ’ αὐτὸν Ἀριάδνη κατέχουσά ἐστι στέφανον. Ἀχιλλεῖ δὲ καὶ Μέμνονι μαχομένοισ παρεστήκασιν αἱ μητέρεσ· ἔστι δὲ καὶ Μελανίων καὶ Ἀταλάντη παρ’ αὐτὸν ἔχουσα ἐλάφου νεβρόν.

μονομαχοῦντοσ δὲ Αἰάντι Ἕκτοροσ κατὰ τὴν πρόκλησιν, μεταξὺ ἕστηκεν αὐτῶν Ἔρισ αἰσχίστη τὸ εἶδοσ ἐοικυῖα· πρὸσ δὲ ταύτῃ καὶ Καλλιφῶν Σάμιοσ ἐν Ἀρτέμιδοσ ἱερῷ τῆσ Ἐφεσίασ ἐποίησεν Ἔριν, τὴν μάχην γράψασ τὴν ἐπὶ ταῖσ ναυσὶν Ἑλλήνων. εἰσὶ δὲ ἐπὶ τῇ λάρνακι Διόσκουροι, ὁ ἕτεροσ οὐκ ἔχων πω γένεια, μέση δὲ αὐτῶν Ἑλένη· Αἴθρα δὲ ἡ Πιτθέωσ ὑπὸ τῆσ Ἑλένησ τοῖσ ποσὶν ἐσ ἔδαφοσ καταβεβλημένη μέλαιναν ἔχουσά ἐστιν ἐσθῆτα, ἐπίγραμμα δὲ ἐπ’ αὐτοῖσ ἔποσ τε ἑξάμετρον καὶ ὀνόματόσ ἐστιν ἑνὸσ ἐπὶ τῷ ἑξαμέτρῳ προσθήκη·

Τυνδαρίδα Ἑλέναν φέρετον, Αἴθραν δ’ ἕλκετονἈθάναθεν. τοῦτο μὲν δὴ τὸ ἔποσ οὕτω πεποίηται·

Ἰφιδάμαντοσ δὲ τοῦ Ἀντήνοροσ κειμένου μαχόμενοσ πρὸσ Ἀγαμέμνονα ὑπὲρ αὐτοῦ Κόων ἐστί· Φόβοσ δὲ ἐπὶ τοῦ Ἀγαμέμνονοσ τῇ ἀσπίδι ἔπεστιν, ἔχων τὴν κεφαλὴν λέοντοσ. ἐπιγράμματα δὲ ὑπὲρ μὲν τοῦ Ἰφιδάμαντοσ νεκροῦ, Ἰφιδάμασ οὗτόσ τε Κόων περιμάρναται αὐτοῦ· τοῦ Ἀγαμέμνονοσ δὲ ἐπὶ τῇ ἀσπίδι, οὗτοσ μὲν Φόβοσ ἐστὶ βροτῶν, ὁ δ’ ἔχων Ἀγαμέμνων. ἄγει δὲ καὶ Ἑρμῆσ παρ’ Ἀλέξανδρον τὸν Πριάμου τὰσ θεὰσ κριθησομένασ ὑπὲρ τοῦ κάλλουσ, καὶ ἔστιν ἐπίγραμμα καὶ τούτοισ·

Ἑρμείασ ὅδ’ Ἀλεξάνδρῳ δείκνυσι διαιτῆντοῦ εἴδουσ Ἥραν καὶ Ἀθάναν καὶ Ἀφροδίταν. Ἄρτεμισ δὲ οὐκ οἶδα ἐφ’ ὅτῳ λόγῳ πτέρυγασ ἔχουσά ἐστιν ἐπὶ τῶν ὤμων, καὶ τῇ μὲν δεξιᾷ κατέχει πάρδαλιν, τῇ δὲ ἑτέρᾳ τῶν χειρῶν λέοντα. πεποίηται δὲ καὶ Κασσάνδραν ἀπὸ τοῦ ἀγάλματοσ Αἰάσ τῆσ Ἀθηνᾶσ ἕλκων, ἐπ’ αὐτῷ δὲ καὶ ἐπίγραμμά ἐστιν· Αἰάσ Κασσάνδραν ἀπ’ Ἀθαναίασ Λοκρὸσ ἕλκει. τῶν δὲ Οἰδίποδοσ παίδων Πολυνείκει πεπτωκότι ἐσ γόνυ ἔπεισιν Ἐτεοκλῆσ.

τοῦ Πολυνείκουσ δὲ ὄπισθεν <γυνὴ> ἕστηκεν ὀδόντασ τε ἔχουσα οὐδὲν ἡμερωτέρουσ θηρίου καί οἱ τῶν χειρῶν εἰσιν ἐπικαμπεῖσ οἱ ὄνυχεσ· ἐπίγραμμα δὲ ἐπ’ αὐτῇ εἶναί φησι Κῆρα, ὡσ τὸν μὲν ὑπὸ τοῦ πεπρωμένου τὸν Πολυνείκην ἀπαχθέντα, Ἐτεοκλεῖ δὲ γενομένησ καὶ σὺν τῷ δικαίῳ τῆσ τελευτῆσ. Διόνυσοσ δὲ ἐν ἄντρῳ κατακείμενοσ, γένεια ἔχων καὶ ἔκπωμα χρυσοῦν, ἐνδεδυκώσ ἐστι ποδήρη χιτῶνα· δένδρα δὲ ἄμπελοι περὶ αὐτὸν καὶ μηλέαι τέ εἰσι καὶ ῥόαι. ἡ δὲ ἀνωτάτω χώρα ‐ πέντε γὰρ ἀριθμόν εἰσι ‐ παρέχεται μὲν ἐπίγραμμα οὐδέν, λείπεται δὲ εἰκάζειν ἐσ τὰ ἐπειργασμένα.

εἰσὶν οὖν ἐν σπηλαίῳ γυνὴ καθεύδουσα σὺν ἀνδρὶ ἐπὶ κλίνῃ, καὶ σφᾶσ Ὀδυσσέα εἶναι καὶ Κίρκην ἐδοξάζομεν ἀριθμῷ τε τῶν θεραπαινῶν, αἵ εἰσι πρὸ τοῦ σπηλαίου, καὶ τοῖσ ποιουμένοισ ὑπ’ αὐτῶν·

τέσσαρέσ τε γάρ εἰσιν αἱ γυναῖκεσ καὶ ἐργάζονται τὰ ἔργα, ἃ ἐν τοῖσ ἔπεσιν Ὅμηροσ εἴρηκε. Κένταυροσ δὲ οὐ τοὺσ πάντασ ἵππου πόδασ, τοὺσ δὲ ἔμπροσθεν αὐτῶν ἔχων ἀνδρόσ ἐστιν. ἑξῆσ καὶ ἵππων συνωρίδεσ καὶ γυναῖκεσ ἐπὶ τῶν συνωρίδων εἰσὶν ἑστῶσαι·

πτερὰ δὲ τοῖσ ἵπποισ χρυσᾶ ἐστι, καὶ ἀνὴρ δίδωσιν ὅπλα μιᾷ τῶν γυναικῶν. ταῦτα ἐσ τὴν Πατρόκλου τελευτὴν ἔχειν τεκμαίρονται· Νηρηίδασ τε γὰρ ἐπὶ τῶν συνωρίδων εἶναι καὶ Θέτιν τὰ ὅπλα λαμβάνειν παρὰ Ἡφαίστου. καὶ δὴ καὶ ἄλλωσ ὁ τὰ ὅπλα διδοὺσ οὔτε τοὺσ πόδασ ἐστὶν ἐρρωμένοσ καὶ ὄπισθεν οἰκέτησ ἕπεταί οἱ πυράγραν ἔχων· λέγεται δὲ καὶ ἐσ τὸν Κένταυρον ὡσ Χίρων, ἀπηλλαγμένοσ ἤδη παρὰ ἀνθρώπων καὶ ἠξιωμένοσ εἶναι σύνοικοσ θεοῖσ, ῥᾳστώνην τινὰ ἥκοι τοῦ πένθουσ Ἀχιλλεῖ παρασκευάσων.

παρθένουσ δὲ ἐπὶ ἡμιόνων τὴν μὲν ἔχουσαν τὰσ ἡνίασ, τὴν δὲ ἐπικειμένην κάλυμμα ἐπὶ τῇ κεφαλῇ, Ναυσικᾶν τε νομίζουσιν εἶναι τὴν Ἀλκίνου καὶ τὴν θεράπαιναν, ἐλαυνούσασ ἐπὶ τοὺσ πλυνούσ. τοξεύοντα δὲ ἄνδρα Κενταύρουσ, τοὺσ δὲ καὶ ἀπεκτονότα ἐξ αὐτῶν, δῆλα Ἡρακλέα τε τὸν τοξεύοντα καὶ Ἡρακλέουσ εἶναι τὸ ἔργον. τὸν μὲν δὴ τὴν λάρνακα κατεἰργασμένον ὅστισ ἦν, οὐδαμῶσ ἡμῖν δυνατὰ ἦν συμβαλέσθαι·

δὲ τὰ ἐπ’ αὐτῆσ τάχα μέν που καὶ ἄλλοσ τισ ἂν εἰή πεποιηκώσ, τῆσ δὲ ὑπονοίασ τὸ πολὺ ἐσ Εὔμηλον τὸν Κορίνθιον εἶχεν ἡμῖν, ἄλλων τε ἕνεκα καὶ τοῦ προσοδίου μάλιστα ὃ ἐποίησεν ἐσ Δῆλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 19

(파우사니아스, Description of Greece, Ἠλιακῶν Α, chapter 19)

상위

목록

SEARCH

MENU NAVIGATION