헬라어 문장 검색 - Παυσαν́Δεσξριπ́5́17́

(파우사니아스, Description of Greece, Ἠλιακῶν Α, chapter 17)

ταῦτα μὲν δὴ ἔχει κατὰ τὰ προειρημένα· τῆσ Ἥρασ δέ ἐστιν ἐν τῷ ναῷ Διόσ, τὸ δὲ Ἥρασ ἄγαλμα καθήμενόν ἐστιν ἐπὶ θρόνῳ· παρέστηκε δὲ γένειά τε ἔχων καὶ ἐπικείμενοσ κυνῆν ἐπὶ τῇ κεφαλῇ, ἔργα δέ ἐστιν ἁπλᾶ. τὰσ δὲ ἐφεξῆσ τούτων καθημένασ ἐπὶ θρόνων Ὥρασ ἐποίησεν Αἰγινήτησ Σμῖλισ. παρὰ δὲ αὐτὰσ Θέμιδοσ ἅτε μητρὸσ τῶν Ὡρῶν ἄγαλμα ἕστηκε Δορυκλείδου τέχνη, γένοσ μὲν Λακεδαιμονίου, μαθητοῦ δὲ Διποίνου καὶ Σκύλλιδοσ.

τὰσ δὲ Ἑσπερίδασ πέντε ἀριθμὸν Θεοκλῆσ ἐποίησε, Λακεδαιμόνιοσ μὲν καὶ οὗτοσ, πατρὸσ Ἡγύλου, φοιτῆσαι δὲ καὶ αὐτὸσ παρὰ Σκύλλιν καὶ Δίποινον λέγεται.

τὴν δὲ Ἀθηνᾶν κράνοσ ἐπικειμένην καὶ δόρυ καὶ ἀσπίδα ἔχουσαν Λακεδαιμονίου λέγουσιν ἔργον εἶναι Μέδοντοσ, τοῦτον δὲ ἀδελφόν τε εἶναι Δορυκλείδου καὶ παρὰ ἀνδράσι διδαχθῆναι τοῖσ αὐτοῖσ. Κόρη δὲ καὶ Δημήτηρ καὶ Ἀπόλλων καὶ Ἄρτεμισ, αἱ μὲν ἀλλήλων εἰσὶν ἀπαντικρὺ καθήμεναι, Ἀπόλλων δὲ ἐναντίοσ ἑστώσῃ τῇ Ἀρτέμιδι ἕστηκεν.

ἀνάκειται δὲ ἐνταῦθα καὶ Λητὼ Τύχη τε καὶ Διόνυσοσ καὶ ἔχουσα Νίκη πτερά· τοὺσ δὲ εἰργασμένουσ αὐτὰ οὐκ ἔχω δηλῶσαι, φαίνεται δὲ εἶναί μοι καὶ ταῦτα ἐσ τὰ μάλιστα ἀρχαῖα. τὰ μὲν δὴ κατειλεγμένα ἐστὶν ἐλέφαντοσ καὶ χρυσοῦ, χρόνῳ δὲ ὕστερον καὶ ἄλλα ἀνέθεσαν ἐσ τὸ Ἡραῖον· Ἑρμῆν λίθου, Διόνυσον δὲ φέρει νήπιον, τέχνη δέ ἐστι Πραξιτέλουσ, καὶ Ἀφροδίτη χαλκῆ Κλέωνοσ ἔργον Σικυωνίου. τούτου δὲ ὁ διδάσκαλοσ τοῦ Κλέωνοσ, ὄνομα Ἀντιφάνησ, ἐκ φοιτήσεωσ Περικλύτου, Πολυκλείτου δὲ ἦν τοῦ Ἀργείου μαθητὴσ ὁ Περίκλυτοσ.

παιδίον δὲ ἐπίχρυσον κάθηται γυμνὸν πρὸ τῆσ Ἀφροδίτησ· Βοηθὸσ δὲ ἐτόρευσεν αὐτὸ Καλχηδόνιοσ. δὲ αὐτόσε καὶ ἐκ τοῦ καλουμένου Φιλιππείου, χρυσοῦ καὶ ταῦτα καὶ ἐλέφαντοσ, Εὐρυδίκη τε ἡ <Ἀριδαίου γυνὴ καὶ Ὀλυμπιὰσ ἡ> Φιλίππου.

λάρναξ δὲ κέδρου μὲν πεποίηται, ζῴδια δὲ ἐλέφαντοσ ἐπ’ αὐτῆσ, τὰ δὲ χρυσοῦ, τὰ δὲ καὶ ἐξ αὐτῆσ ἐστιν εἰργασμένα τῆσ κέδρου·

ἐσ ταύτην τὴν λάρνακα Κύψελον τὸν Κορίνθου τυραννήσαντα ἀπέκρυψεν ἡ μήτηρ, ἡνίκα τεχθέντα ἀνευρεῖν αὐτὸν σπουδὴν ἐποιοῦντο οἱ Βακχίδαι. τῆσ μὲν δὴ σωτηρίασ ἕνεκα τοῦ Κυψέλου τὸ ἀπ’ αὐτοῦ γένοσ οἱ ὀνομαζόμενοι Κυψελίδαι τὴν λάρνακα ἐσ Ὀλυμπίαν ἀνέθεσαν, τὰσ δὲ λάρνακασ οἱ τότε ἐκάλουν Κορίνθιοι κυψέλασ· ἀπὸ τούτου δὲ καὶ ὄνομα Κύψελον τῷ παιδὶ θέσθαι λέγουσι. τῶν δὲ ἐπὶ τῇ λάρνακι ἐπιγράμματα ἔπεστι τοῖσ πλείοσι, γράμμασι τοῖσ ἀρχαίοισ γεγραμμένα·

καὶ τὰ μὲν ἐσ εὐθὺ αὐτῶν ἔχει, σχήματα δὲ ἄλλα τῶν γραμμάτων βουστροφηδὸν καλοῦσιν Ἕλληνεσ. τὸ δέ ἐστι τοιόνδε· ἀπὸ τοῦ πέρατοσ τοῦ ἔπουσ ἐπιστρέφει τῶν ἐπῶν τὸ δεύτερον ὥσπερ ἐν διαύλου δρόμῳ. γέγραπται δὲ ἐπὶ τῇ λάρνακι καὶ ἄλλωσ τὰ ἐπιγράμματα ἑλιγμοῖσ συμβαλέσθαι χαλεποῖσ. ἀρξαμένῳ δὲ ἀνασκοπεῖσθαι κάτωθεν τοσάδε ἐπὶ τῆσ λάρνακοσ ἡ πρώτη παρέχεται χώρα. Οἰνόμαοσ διώκων Πέλοπά ἐστιν ἔχοντα Ἱπποδάμειαν·

ἑκατέρῳ μὲν δὴ δύο αὐτῶν εἰσιν ἵπποι, τοῖσ δὲ τοῦ Πέλοπόσ ἐστι πεφυκότα καὶ πτερά. ἑξῆσ δὲ Ἀμφιαράου τε ἡ οἰκία πεποίηται καὶ Ἀμφίλοχον φέρει νήπιον πρεσβῦτισ ἥτισ δή· Εὐρυδίκη καὶ Δημώνασσα, καὶ Ἀλκμαίων παῖσ γυμνόσ.

Ἄσιοσ δὲ ἐν τοῖσ ἔπεσι καὶ Ἀλκμήνην ἐποίησε θυγατέρα Ἀμφιαράου καὶ Ἐριφύλησ εἶναι.

Βάτων δέ, ὃσ ἡνιοχεῖ τῷ Ἀμφιαράῳ, τάσ τε ἡνίασ τῶν ἵππων καὶ τῇ χειρὶ ἔχει τῇ ἑτέρᾳ λόγχην. Ἀμφιαράῳ δὲ ὁ μὲν τῶν ποδῶν ἐπιβέβηκεν ἤδη τοῦ ἁρ́ματοσ, τὸ ξίφοσ δὲ ἔχει γυμνὸν καὶ ἐσ τὴν Ἐριφύλην ἐστὶν ἐπεστραμμένοσ ἐξαγόμενόσ τε ὑπὸ τοῦ θυμοῦ, <ὡσ μόλισ> ἐκείνησ ἂν ἀποσχέσθαι. μετὰ δὲ τοῦ Ἀμφιαράου τὴν οἰκίαν ἔστιν ἀγὼν ὁ ἐπὶ Πελίᾳ καὶ οἱ θεώμενοι τοὺσ ἀγωνιστάσ.

πεποίηται δὲ Ἡρακλῆσ ἐν θρόνῳ καθήμενοσ καὶ ὄπισθεν γυνὴ αὐτοῦ· ταύτησ τῆσ γυναικὸσ ἐπίγραμμα μὲν ἄπεστιν ἥτισ ἐστί, Φρυγίοισ δὲ αὐλεῖ καὶ οὐχ Ἑλληνικοῖσ αὐλοῖσ. ἡνιοχοῦντεσ δὲ συνωρίδα Πῖσόσ ἐστιν ὁ Περιήρουσ καὶ Ἀστερίων Κομήτου, πλεῦσαι καὶ οὗτοσ λεγόμενοσ ἐπὶ τῆσ Ἀργοῦσ, καὶ Πολυδεύκησ τε καὶ Ἄδμητοσ, ἐπὶ δὲ αὐτοῖσ Εὔφημοσ, Ποσειδῶνόσ τε ὢν κατὰ τὸν τῶν ποιητῶν λόγον καὶ Ιἄσονι ἐσ Κόλχουσ τοῦ πλοῦ μετεσχηκώσ· οὗτοσ δὲ καὶ τῇ συνωρίδι ὁ νικῶν ἐστιν. οἱ δὲ ἀποτετολμηκότεσ πυκτεύειν Ἄδμητοσ καὶ Μόψοσ ἐστὶν ὁ Ἄμπυκοσ·

ἐν μέσῳ δὲ αὐτῶν ἀνὴρ ἑστηκὼσ ἐπαυλεῖ, καθότι καὶ ἐφ’ ἡμῶν ἐπὶ τῷ ἅλματι αὐλεῖν τῶν πεντάθλων νομίζουσιν. Ιἄσονι δὲ καὶ Πηλεῖ τὸ ἔργον τῆσ πάλησ ἐξ ἴσου καθέστηκε. πεποίηται δὲ καὶ Εὐρυβώτασ ἀφιεὶσ δίσκον, ὅστισ δὴ οὗτόσ ἐστιν ἐπὶ δίσκῳ φήμην ἔχων. οἱ δ’ ἐσ ἅμιλλαν δρόμου καθεστηκότεσ Μελανίων ἐστὶ καὶ Νεοθεὺσ καὶ Φαλαρεύσ, τέταρτοσ δὲ Ἀργεῖοσ καὶ Ἴφικλοσ πέμπτοσ· τούτῳ δὲ νικῶντι ὀρέγει τὸν στέφανον ὁ Ἄκαστοσ·

εἰή δ’ ἂν ὁ Πρωτεσιλάου πατὴρ τοῦ στρατεύσαντοσ ἐσ Ἴλιον. κεῖνται δὲ καὶ τρίποδεσ, ἆθλα δὴ τοῖσ νικῶσι, καὶ θυγατέρεσ εἰσὶν αἱ Πελίου·

τὸ δὲ ὄνομα ἐπὶ τῇ Ἀλκήστιδι γέγραπται μόνῃ. Ιὄλαοσ δέ, ὃσ ἐθελοντὴσ μετεῖχεν Ἡρακλεῖ τῶν ἔργων, ἔστιν ἵππων ἁρ́ματι ἀνῃρημένοσ νίκην. τὸ δὲ ἀπὸ τούτου ἀγὼν μὲν ὁ ἐπὶ Πελίᾳ πέπαυται, τὴν ὕδραν δέ, τὸ ἐν τῷ ποταμῷ τῇ Ἀμυμώνῃ θηρίον, Ἡρακλεῖ τοξεύοντι Ἀθηνᾶ παρέστηκεν· ἅτε δὲ τοῦ Ἡρακλέουσ ὄντοσ οὐκ ἀγνώστου τοῦ τε ἄθλου χάριν καὶ ἐπὶ τῷ σχήματι, τὸ ὄνομα οὐκ ἔστιν ἐπ’ αὐτῷ γεγραμμένον. Φινεύσ τε ὁ Θρᾷξ ἐστι, καὶ οἱ παῖδεσ οἱ Βορέου τὰσ Ἁρπυίασ ἀπ’ αὐτοῦ διώκουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 17

(파우사니아스, Description of Greece, Ἠλιακῶν Α, chapter 17)

상위

목록

SEARCH

MENU NAVIGATION