헬라어 문장 검색 - Παυσαν́Δεσξριπ́5́15́

(파우사니아스, Description of Greece, Ἠλιακῶν Α, chapter 15)

ἔστι δὲ οἴκημα ἐκτὸσ τῆσ Ἄλτεωσ, καλεῖται δὲ ἐργαστήριον Φειδίου, καὶ ὁ Φειδίασ καθ’ ἕκαστον τοῦ ἀγάλματοσ ἐνταῦθα εἰργάζετο· ἔστιν οὖν βωμὸσ ἐν τῷ οἰκήματι θεοῖσ πᾶσιν ἐν κοινῷ. ὀπίσω δὲ ἀναστρέψαντι αὖθισ ἐσ τὴν Ἄλτιν ἐστὶν ἀπαντικρὺ τοῦ Λεωνιδαίου ‐ τὸ δὲ ἐκτὸσ μὲν τοῦ περιβόλου τοῦ ἱεροῦ τὸ Λεωνίδαιον, τῶν δὲ ἐσόδων πεποίηται τῶν ἐσ τὴν Ἄλτιν κατὰ τὴν πομπικήν, ἣ μόνη τοῖσ πομπεύουσίν ἐστιν ὁδόσ· τοῦτο δὲ ἀνδρὸσ μὲν τῶν ἐπιχωρίων ἐστὶν ἀνάθημα Λεωνίδου, κατ’ ἐμὲ δὲ ἐσ αὐτὸ Ῥωμαίων ἐσῳκίζοντο οἱ τὴν Ἑλλάδα ἐπιτροπεύοντεσ·

διέστηκε δὲ ἀγυιὰν ἀπὸ τῆσ ἐσόδου τῆσ πομπικῆσ, τοὺσ γὰρ δὴ ὑπὸ Ἀθηναίων καλουμένουσ στενωποὺσ ἀγυιὰσ ὀνομάζουσιν οἱ Ἠλεῖοι ‐ ἔστι δὲ ἐν τῇ Ἄλτει τοῦ Λεωνιδαίου περᾶν μέλλοντι ἐσ ἀριστερὰν Ἀφροδίτησ βωμὸσ καὶ Ὡρῶν μετ’ αὐτόν.

κατὰ δὲ τὸν ὀπισθόδομον μάλιστά ἐστιν ἐν δεξιᾷ πεφυκὼσ κότινοσ· καλεῖται δὲ ἐλαία Καλλιστέφανοσ, καὶ τοῖσ νικῶσι τὰ Ὀλύμπια καθέστηκεν ἀπ’ αὐτῆσ δίδοσθαι τοὺσ στεφάνουσ.

τούτου πλησίον τοῦ κοτίνου πεποίηται Νύμφαισ βωμόσ· Καλλιστεφάνουσ ὀνομάζουσι καὶ ταύτασ.

ἔστι δὲ τοῖσ ἐκτὸσ τῆσ Ἄλτεωσ μὲν Ἀρτέμιδοσ Ἀγοραίασ βωμόσ, ἐν δεξιᾷ δὲ τοῦ Λεωνιδαίου, πεποίηται δὲ καὶ Δεσποίναισ ‐ τὰ δὲ ἐσ τὴν θεὸν ἥντινα ὀνομάζουσι Δέσποιναν διδάξει μοι τοῦ λόγου τὰ ἐσ Ἀρκάδασ ‐ , μετὰ δὲ τοῦτον ἔστιν Ἀγοραίου Διὸσ βωμόσ, πρὸ δὲ τῆσ καλουμένησ Προεδρίασ Ἀπόλλωνοσ ἐπωνυμίαν Πυθίου καὶ μετ’ αὐτὸν Διονύσου· τοῦτον οὔτε πάλαι τὸν βωμὸν καὶ ὑπὸ ἀνδρῶν ἰδιωτῶν ἀνατεθῆναι λέγουσιν. ἰόντι δὲ ἐπὶ τὴν ἄφεσιν τῶν ἵππων ἔστι βωμόσ, ἐπίγραμμα δὲ ἐπ’ αὐτῷ Μοιραγέτα·

δῆλα οὖν ἐστιν ἐπίκλησιν εἶναι Διὸσ ὃσ τὰ ἀνθρώπων οἶδεν, ὅσα διδόασιν αἱ Μοῖραι καὶ ὅσα μὴ πέπρωταί σφισι. πλησίον δὲ καὶ Μοιρῶν βωμόσ ἐστιν ἐπιμήκησ, μετὰ δὲ αὐτὸν Ἑρμοῦ καὶ δύο ἐφεξῆσ Διὸσ Ὑψίστου· Ἱππίασ βωμοί, πρὸσ δὲ τῷ κίονι Διοσκούρων.

τῆσ δὲ πρὸσ τὸν Ἔμβολον καλούμενον ἐσόδου τῇ μὲν Ἄρεωσ Ἱππίου, τῇ δὲ Ἀθηνᾶσ Ἱππίασ βωμόσ, ἐσ δὲ αὐτὸν τὸν Ἔμβολον ἐσελθόντων Τύχησ ἐστὶν ἀγαθῆσ βωμὸσ καὶ Πανόσ τε καὶ Ἀφροδίτησ, ἐνδοτάτω δὲ τοῦ Ἐμβόλου Νυμφῶν ἃσ Ἀκμηνὰσ καλοῦσιν.

ἀπὸ δὲ τῆσ στοᾶσ ἣν οἱ Ἠλεῖοι καλοῦσιν Ἀγνάπτου, τὸν ἀρχιτέκτονα ἐπονομάζοντεσ τῷ οἰκοδομήματι, ἀπὸ ταύτησ ἐπανιόντι ἐστὶν ἐν δεξιᾷ βωμὸσ Ἀρτέμιδοσ. ἐσελθόντων δὲ αὖθισ διὰ τῆσ πομπικῆσ ἐσ τὴν Ἄλτιν, εἰσὶν ὄπισθεν τοῦ Ἡραίου Κλαδέου τε τοῦ ποταμοῦ καὶ Ἀρτέμιδοσ βωμοί, ὁ δὲ μετ’ αὐτοὺσ Ἀπόλλωνοσ, τέταρτοσ δὲ Ἀρτέμιδοσ ἐπίκλησιν Κοκκώκασ, καὶ Ἀπόλλωνοσ πέμπτοσ Θερμίου.

τὸν μὲν δὴ παρὰ Ἠλείοισ Θέρμιον καὶ αὐτῷ μοι παρίστατο εἰκάζειν ὡσ κατὰ Ἀτθίδα γλῶσσαν εἰή θέσμιοσ· ἀνθ’ ὅτου δὲ Ἄρτεμιν ἐπονομάζουσι Κοκκώκαν, οὐχ οἱᾶ́ τε ἦν μοι διδαχθῆναι. ἔστι δὲ πρὸ τοῦ καλουμένου Θεηκολεῶνοσ οἴκημα·

τούτου δὲ ἐν γωνίᾳ τοῦ οἰκήματοσ Πανὸσ ἵδρυται βωμόσ. τὸ πρυτανεῖον δὲ Ἠλείοισ ἔστι μὲν τῆσ Ἄλτεωσ ἐντόσ, πεποίηται δὲ παρὰ τὴν ἔξοδον ἥ ἐστι τοῦ γυμνασίου πέραν· ἐν τούτῳ δὲ οἵ τε δρόμοι τῷ γυμνασίῳ καὶ τοῖσ ἀθληταῖσ εἰσιν αἱ παλαῖστραι. <τοῦ> πρυτανείου δὲ πρὸ μὲν τῶν θυρῶν βωμόσ ἐστιν Ἀρτέμιδοσ Ἀγροτέρασ· ἐν δὲ αὐτῷ τῷ πρυτανείῳ παριόντων ἐσ τὸ οἴκημα, ἔνθα σφίσιν ἡ ἑστία, Πανόσ ἐστιν ἐν δεξιᾷ τῆσ ἐσόδου βωμόσ.

ἔστι δὲ ἡ ἑστία τέφρασ καὶ αὕτη πεποιημένη, καὶ ἐπ’ αὐτῆσ πῦρ ἀνὰ πᾶσάν τε ἡμέραν καὶ ἐν πάσῃ νυκτὶ ὡσαύτωσ καίεται· ἀπὸ ταύτησ τῆσ ἑστίασ τὴν τέφραν κατὰ τὰ εἰρημένα ἤδη μοι κομίζουσιν ἐπὶ τὸν τοῦ Ὀλυμπίου βωμόν, καὶ οὐχ ἥκιστα ἐσ μέγεθοσ συντελεῖ τῷ βωμῷ τὸ ἀπὸ τῆσ ἑστίασ ἐπιφορούμενον.

ἑκάστου δὲ ἅπαξ τοῦ μηνὸσ θύουσιν ἐπὶ πάντων Ἠλεῖοι τῶν κατειλεγμένων βωμῶν.

θύουσι δὲ ἀρχαῖόν τινα τρόπον· λιβανωτὸν γὰρ ὁμοῦ πυροῖσ μεμαγμένοισ μέλιτι θυμιῶσιν ἐπὶ τῶν βωμῶν, τιθέασι δὲ καὶ κλῶνασ ἐλαίασ ἐπ’ αὐτῶν καὶ οἴνῳ χρῶνται σπονδῇ. μόναισ δὲ ταῖσ Νύμφαισ οὐ νομίζουσιν οἶνον οὐδὲ ταῖσ Δεσποίναισ σπένδειν οὐδὲ ἐπὶ τῷ βωμῷ τῷ κοινῷ πάντων θεῶν. μέλει δὲ τὰ ἐσ θυσίασ θεηκόλῳ τε, ὃσ ἐπὶ μηνὶ ἑκάστῳ τὴν τιμὴν ἔχει, καὶ μάντεσι καὶ σπονδοφόροισ, ἔτι δὲ ἐξηγητῇ τε καὶ αὐλητῇ καὶ τῷ ξυλεῖ· ὁπόσα δὲ ἐπὶ ταῖσ σπονδαῖσ λέγειν σφίσιν ἐν τῷ πρυτανείῳ καθέστηκεν, ἢ καὶ ὕμνουσ ὁποίουσ ᾄδουσιν, οὔ με ἦν εἰκὸσ ἐπεισαγαγέσθαι καὶ ταῦτα ἐσ τὸν λόγον.

θεοῖσ δὲ οὐ τοῖσ Ἑλληνικοῖσ μόνον ἀλλὰ καὶ τῷ ἐν Λιβύῃ σπένδουσι καὶ Ἥρᾳ τε Ἀμμωνίᾳ καὶ Παράμμωνι· Ἑρμοῦ δὲ ἐπίκλησίσ ἐστιν ὁ Παράμμων. φαίνονται δὲ χρώμενοι ἐκ παλαιοτάτου τῷ ἐν Λιβύῃ μαντείῳ, καὶ ἀναθήματα Ἠλείων ἐν Ἄμμωνόσ εἰσι βωμοί· γέγραπται δὲ ἐπ’ αὐτῶν ὅσα τε ἐπυνθάνοντο οἱ Ἠλεῖοι καὶ τὰ χρησθέντα ὑπὸ τοῦ θεοῦ καὶ τὰ ὀνόματα τῶν ἀνδρῶν οἳ παρὰ τὸν Ἄμμωνα ἦλθον ἐξ Ἤλιδοσ. ταῦτα μὲν δή ἐστιν ἐν Ἄμμωνοσ· Ἠλεῖοι δὲ καὶ ἡρ́ωσι καὶ γυναιξὶ σπένδουσιν ἡρώων, ὅσοι τε ἐν τῇ χώρᾳ τῇ Ἠλείᾳ καὶ ὅσοι παρὰ Αἰτωλοῖσ τιμὰσ ἔχουσιν.

ὁπόσα δὲ ᾄδουσιν ἐν τῷ πρυτανείῳ, φωνὴ μέν ἐστιν αὐτῶν ἡ Δώριοσ, ὅστισ δὲ ὁ ποιήσασ ἦν τὰ ᾄσματα, οὐ λέγουσιν. ἔστι δὲ καὶ ἑστιατόριον Ἠλείοισ·

καὶ τοῦτο ἔστι μὲν ἐντὸσ τοῦ πρυτανείου, τοῦ οἰκήματοσ τοῦ τῆσ ἑστίασ ἀπαντικρύ, τοὺσ δὲ τὰ Ὀλύμπια νικῶντασ ἑστιῶσιν ἐν τούτῳ τῷ οἰκήματι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 15

(파우사니아스, Description of Greece, Ἠλιακῶν Α, chapter 15)

상위

목록

SEARCH

MENU NAVIGATION