헬라어 문장 검색 - Παυσαν́Δεσξριπ́5́12́

(파우사니아스, Description of Greece, Ἠλιακῶν Α, chapter 12)

ὅσοι δὲ ἀνθρώπων τὰ διὰ τοῦ στόματοσ ἐσ τὸ ἐκτὸσ ἐλέφασιν ἐξίσχοντα ὀδόντασ τῶν θηρίων εἶναι καὶ οὐ κέρατα ἥγηνται, τούτοισ ἔστιν ἀπιδεῖν μὲν ἐσ τὰσ ἄλκασ, τὸ ἐν Κελτικῇ θηρίον, ἀπιδεῖν δὲ ἐσ τοὺσ Αἰθιοπικοὺσ ταύρουσ· ἄλκαι μὲν γὰρ κέρατα ἐπὶ ταῖσ ὀφρύσιν ἔχουσιν οἱ ἄρρενεσ, τὸ δὲ θῆλυ οὐ φύει τὸ παράπαν· οἱ δὲ Αἰθιοπικοὶ ταῦροι τὰ κέρατα φύουσιν ἐπὶ τῇ ῥινί. τίσ ἂν οὖν ποιήσαιτο ἔτι ἐν μεγάλῳ θαύματι διὰ στόματοσ ζῴῳ κέρατα ἐκφῦναι; πάρεστι δὲ ἀναδιδάσκεσθαι καὶ τοῖσδε ἔτι·

κέρατα γὰρ κατὰ ἐτῶν περίοδον ἀπογίνεται καὶ αὖθισ ἐκβλαστάνει ζῴοισ, καὶ τοῦτο ἔλαφοί τε καὶ δορκάδεσ, ὡσαύτωσ δὲ καὶ οἱ ἐλέφαντεσ πεπόνθασιν. ὀδοὺσ δὲ οὐκ ἔστιν ὅτῳ δεύτερα παρέσται ζῴῳ τῶν γε ἤδη τελείων· εἰ δὲ ὀδόντεσ τὰ διὰ στόματοσ ἐξίσχοντα καὶ μὴ κέρατα ἦσαν, πῶσ ἂν καὶ ἀνεφύοντο αὖθισ;

οὐ μὴν οὐδὲ εἴκειν πυρὶ ἔχουσιν ὀδόντεσ φύσιν· κέρατα δὲ καὶ βοῶν καὶ ἐλεφάντων ἐσ ὁμαλέσ τε ἐκ περιφεροῦσ καὶ ἐσ ἄλλα ὑπὸ πυρὸσ ἄγεται σχήματα. ποταμίοισ γε μὴν ἵπποισ καὶ ὑσὶν ἡ κάτωθεν γένυσ τοὺσ χαυλιόδοντασ φέρει, κέρατα δὲ ἀναφυόμενα <οὐχ> ὁρῶμεν ἐκ γενύων· ἐλέφαντι οὖν τὰ κέρατα ἴστω τισ διὰ κροτάφων κατερχόμενα ἄνωθεν καὶ οὕτωσ ἐσ τὸ ἐκτὸσ ἐπιστρέφοντα.

τοῦτο οὐκ ἀκοὴν γράφω, θεασάμενοσ δὲ ἐλέφαντοσ ἐν γῇ τῇ Καμπανῶν κρανίον ἐν Ἀρτέμιδοσ ἱερῷ· σταδίουσ δὲ ὡσ τριάκοντα ἀπέχει μάλιστα Καπύησ τὸ ἱερόν, αὕτη δὲ ἡ μητρόπολίσ ἐστιν ἡ Καπύη τῶν Καμπανῶν. ὁ μὲν δὴ ἐλέφασ παρὰ τὰ λοιπὰ ζῷα διάφορον καὶ τὴν ἔκφυσιν παρέχεται τῶν κεράτων, ὥσπερ γε καὶ τὸ μέγεθόσ ἐστιν αὐτῷ καὶ εἶδοσ οὐδὲν ἐοικότα ἑτέρῳ θηρίῳ· φιλότιμοι δὲ ἐσ τὰ μάλιστά μοι καὶ ἐσ θεῶν τιμὴν οὐ φειδωλοὶ χρημάτων γενέσθαι δοκοῦσιν οἱ Ἕλληνεσ, οἷσ γε παρὰ Ἰνδῶν ἤγετο καὶ ἐξ Αἰθιοπίασ ἐλέφασ ἐσ ποίησιν ἀγαλμάτων. ἐν δὲ Ὀλυμπίᾳ παραπέτασμα ἐρεοῦν κεκοσμημένον ὑφάσμασιν Ἀσσυρίοισ καὶ βαφῇ πορφύρασ τῆσ Φοινίκων ἀνέθηκεν Ἀντίοχοσ, οὗ δὴ καὶ ὑπὲρ τοῦ θεάτρου τοῦ Ἀθήνῃσιν ἡ αἰγὶσ ἡ χρυσῆ καὶ ἐπ’ αὐτῆσ ἡ Γοργώ ἐστιν ἀναθήματα.

καθιᾶσιν ἐσ τὸ ἔδαφοσ.

ἀναθήματα δὲ ὁπόσα ἔνδον ἢ ἐν τῷ προνάῳ κεῖται, θρόνοσ ἐστὶν Ἀριμνήστου βασιλεύσαντοσ ἐν Τυρσηνοῖσ, ὃσ πρῶτοσ βαρβάρων ἀναθήματι τὸν ἐν Ὀλυμπίᾳ Δία ἐδωρήσατο, καὶ ἵπποι Κυνίσκασ χαλκοῖ, σημεῖα Ὀλυμπικῆσ νίκησ·

οὗτοι μέγεθοσ μὲν ἀποδέουσιν ἵππων, ἑστήκασι δὲ ἐν τῷ προνάῳ τοῖσ ἐσιοῦσιν ἐν δεξιᾷ. κεῖται δὲ καὶ τρίπουσ ἐπίχαλκοσ, ἐφ’ οὗ πρὶν ἢ τὴν τράπεζαν ποιηθῆναι προετίθεντο τοῖσ νικῶσιν οἱ στέφανοι. βασιλέων δὲ ἀνδριάντασ, Ἀδριανοῦ μὲν αἱ ἐσ τὸ Ἀχαϊκὸν τελοῦσαι πόλεισ ἀνέθεσαν Παρίου λίθου, Τραϊανοῦ δὲ οἱ πάντεσ Ἕλληνεσ.

οὗτοσ προσεκτήσατο ὁ βασιλεὺσ Γέτασ τοὺσ ὑπὲρ Θρᾴκησ Ὀσρόῃ τε τῷ ἀπογόνῳ τῷ Ἀρσάκου καὶ Πάρθοισ ἐπολέμησεν· ὁπόσα δὲ ἐσ ἔργων ἔχει οἱ κατασκευήν, ἀξιολογώτατά ἐστι λουτρὰ ἐπώνυμα αὐτοῦ καὶ θέατρον μέγα κυκλοτερὲσ πανταχόθεν καὶ οἰκοδόμημα ἐσ ἵππων δρόμουσ προῆκον καὶ ἐσ δύο σταδίων μῆκοσ, καὶ ἡ Ῥωμαίων ἀγορὰ κόσμου τε ἕνεκα τοῦ λοιποῦ θέασ ἀξία καὶ μάλιστα ἐσ τὸν ὄροφον χαλκοῦ πεποιημένον. αἱ δὲ εἰκόνεσ αἱ τοῖσ κατασκευάσμασι τοῖσ περιφερέσιν ἐγκείμεναι, ἡ μὲν τοῦ ἠλέκτρου βασιλέωσ Ῥωμαίων ἐστὶν Αὐγούστου, ἡ δὲ τοῦ ἐλέφαντοσ βασιλέωσ Νικομήδουσ ἐλέγετο εἶναι Βιθυνῶν.

ἀπὸ τούτου δὲ καὶ τῇ μεγίστῃ τῶν ἐν Βιθυνίᾳ πόλεων μετεβλήθη τὸ ὄνομα, Ἀστακῷ τὰ πρὸ τούτου καλουμένῃ· τὰ δὲ ἐξ ἀρχῆσ αὐτῇ Ζυποίτησ ἐγένετο οἰκιστήσ, Θρᾷξ γένοσ εἰκάζοντί γε ἀπὸ τοῦ ὀνόματοσ. τὸ δὲ ἤλεκτρον τοῦτο οὗ τῷ Αὐγούστῳ πεποίηνται τὴν εἰκόνα, ὅσον μὲν αὐτόματον ἐν τοῦ Ἠριδανοῦ ταῖσ ψάμμοισ εὑρίσκεται, σπανίζεται τὰ μάλιστα καὶ ἀνθρώπῳ τίμιον πολλῶν ἐστιν ἕνεκα· τὸ δὲ ἄλλο ἤλεκτρον ἀναμεμιγμένοσ ἐστὶν ἀργύρῳ χρυσόσ.

ἐν δὲ τῷ ἐν Ὀλυμπίᾳ ναῷ Νέρωνοσ ἀναθήματα τρεῖσ μὲν ἐσ κοτίνου φύλλα στέφανοι, τέταρτοσ δὲ ἐσ δρυόσ ἐστι μεμιμημένοσ·

κεῖνται δὲ αὐτόθι καὶ ἀσπίδεσ χαλκαῖ πέντε καὶ εἴκοσι, τοῖσ ὁπλιτεύουσιν εἶναι φορήματα ἐσ τὸν δρόμον. στῆλαι δὲ ἄλλαι τε ἑστήκασι καὶ ἡ πρὸσ Ἀθηναίουσ καὶ Ἀργείουσ τε καὶ Μαντινέασ ἔχουσα ὁρ́κον παρὰ Ἠλείων ἐσ συμμαχίαν ἐτῶν ἑκατόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 12

(파우사니아스, Description of Greece, Ἠλιακῶν Α, chapter 12)

상위

목록

SEARCH

MENU NAVIGATION