헬라어 문장 검색 - Παυσαν́Δεσξριπ́5́03́

(파우사니아스, Description of Greece, Ἠλιακῶν Α, chapter 3)

Ἡρακλῆσ δὲ εἷλεν ὕστερον καὶ ἐπόρθησεν Ἦλιν, στρατιὰν παρά τε Ἀργείων καὶ ἐκ Θηβῶν ἀθροίσασ καὶ Ἀρκάδασ· ἤμυναν δὲ καὶ Ἠλείοισ οἱ ἐκ Πύλου τοῦ ἐν τῇ Ἠλείᾳ καὶ οἱ Πισαῖοι. καὶ τοὺσ μὲν ἐτιμωρήσατο αὐτῶν ὁ Ἡρακλῆσ, τῆσ δὲ ἐπὶ τοὺσ Πισαίουσ στρατείασ αὐτὸν χρησμὸσ ἐπέσχεν ἐκ Δελφῶν ἔχων οὕτω· πατρὶ μέλει Πίσησ, Πυθοῦσ δέ μοι ἐν γυάλοισι. τοῦτο μὲν δὴ σωτηρία Πισαίοισ τὸ μάντευμα ἐγένετο· Φυλεῖ δὲ Ἡρακλῆσ τήν τε χώραν ἀνέδωκε τὴν Ἠλείαν καὶ τἄλλα, αἰδοῖ τοῦ Φυλέωσ μᾶλλον ἢ αὐτὸσ ἑκουσίωσ· τά τε γὰρ αἰχμάλωτα ἐφίησιν ἔχειν αὐτῷ καὶ Αὐγέαν μὴ ὑποσχεῖν δίκην. τῶν δὲ Ἠλείων αἱ γυναῖκεσ, ἅτε τῶν ἐν ἡλικίᾳ σφίσιν ἠρημωμένησ τῆσ χώρασ, εὔξασθαι τῇ Ἀθηνᾷ λέγονται κυῆσαι παραυτίκα, ἐπειδὰν μιχθῶσι τοῖσ ἀνδράσι·

καὶ ἥ τε εὐχή σφισιν ἐτελέσθη καὶ Ἀθηνᾶσ ἱερὸν ἐπίκλησιν Μητρὸσ ἱδρύσαντο. ποταμὸν τὸν ῥέοντα ἐνταῦθα ὕδωρ Βαδὺ ἐπιχωρίῳ φωνῇ.

Φυλέωσ δέ, ὡσ τὰ ἐν τῇ Ἤλιδι κατεστήσατο, αὖθισ ἐσ Δουλίχιον ἀποχωρήσαντοσ, Αὐγέαν μὲν τὸ χρεὼν ἐπέλαβε προήκοντα ἐσ γῆρασ, βασιλείαν δὲ τὴν Ἠλείων Ἀγασθένησ ἔσχεν ὁ Αὐγέου καὶ Ἀμφίμαχόσ τε καὶ Θάλπιοσ·

Ἄκτοροσ γὰρ τοῖσ παισὶν ἀδελφὰσ ἐσαγαγομένοισ διδύμασ ἐσ τὸν οἶκον, Δεξαμενοῦ θυγατέρασ ἐν Ὠλένῳ βασιλεύοντοσ, τῷ μὲν ἐκ Θηρονίκησ Ἀμφίμαχοσ, Εὐρύτῳ δὲ ἐκ Θηραιφόνησ ἐγεγόνει Θάλπιοσ. οὐ μὴν οὐδὲ Ἀμαρυγκεὺσ οὔτε αὐτὸσ διέμεινεν ἰδιωτεύων οὔτε Διώρησ ὁ Ἀμαρυγκέωσ.

ἃ δὴ καὶ Ὅμηροσ παρεδήλωσεν ἐν καταλόγῳ τῶν Ἠλείων, τὸν μὲν σύμπαντα αὐτῶν στόλον ποιήσασ τεσσαράκοντα εἶναι νεῶν, τούτων δὲ τὰσ ἡμισείασ ὑπὸ Ἀμφιμάχῳ τετάχθαι καὶ Θαλπίῳ, τῶν λοιπῶν δὲ εἴκοσι δέκα μὲν ναυσὶ Διώρην τὸν Ἀμαρυγκέωσ ἡγεῖσθαι, τοσαύταισ δὲ ἑτέραισ Πολύξενον τὸν Ἀγασθένουσ. Πολυξένῳ δὲ ἀνασωθέντι ἐκ Τροίασ ἐγένετο υἱὸσ Ἀμφίμαχοσ ‐ τὸ δὲ ὄνομα τῷ παιδὶ ἔθετο ὁ Πολύξενοσ κατὰ φιλίαν ἐμοὶ δοκεῖν πρὸσ Ἀμφίμαχον τὸν Κτεάτου τελευτήσαντα ἐν Ἰλίῳ ‐ , Ἀμφιμάχου δὲ Ἠλεῖοσ· καὶ ἐπὶ Ἠλείου βασιλεύοντοσ ἐν Ἤλιδι, τηνικαῦτα ὁ Δωριέων στόλοσ σὺν τοῖσ Ἀριστομάχου παισὶν ἠθροίζετο ἐπὶ καθόδῳ τῇ ἐσ Πελοπόννησον.

γίνεται δὲ τοῖσ βασιλεῦσιν αὐτῶν λόγιον τόδε, ἡγεμόνα τῆσ καθόδου ποιεῖσθαι τὸν τριόφθαλμον. ἀποροῦσι δέ σφισιν ὅ τι ὁ χρησμὸσ ἐθέλοι συνέτυχεν ἐλαύνων ἀνὴρ ἡμίονον, ὁ δὲ ἕτεροσ διέφθαρτο τῷ ἡμιόνῳ τῶν ὀφθαλμῶν· Κρεσφόντου δὲ συμφρονήσαντοσ ὡσ ἐσ τοῦτον τὸν ἄνδρα ἔχοι τὸ μάντευμα, οὕτωσ ᾠκειώσαντο αὐτὸν οἱ Δωριεῖσ.

ὁ δὲ σφᾶσ ναυσὶν ἐκέλευεν ἐσ Πελοπόννησον κατιέναι μηδὲ στρατῷ πεζῷ διὰ τοῦ ἰσθμοῦ πειρᾶσθαι. ταῦτά τε δὴ παρῄνεσε καὶ ἅμα τὸν ἐσ Μολύκριον ἐκ Ναυπάκτου πλοῦν καθηγήσατο αὐτοῖσ·

οἱ δὲ ἀντὶ τούτου δεηθέντι τὴν Ἠλείαν γῆν συνέθεντο αὐτῷ δώσειν. ὁ δὲ ἀνὴρ ἦν Ὄξυλοσ Αἵμονοσ τοῦ Θόαντοσ· Θόασ δὲ ἦν οὗτοσ ὃσ καὶ τοῖσ Ἀτρέωσ παισὶν ἀρχὴν συγκαθεῖλε τὴν Πριάμου, γενεαὶ δὲ ἀπὸ Θόαντοσ ἀνήκουσιν ἓξ ἐσ Αἰτωλὸν τὸν Ἐνδυμίωνοσ. ἦσαν δὲ οἱ Ἡρακλεῖδαι συγγενεῖσ καὶ ἄλλωσ τοῖσ ἐν Αἰτωλίᾳ βασιλεῦσι, καὶ ἀδελφαὶ Θόαντι τῷ Ἀνδραίμονοσ καὶ Ὕλλου τοῦ Ἡρακλέουσ ἦσαν αἱ μητέρεσ.

συνεπεπτώκει δὲ τῷ Ὀξύλῳ φυγάδι ἐξ Αἰτωλίασ εἶναι· δισκεύοντα γάρ φασιν ἁμαρτεῖν αὐτὸν καὶ ἐξεργάσασθαι φόνον ἀκούσιον, τὸν δὲ ἀποθανόντα ὑπὸ τοῦ δίσκου τὸν ἀδελφὸν εἶναι τοῦ Ὀξύλου Θέρμιον, οἱ δὲ Ἀλκιδόκον τὸν Σκοπίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 3

(파우사니아스, Description of Greece, Ἠλιακῶν Α, chapter 3)

상위

목록

SEARCH

MENU NAVIGATION