헬라어 문장 검색 - Λψσιασ́Σπεεξηέ16́

(리시아스, Speeches, Ἐν βουλῇ Μαντιθέῳ δοκιμαζομένῳ ἀπολογία)

εἰ μὴ συνῄδη, ὦ βουλή, τοῖσ κατηγόροισ βουλομένοισ ἐκ παντὸσ τρόπου κακῶσ ἐμὲ ποιεῖν, πολλὴν ἂν αὐτοῖσ χάριν εἶχον ταύτησ τῆσ κατηγορίασ· ἡγοῦμαι γὰρ τοῖσ ἀδίκωσ διαβεβλημένοισ τούτουσ εἶναι μεγίστων ἀγαθῶν αἰτίουσ, οἵτινεσ ἂν αὐτοὺσ ἀναγκάζωσιν εἰσ ἔλεγχον τῶν αὐτοῖσ βεβιωμένων καταστῆναι. ἐγὼ γὰρ οὕτω σφόδρα ἐμαυτῷ πιστεύω, ὥστ’ ἐλπίζω καὶ εἴ τισ πρόσ με τυγχάνει ἀηδῶσ ἢ κακῶσ διακείμενοσ, ἐπειδὰν ἐμοῦ λέγοντοσ ἀκούσῃ περὶ τῶν πεπραγμένων, μεταμελήσειν αὐτῷ καὶ πολὺ βελτίω με εἰσ τὸν λοιπὸν χρόνον ἡγήσεσθαι.

ἀξιῶ δέ, ὦ βουλή, ἐὰν μὲν τοῦτο μόνον ὑμῖν ἐπιδείξω, ὡσ εὔνουσ εἰμὶ τοῖσ καθεστηκόσι πράγμασι καὶ ὡσ ἠνάγκασμαι τῶν αὐτῶν κινδύνων μετέχειν ὑμῖν, μηδέν πώ μοι πλέον εἶναι·

ἐὰν δὲ φαίνωμαι <καὶ> περὶ τὰ ἄλλα μετρίωσ βεβιωκὼσ καὶ πολὺ παρὰ τὴν δόξαν καὶ παρὰ τοὺσ λόγουσ τοὺσ τῶν ἐχθρῶν, δέομαι ὑμῶν ἐμὲ μὲν δοκιμάζειν, τούτουσ δὲ ἡγεῖσθαι χείρουσ εἶναι. πρῶτον δὲ ἀποδείξω ὡσ οὐχ ἵππευον οὐδ’ ἐπεδήμουν ἐπὶ τῶν τριάκοντα, οὐδὲ μετέσχον τῆσ τότε πολιτείασ. ἡμᾶσ γὰρ ὁ πατὴρ πρὸ τῆσ ἐν Ἑλλησπόντῳ συμφορᾶσ ὡσ Σάτυρον τὸν ἐν τῷ Πόντῳ διαιτησομένουσ ἐξέπεμψε, καὶ οὔτε τῶν τειχῶν καθαιρουμένων <ἐπεδημοῦμεν> οὔτε μεθισταμένησ τῆσ πολιτείασ, ἀλλ’ ἤλθομεν πρὶν τοὺσ ἀπὸ Φυλῆσ εἰσ τὸν Πειραιᾶ κατελθεῖν πρότερον πένθ’ ἡμέραισ.

καίτοι οὔτε ἡμᾶσ εἰκὸσ ἦν εἰσ τοιοῦτον καιρὸν ἀφιγμένουσ ἐπιθυμεῖν μετέχειν τῶν ἀλλοτρίων κινδύνων, οὔτ’ ἐκεῖνοι φαίνονται τοιαύτην γνώμην ἔχοντεσ ὥστε καὶ τοῖσ ἀποδημοῦσι καὶ τοῖσ μηδὲν ἐξαμαρτάνουσι μεταδιδόναι τῆσ πολιτείασ, ἀλλὰ μᾶλλον ἠτίμαζον καὶ τοὺσ συγκαταλύσαντασ τὸν δῆμον.

ἔπειτα δὲ ἐκ μὲν τοῦ σανιδίου τοὺσ ἱππεύσαντασ σκοπεῖν εὐήθέσ ἐστιν.

ἐν τούτῳ γὰρ πολλοὶ μὲν τῶν ὁμολογούντων ἱππεύειν οὐκ ἔνεισιν, ἔνιοι δὲ τῶν ἀποδημούντων ἐγγεγραμμένοι εἰσίν. ἐκεῖνοσ δ’ ἐστὶν ἔλεγχοσ μέγιστοσ· ἐπειδὴ γὰρ κατήλθετε, ἐψηφίσασθε τοὺσ φυλάρχουσ ἀπενεγκεῖν τοὺσ ἱππεύσαντασ, ἵνα τὰσ καταστάσεισ ἀναπράξητε παρ’ αὐτῶν. ἐμὲ τοίνυν οὐδεὶσ ἂν ἀποδείξειεν οὔτ’ ἀπενεχθέντα ὑπὸ τῶν φυλάρχων οὔτε παραδοθέντα τοῖσ συνδίκοισ οὔτε κατάστασιν καταβαλόντα.

καίτοι πᾶσι ῥᾴδιον τοῦτο γνῶναι, ὅτι ἀναγκαῖον ἦν τοῖσ φυλάρχοισ, εἰ μὴ ἀποδείξειαν τοὺσ ἔχοντασ τὰσ καταστάσεισ, αὐτοῖσ ζημιοῦσθαι. ὥστε πολὺ ἂν δικαιότερον ἐκείνοισ τοῖσ γράμμασιν ἢ τούτοισ πιστεύοιτε· ἐκ μὲν γὰρ τούτων ῥᾴδιον ἦν ἐξαλειφθῆναι τῷ βουλομένῳ, ἐν ἐκείνοισ δὲ τοὺσ ἱππεύσαντασ ἀναγκαῖον ἦν ὑπὸ τῶν φυλάρχων ἀπενεχθῆναι. ἔτι δέ, ὦ βουλή, εἴπερ ἵππευσα, οὐκ ἂν ἦ ἔξαρνοσ ὡσ δεινόν τι πεποιηκώσ, ἀλλ’ ἠξίουν, ἀποδείξασ ὡσ οὐδεὶσ ὑπ’ ἐμοῦ τῶν πολιτῶν κακῶσ πέπονθε, δοκιμάζεσθαι.

ὁρῶ δὲ καὶ ὑμᾶσ ταύτῃ τῇ γνώμῃ χρωμένουσ, καὶ πολλοὺσ μὲν τῶν τότε ἱππευσάντων βουλεύοντασ, πολλοὺσ δ’ αὐτῶν στρατηγοὺσ καὶ ἱππάρχουσ κεχειροτονημένουσ. ὥστε μηδὲν δι’ ἄλλο με ἡγεῖσθε ταύτην ποιεῖσθαι τὴν ἀπολογίαν, ἢ ὅτι περιφανῶσ ἐτόλμησάν μου καταψεύσασθαι. ἀνάβηθι δέ μοι καὶ μαρτύρησον. Μάρτυρεσ περὶ μὲν τοίνυν αὐτῆσ τῆσ αἰτίασ οὐκ οἶδ’ ὅ τι δεῖ πλείω λέγειν· δοκεῖ δέ μοι, ὦ βουλή, ἐν μὲν τοῖσ ἄλλοισ ἀγῶσι περὶ αὐτῶν μόνων τῶν κατηγορημένων προσήκειν ἀπολογεῖσθαι, ἐν δὲ ταῖσ δοκιμασίαισ δίκαιον εἶναι παντὸσ τοῦ βίου λόγον διδόναι.

δέομαι οὖν ὑμῶν μετ’ εὐνοίασ ἀκροάσασθαί μου. ποιήσομαι δὲ τὴν ἀπολογίαν ὡσ ἂν δύνωμαι διὰ βραχυτάτων. ἐγὼ γὰρ πρῶτον μὲν, οὐσίασ μοι οὐ πολλῆσ καταλειφθείσησ διὰ τὰσ συμφορὰσ καὶ τὰσ τοῦ πατρὸσ καὶ τὰσ τῆσ πόλεωσ, δύο μὲν ἀδελφὰσ ἐξέδωκα ἐπιδοὺσ τριάκοντα μνᾶσ ἑκατέρᾳ, πρὸσ τὸν ἀδελφὸν δ’ οὕτωσ ἐνειμάμην ὥστ’ ἐκεῖνον πλέον ὁμολογεῖν ἔχειν ἐμοῦ τῶν πατρῴων, καὶ πρὸσ τοὺσ ἄλλουσ ἅπαντασ οὕτωσ βεβίωκα ὥστε μηδεπώποτέ μοι μηδὲ πρὸσ ἕνα μηδὲν ἔγκλημα γενέσθαι.

καὶ τὰ μὲν ἴδια οὕτωσ διῴκηκα·

περὶ δὲ τῶν κοινῶν μοι μέγιστον ἡγοῦμαι τεκμήριον εἶναι τῆσ ἐμῆσ ἐπιεικείασ, ὅτι τῶν νεωτέρων ὅσοι περὶ κύβουσ ἢ πότουσ ἢ περὶ τὰσ τοιαύτασ ἀκολασίασ τυγχάνουσι τὰσ διατριβὰσ ποιούμενοι, πάντασ αὐτοὺσ ὄψεσθέ μοι διαφόρουσ ὄντασ, καὶ πλεῖστα τούτουσ περὶ ἐμοῦ λογοποιοῦντασ καὶ ψευδομένουσ. καίτοι δῆλον ὅτι, εἰ τῶν αὐτῶν ἐπεθυμοῦμεν, οὐκ ἂν τοιαύτην γνώμην εἶχον περὶ ἐμοῦ. ἔτι δ’, ὦ βουλή, οὐδεὶσ ἂν ἀποδεῖξαι περὶ ἐμοῦ δύναιτο οὔτε δίκην αἰσχρὰν οὔτε γραφὴν οὔτε εἰσαγγελίαν γεγενημένην·

καίτοι ἑτέρουσ ὁρᾶτε πολλάκισ εἰσ τοιούτουσ ἀγῶνασ καθεστηκότασ. πρὸσ τοίνυν τὰσ στρατείασ καὶ τοὺσ κινδύνουσ τοὺσ πρὸσ τοὺσ πολεμίουσ σκέψασθε οἱο͂ν ἐμαυτὸν παρέχω τῇ πόλει. πρῶτον μὲν γάρ, ὅτε τὴν συμμαχίαν ἐποιήσασθε πρὸσ τοὺσ Βοιωτοὺσ καὶ εἰσ Ἁλίαρτον ἔδει βοηθεῖν, ὑπὸ Ὀρθοβούλου κατειλεγμένοσ ἱππεύειν, ἐπειδὴ πάντασ ἑώρων τοῖσ μὲν ἱππεύουσιν ἀσφάλειαν εἶναι δεῖν νομίζοντασ, τοῖσ δ’ ὁπλίταισ κίνδυνον ἡγουμένουσ, ἑτέρων ἀναβάντων ἐπὶ τοὺσ ἵππουσ ἀδοκιμάστων παρὰ τὸν νόμον ἐγὼ προσελθὼν ἔφην τῷ Ὀρθοβούλῳ ἐξαλεῖψαί με ἐκ τοῦ καταλόγου, ἡγούμενοσ αἰσχρὸν εἶναι τοῦ πλήθουσ μέλλοντοσ κινδυνεύειν ἄδειαν ἐμαυτῷ παρασκευάσαντα στρατεύεσθαι.

καί μοι ἀνάβηθι, Ὀρθόβουλε. Μάρτυρεσ συλλεγέντων τοίνυν τῶν δημοτῶν πρὸ τῆσ ἐξόδου, εἰδὼσ αὐτῶν ἐνίουσ πολίτασ μὲν χρηστοὺσ ὄντασ καὶ προθύμουσ, ἐφοδίων δὲ ἀποροῦντασ, εἶπον ὅτι χρὴ τοὺσ ἔχοντασ παρέχειν τὰ ἐπιτήδεια τοῖσ ἀπόρωσ διακειμένοισ. καὶ οὐ μόνον τοῦτο συνεβούλευον τοῖσ ἄλλοισ, ἀλλὰ καὶ αὐτὸσ ἔδωκα δυοῖν ἀνδροῖν τριάκοντα δραχμὰσ ἑκατέρῳ, οὐχ ὡσ πολλὰ κεκτημένοσ, ἀλλ’ ἵνα παράδειγμα τοῦτο τοῖσ ἄλλοισ γένηται.

καί μοι ἀνάβητε. Μάρτυρεσ μετὰ ταῦτα τοίνυν, ὦ βουλή, εἰσ Κόρινθον ἐξόδου γενομένησ καὶ πάντων προειδότων ὅτι δεήσει κινδυνεύειν, ἑτέρων ἀναδυομένων ἐγὼ διεπραξάμην ὥστε τῆσ πρώτησ τεταγμένοσ μάχεσθαι τοῖσ πολεμίοισ· καὶ μάλιστα τῆσ ἡμετέρασ φυλῆσ δυστυχησάσησ, καὶ πλείστων ἐναποθανόντων ὕστεροσ ἀνεχώρησα τοῦ σεμνοῦ Στειριῶσ τοῦ πᾶσιν ἀνθρώποισ δειλίαν ὠνειδικότοσ.

καὶ οὐ πολλαῖσ ἡμέραισ ὕστερον μετὰ ταῦτα ἐν Κορίνθῳ χωρίων ἰσχυρῶν κατειλημμένων, ὥστε τοὺσ πολεμίουσ μὴ δύνασθαι παριέναι, Ἀγησιλάου δ’ εἰσ τὴν Βοιωτίαν ἐμβαλόντοσ ψηφισαμένων τῶν ἀρχόντων ἀποχωρίσαι τάξεισ αἵτινεσ βοηθήσουσι, φοβουμένων ἁπάντων εἰκότωσ, ὦ βουλή·

δεινὸν γὰρ ἦν ἀγαπητῶσ ὀλίγῳ πρότερον σεσωσμένουσ ἐφ’ ἕτερον κίνδυνον ἰέναι προσελθὼν ἐγὼ τὸν ταξίαρχον ἐκέλευον ἀκληρωτὶ τὴν ἡμετέραν τάξιν πέμπειν. ὥστ’ εἴ τινεσ ὑμῶν ὀργίζονται τοῖσ τὰ μὲν τῆσ πόλεωσ ἀξιοῦσι πράττειν, ἐκ δὲ τῶν κινδύνων ἀποδιδράσκουσιν, οὐκ ἂν δικαίωσ περὶ ἐμοῦ τὴν γνώμην ταύτην ἔχοιεν·

οὐ γὰρ μόνον τὰ προσταττόμενα ταττόμενα ἐποίουν προθύμωσ, ἀλλὰ καὶ κινδυνεύειν ἐτόλμων. καὶ ταῦτ’ ἐποίουν οὐχ ὡσ οὐ δεινὸν ἡγούμενοσ εἶναι Λακεδαιμονίοισ μάχεσθαι, ἀλλ’ ἵνα, εἴ ποτε ἀδίκωσ εἰσ κίνδυνον καθισταίμην, διὰ ταῦτα βελτίων ὑφ’ ὑμῶν νομιζόμενοσ ἁπάντων τῶν δικαίων τυγχάνοιμι. καί μοι ἀνάβητε τούτων μάρτυρεσ. Μάρτυρεσ τῶν τοίνυν ἄλλων στρατειῶν καὶ φρουρῶν οὐδεμιᾶσ ἀπελείφθην πώποτε, ἀλλὰ πάντα τὸν χρόνον διατετέλεκα μετὰ τῶν πρώτων μὲν τὰσ ἐξόδουσ ποιούμενοσ, μετὰ τῶν τελευταίων δὲ ἀναχωρῶν· καίτοι χρὴ τοὺσ φιλοτίμωσ καὶ κοσμίωσ πολιτευομένουσ ἐκ τῶν τοιούτων σκοπεῖν, ἀλλ’ οὐκ εἴ τισ κομᾷ, διὰ τοῦτο μισεῖν·

τὰ μὲν γὰρ τοιαῦτα ἐπιτηδεύματα οὔτε τοὺσ ἰδιώτασ οὔτε τὸ κοινὸν τῆσ πόλεωσ βλάπτει, ἐκ δὲ τῶν κινδυνεύειν ἐθελόντων πρὸσ τοὺσ πολεμίουσ ἅπαντεσ ὑμεῖσ ὠφελεῖσθε. ὥστε οὐκ ἄξιον ἀπ’ ὄψεωσ, ὦ βουλή, οὔτε φιλεῖν οὔτε μισεῖν οὐδένα, ἀλλ’ ἐκ τῶν ἔργων σκοπεῖν·

πολλοὶ μὲν γὰρ μικρὸν διαλεγόμενοι καὶ κοσμίωσ ἀμπεχόμενοι μεγάλων κακῶν αἴτιοι γεγόνασιν, ἕτεροι δὲ τῶν τοιούτων ἀμελοῦντεσ πολλὰ κἀγαθὰ ὑμᾶσ εἰσιν εἰργασμένοι. ἤδη δέ τινων ᾐσθόμην, ὦ βουλή, καὶ διὰ ταῦτα ἀχθομένων μοι, ὅτι νεώτεροσ ὢν ἐπεχείρησα λέγειν ἐν τῷ δήμῳ.

ἐγὼ δὲ τὸ μὲν πρῶτον ἠναγκάσθην ὑπὲρ τῶν ἐμαυτοῦ πραγμάτων δημηγορῆσαι, ἔπειτα μέντοι καὶ ἐμαυτῷ δοκῶ φιλοτιμότερον διατεθῆναι τοῦ δέοντοσ, ἅμα μὲν τῶν προγόνων ἐνθυμούμενοσ, ὅτι οὐδὲν πέπαυνται τὰ τῆσ πόλεωσ πράττοντεσ ἅμα δὲ ὑμᾶσ ὁρῶν τὰ γὰρ ἀληθῆ χρὴ λέγειν τοὺσ τοιούτουσ μόνουσ <τινὸσ> ἀξίουσ νομίζοντασ εἶναι, ὥστε ὁρῶν ὑμᾶσ ταύτην τὴν γνώμην ἔχοντασ τίσ οὐκ ἂν ἐπαρθείη πράττειν καὶ λέγειν ὑπὲρ τῆσ πόλεωσ; ἔτι δὲ τί ἂν τοῖσ τοιούτοισ ἄχθοισθε;

οὐ γὰρ ἕτεροι περὶ αὐτῶν κριταί εἰσιν, ἀλλ’ ὑμεῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Ἐν βουλῇ Μαντιθέῳ δοκιμαζομένῳ ἀπολογία

(리시아스, Speeches, Ἐν βουλῇ Μαντιθέῳ δοκιμαζομένῳ ἀπολογία)

상위

목록

SEARCH

MENU NAVIGATION