Athenaeus, The Deipnosophists, Book 8, book 8, chapter 66

(아테나이오스, The Deipnosophists, Book 8, book 8, chapter 66)

οἱ δὲ νῦν προσποιούμενοι θεοῖσ θύειν καὶ συγκαλοῦντεσ ἐπὶ τὴν θυσίαν τοὺσ φίλουσ καὶ τοὺσ οἰκειοτάτουσ καταρῶνται μὲν τοῖσ τέκνοισ, λοιδοροῦνται δὲ ταῖσ γυναιξί, κλαυθμυρίζουσιν τοὺσ οἰκέτασ, ἀπειλοῦσι τοῖσ πολλοῖσ, μονονουχὶ τὸ τοῦ Ὁμήρου λέγοντεσ· νῦν δ’ ἔρχεσθ’ ἐπὶ δεῖπνον, ἵνα ξυνάγωμεν Ἄρηα, ἐπὶ νοῦν οὐ λαμβάνοντεσ τὰ εἰρημένα ὑπὸ τοῦ τὸν Χείρωνα πεποιηκότοσ, εἴτε Φερεκράτησ ἐστὶν εἴτε Νικόμαχοσ ὁ ῥυθμικὸσ ἢ ὅστισ δή ποτε· μηδὲ σὺ γ’ ἄνδρα φίλον καλέσασ ἐπὶ δαῖτα θάλειαν ἄχθου ὁρῶν παρεόντα· κακὸσ γὰρ ἀνὴρ τόδε ῥέζει·

ἀλλὰ μάλ’ εὔκηλοσ τέρπου φρένα τέρπε τ’ ἐκεῖνον. νῦν δὲ τούτων μὲν οὐδ’ ὅλωσ μέμνηνται, τὰ δὲ ἑξῆσ αὐτῶν ἐκμανθάνουσιν, ἅπερ πάντα ἐκ τῶν εἰσ Ἡσίοδον ἀναφερομένων μεγάλων Ηοἴων πεπαρῴδηται· ἡμῶν δ’ ἢν τινά τισ καλέσῃ θύων ἐπὶ δεῖπνον, ἀχθόμεθ’ ἢν ἔλθῃ καὶ ὑποβλέπομεν παρεόντα χὤττι τάχιστα θύραζ’ ἐξελθεῖν βουλόμεθ’ αὐτόν. εἶτα γνούσ πωσ τοῦθ’ ὑποδεῖται, κᾆτά τισ εἶπε τῶν ξυμπινόντων ’ἤδη σύ;

τί οὐχ ὑποπίνεισ; οὐχ ὑπολύσεισ αὐτόν; ὁ δ’ ἄχθεται αὐτὸσ ὁ θύων τῷ κατακωλύοντι καὶ εὐθὺσ ἔλεξ’ ἐλεγεῖα· ’ μηδένα μήτ’ ἀέκοντα μένειν κατέρυκε παρ’ ἡμῖν μήθ’ εὕδοντ’ ἐπέγειρε, Σιμωνίδη. οὐ γὰρ ἐπ’ οἴνοισ τοιαυτὶ λέγομεν δειπνίζοντεσ φίλον ἄνδρα; ἔτι δὲ καὶ ταῦτα προστίθεμεν μηδὲ πολυξείνου δαιτὸσ δυσπέμφελον εἶναι ἐκ κοινοῦ· πλείστη τε χάρισ δαπάνη τ’ ὀλιγίστη.

일치하는 문장이 없습니다.

SEARCH

MENU NAVIGATION