Athenaeus, The Deipnosophists, Book 8, book 8, chapter 21

(아테나이오스, The Deipnosophists, Book 8, book 8, chapter 21)

Ἄλεξισ δ’ ἐν Δημητρίῳ Φάυλλόν τινα κωμῳδεῖ ὡσ φίλιχθυν ἐν τούτοισ· πρότερον μὲν εἰ πνεύσειε βορρᾶσ ἢ νότοσ ἐν τῇ θαλάττῃ λαμπρόσ, ἰχθῦσ οὐκ ἐνῆν οὐδενὶ φαγεῖν. νυνὶ δὲ πρὸσ τοῖσ πνεύμασι τούτοισ Φάυλλοσ προσγέγονε χειμὼν τρίτοσ. ἐπὰν γὰρ ἐκνεφίασ καταιγίσασ τύχῃ ἐσ τὴν ἀγοράν, τοὔψον πριάμενοσ οἴχεται φέρων ἅπαν τὸ ληφθὲν ὥστε γίγνεται ἐν τοῖσ λαχάνοισ τὸ λοιπὸν ἡμῖν ἡ μάχη. Ἀντιφάνησ δ’ ἐν Ἁλιευομένῃ φιληδοῦντάσ τινασ καταλέγων ἰχθύσιν φησί· τὰσ σηπίασ δὸσ πρῶτον. Ἡράκλεισ ἄναξ, ἅπαντα τεθολώκασιν. οὐ βαλεῖσ πάλιν εἰσ τὴν θάλατταν καὶ πλυνεῖσ; μὴ φῶσὶ σου, Δωριάσ, ἀλούτουσ σηπίασ· εἰληφέναι.

τὸν κάραβον δὲ τόνδε πρὸσ τὰσ μαινίδασ ἀπόθεσ · παχύσ γε νὴ Δί’. ὦ Ζεῦ, τίσ ποτε, ὦ Καλλιμέδων, σὲ κατέδετ’ ἄρτι τῶν φίλων; οὐδεὶσ ὃσ ἂν μὴ κατατιθῇ τὰσ συμβολάσ. ὑμᾶσ δ’ ἔταξα δεῦρο πρὸσ τὰ δεξιά, τρίγλασ, ἔδεσμα τοῦ καλοῦ Καλλισθένουσ· κατεσθίει γοῦν ἐπὶ μιᾷ τὴν οὐσίαν. καὶ τὸν Σινώπησ γόγγρον ἤδη παχυτέρασ ἔχοντ’ ἀκάνθασ τουτονὶ τίσ λήψεται πρῶτοσ προσελθών;

Μισγόλασ γὰρ οὐ πάνυ τούτων ἐδεστήσ. ἀλλὰ κίθαροσ οὑτοσί, ὃν ἂν ἴδῃ τὰσ χεῖρασ οὐκ ἀφέξεται. καὶ μὴν ἀληθῶσ τοῖσ κιθαρῳδοῖσ ὡσ σφόδρα ἅπασιν οὗτοσ ἐπιπεφυκὼσ λανθάνει, ἀνδρῶν δ’ ἄριστον Κωβιὸν πηδῶντ’ ἔτι πρὸσ Πυθιονίκην τὴν καλὴν πέμψαι με δεῖ· ἁδρὸσ γάρ ἐστιν.

ἀλλ’ ὅμωσ οὐ γεύσεται· ἐπὶ τὸ τάριχόσ ἐστιν ὡρμηκυῖα γάρ. ἀφύασ δὲ λεπτὰσ τάσδε καὶ τὴν τρυγόνα χωρὶσ Θεανοῖ δεῦρ’ ἔθηκ’ ἀντιρρόπουσ.

일치하는 문장이 없습니다.

SEARCH

MENU NAVIGATION