Athenaeus, The Deipnosophists, Book 8, book 8, chapter 43

(아테나이오스, The Deipnosophists, Book 8, book 8, chapter 43)

ἀναγράφει δὲ καὶ τάδε μετὰ τὰ προειρημένα τοῦ ε Στρατονίκου ἀπομνημονευμάτων οὕτωσ. Στρατόνικοσ πρὸσ τὸν Χρυσογόνου πατέρα λέγοντα ὅτι πάντα αὐτῷ ὑπάρχει οἰκεῖα· αὐτὸσ μὲν γὰρ ἐργολάβοσ εἶναι, τῶν δὲ υἱῶν ὁ μὲν διδάξει, ὁ δὲ αὐλήσει, προσδεῖ γ’, ἔφη ὁ Στρατόνικοσ, ’ἔτι ἑνόσ. ’ εἰπόντοσ δὲ ’τίνοσ; ’ θεάτρου, ἔφη, οἰκείου, ἐρομένου δέ τινοσ διὰ τί τὴν Ἑλλάδα πᾶσαν περινοστεῖ , ἀλλ’ οὐκ ἐν μιᾷ πόλει διαμένει, παρὰ τῶν Μουσῶν ἔφη εἰληφέναι τέλοσ τοὺσ Ἕλληνασ ἅπαντασ, παρ’ ὧν πράττεσθαι μισθὸν ἀμουσίασ. τὸν Φάωνα δὲ ἔφη αὐλεῖν οὐχ ἁρμονίαν, ἀλλὰ τὸν Κάδμον. προσποιουμένου δὲ εἶναι Φάωνοσ αὐλητικοῦ καὶ ἔχειν φάσκοντοσ Μεγαροῖ χορόν, ’ ληρεῖσ ἔφη·

’ ἐκεῖ μὲν γὰρ οὐκ ἔχεισ, ἀλλ’ ἔχει. ’ μάλιστα δὲ θαυμάζειν ἔφη τὴν τοῦ σοφιστοῦ Σατύρου μητέρα, ὅτι ὃν οὐδεμία πόλισ ἐνεγκεῖν οἱά τε δέκα ἡμέρασ, ἐκείνη δέκα μῆνασ ἤνεγκε. πυνθανόμενοσ δὲ ἐν Ἰλίῳ ἐπιδημεῖν αὐτὸν ἐν τοῖσ Ἰλιείοισ ’ αἰεί ἔφησεν, ’ Ἰλίῳ κακά Μυννάκου δ’ αὐτῷ περὶ μουσικῆσ διαμφισβητοῦντοσ οὐ προσέχειν αὐτῷ ἔφη, ὅτι ἀνώτερον τοῦ σφυροῦ λέγει, τὸν δὲ φαῦλον ἰατρὸν ἀπαυθημερίζειν ἔφη ποιεῖν εἰσ Αἵδου τοὺσ θεραπευομένουσ. ἀπαντήσασ δέ τινι τῶν γνωρίμων ὡσ εἶδεν ἐσπογγισμένα τὰ ὑποδήματα καλῶσ συνηχθέσθη ὡσ πράττοντι κακῶσ, νομίζων οὐκ ἂν οὕτωσ ἐσπογγίσθαι καλῶσ, εἰ μὴ αὐτὸσ ἐσπόγγισεν.

ἐν Τειχιοῦντι δὲ τῆσ Μιλήτου μιγάδων οἰκούντων ὡσ ἑώρα πάντασ τοὺσ τάφουσ ξενικοὺσ ὄντασ ’̔ ἀπίωμεν ἔφη, ’ παῖ· ἐνταῦθα γὰρ οἱ ξένοι ἐοίκασιν ἀποθνῄσκειν, τῶν δ’ ἀστῶν οὐδείσ Ζήθου δὲ τοῦ κιθαριστοῦ διεξιόντοσ περὶ μουσικῆσ, μόνῳ δὲ οὐκ ἔφη προσήκειν περὶ μουσικῆσ λαλεῖν, ’ ὅσ γε, ’ ἔφη, τὸ ἀμουσότατον τῶν ὀνομάτων εἵλου, εἰ σεαυτὸν ἀντ’ Ἀμφίονοσ Ζῆθον καλεῖσ.

ἔφη.

일치하는 문장이 없습니다.

SEARCH

MENU NAVIGATION