헬라어 텍스트

Athenaeus, The Deipnosophists, Book 8, book 8, chapter 26

(아테나이오스, The Deipnosophists, Book 8, book 8, chapter 26)

περὶ δὲ Φιλοξένου τοῦ Κυθηρίου διθυραμβοποιοῦ Μάχων ὁ κωμῳδιοποιὸσ τάδε γράφει· ὑπερβολῇ λέγουσι τὸν Φιλόξενον τῶν διθυράμβων τὸν ποιητὴν γεγονέναι ὀψοφάγον. εἶτα πουλύποδα πηχῶν δυεῖν ἐν ταῖσ Συρακούσαισ ποτ’ αὐτὸν ἀγοράσαι καὶ σκευάσαντα καταφαγεῖν ὅλον σχεδὸν πλὴν τῆσ κεφαλῆσ. "εἲ τί σοι ἀνοικονόμητόν ἐστι διατίθου ταχύ, Φιλόξεν· "ἀποθανῇ γὰρ ὡρ́ασ ἑβδόμησ," κἀκεῖνοσ εἶπε· ’ τέλοσ ἔχει τὰ πάντα μοι, ἰατρέ φησί, ’ καὶ δεδιῴκηται πάλαι·

τοὺσ διθυράμβουσ σὺν θεοῖσ καταλιμπάνω ἠνδρωμένουσ καὶ πάντασ ἐστεφανωμένουσ· οὓσ ἀνατίθημι ταῖσ ἐμαυτοῦ συντρόφοισ Μούσαισ Ἀφροδίτην καὶ Διόνυσον ἐπιτρόπουσ. ταῦθ’ αἱ διαθῆκαι διασαφοῦσιν. ἀλλ’ ἐπεὶ ὁ Τιμοθέου Χάρων σχολάζειν οὐκ ἐᾷ οὑκ τῆσ Νιόβησ, χωρεῖν δὲ πορθμίδὲ ἀναβοᾷ, καλεῖ δέ μοῖρα νύχιοσ, ἧσ κλύειν χρεών, ἵν’ ἔχων ἀποτρέχω πάντα τἀμαυτοῦ κάτω, τοῦ πουλύποδὸσ μοι τὸ κατάλοιπον ἀπόδοτε. ’ κἀν ἄλλῳ δὲ μέρει φησί·

φιλόξενόσ ποθ’, ὡσ λέγουσ1’, ὁ Κυθήριοσ ηὔξατο τριῶν σχεῖν τὸν λάρυγγα πήχεων, ’ ὅπωσ καταπίνω φησίν, ὅτι πλεῖστον χρόνον καὶ πάνθ’ ἅμα μοι τὰ βρώμαθ’ ἡδονὴν ποῇ. καὶ Διογένησ δὲ ὁ κύων ὠμὸν πολύποδα καταφαγὼν ἐποιδουμένησ αὐτῷ τῆσ γαστρὸσ ἀπέθανε, περὶ δὲ τοῦ Φιλοξένου καὶ ὁ παρῳδὸσ Σώπατροσ λέγων φησί·

δισσαῖσ γὰρ ἐν μέσαισιν ἰχθύων φοραῖσ ἧσται, τὸν Αἴτνησ ἐσ μέσον λεύσσων σκοπόν.