헬라어 문장 검색 - ΑτηενάΤηεΔειπ

(아테나이오스, The Deipnosophists, Book 8, book 8, chapter 61)

ἐπεὶ δὲ ̔ Ῥοδιακῶν ἱστοριῶν ἐμνήσθημεν , ἰχθυολογήσων καὶ αὐτὸσ ὑμῖν ἔρχομαι ἀπὸ τῆσ καλῆσ Ῥόδου, ἣν εὐίχθυν εἶναί φησιν ὁ ἥδιστοσ Λυγκεύσ. Ἐργίασ οὖν ὁ Ῥόδιοσ ἐν τοῖσ περὶ τῆσ πατρίδοσ προειπών τινα περὶ τῶν κατοικησάντων τὴν νῆσον Φοινίκων φησὶν ὡσ οἱ περὶ Φάλανθον ἐν τῇ Ιἀλυσῷ πόλιν ἔχοντεσ ἰσχυροτάτην τὴν Ἀχαίαν καλουμένην καὶ ὕδατοσ ἐγκρατεῖσ ὄντεσ χρόνον πολὺν ἀντεῖχον Ἰφίκλῳ πολιορκοῦντι. ἦν γὰρ αὐτοῖσ καὶ θέσφατον ἐν χρησμῷ τινι λελεγμένον ἕξειν τὴν χώραν, ἑώσ κόρακεσ λευκοὶ γένωνται καὶ ἐν τοῖσ κρατῆρσιν ἰχθύεσ φανῶσιν. ἐλπίζοντεσ οὖν τοῦτ’ οὐδέποτε ἔσεσθαι καὶ τὰ πρὸσ τὸν πόλεμον ῥᾳθυμοτέρωσ εἶχον. ὁ δ’ Ἴφικλοσ πυθόμενοσ παρά τινοσ τὰ τῶν Φοινίκων λόγια καὶ ἐνεδρεύσασ τοῦ Φαλάνθου πιστόν τινα πορευόμενον ἐφ’ ὕδωρ, ᾧ ὄνομα ἦν Λάρκασ, καὶ πίστεισ πρὸσ αὐτὸν ποιησάμενοσ, θηρεύσασ ἰχθύδια ἐκ τῆσ κρήνησ καὶ ἐμβαλὼν εἰσ ὑδρεῖον ἔδωκε τῷ Λάρκᾳ καὶ ἐκέλευσε φέροντα τὸ ὕδωρ τοῦτο ἐγχέαι εἰσ τὸν κρατῆρα ὅθεν τῷ Φαλάνθῳ ᾠνοχοεῖτο. καὶ ὁ μὲν ἐποίησε ταῦτα·

ὁ δὲ Ἴφικλοσ κόρακασ θηρεύσασ καὶ ἀλείψασ γύψῳ ἀφῆκεν.

Φάλανθοσ δ’ ἰδὼν τοὺσ κόρακασ ἐπορεύετο καὶ ἐπὶ τὸν κρατῆρα· ὡσ δὲ καὶ τοὺσ ἰχθῦσ εἶδεν, ὑπέλαβε τὴν χώραν οὐκ ἔτι αὑτῶν εἶναι καὶ ἐπεκηρυκεύσατο πρὸσ τὸν Ἴφικλον, ὑπόσπονδοσ ὑπεξελθεῖν ἀξιῶν μετὰ τῶν σὺν αὑτῷ. συγκαταθεμένου δὲ τοῦ Ἰφίκλου ἐπιτεχνᾶται ὁ Φάλανθοσ τοιόνδε τι· καταβαλὼν ἱερεῖα καὶ τὰσ κοιλίασ ἐκκαθάρασ ἐν ταύταισ ἐπειρᾶτο ἐξάγειν χρυσίον καὶ ἀργύριον· αἰσθόμενοσ δὲ ὁ Ἴφικλοσ διεκώλυε. προφέροντόσ τε τοῦ Φαλάνθου τὸν ὁρ́κον ὃν ὤμοσεν, ἐάσειν ἐξάγεσθαι ὅ τι κα τᾷ γαστρὶ αἴρωνται, ἀντισοφίζεται πλοῖα αὐτοῖσ διδοὺσ ἵνα ἀποκομισθῶσιν, παραλύσασ τὰ πηδάλια καὶ τὰσ κώπασ καὶ τὰ ἱστία, ὀμόσαι φήσασ πλοῖα παρέξειν, ἄλλο δὲ οὐδέν. ἐν ἀπορίᾳ δὲ οἱ Φοίνικεσ ἐχόμενοι πολλὰ μὲν τῶν χρημάτων κατώρυσσον ἐπισημαινόμενοι τοὺσ τόπουσ, ἵν’ ὕστερόν ποτε ἀνέλωνται ἀφικόμενοι, πολλὰ δὲ τῷ Ἰφίκλῳ κατέλειπον. ἀπαλλαγέντων οὖν τούτῳ τῷ τρόπῳ ἐκ τῆσ χώρασ τῶν Φοινίκων κατέσχον τὰ πράγματα οἱ Ἕλληνεσ.

τὰ δ’ αὐτὰ ἱστορήσασ καὶ Πολύζηλοσ ἐν τοῖσ Ῥοδιακοῖσ τὰ περὶ τῶν ἰχθύων, φησί, καὶ τῶν κοράκων μόνοι ᾔδεσαν ὁ Φακᾶσ καὶ ἡ θυγάτηρ αὐτοῦ Δορκία.

αὕτη δ’ ἐρασθεῖσα τοῦ Ἰφίκλου καὶ συνθεμένη περὶ γάμου διὰ τῆσ τροφοῦ ἔπεισε τὸν φέροντα τὸ ὕδωρ ἰχθῦσ ἀγαγεῖν καὶ ἐμβαλεῖν εἰσ τὸν κρατῆρα, καὶ αὐτὴ δὲ τοὺσ κόρακασ λευκάνασα ἀφῆκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 8, book 8, chapter 61

(아테나이오스, The Deipnosophists, Book 8, book 8, chapter 61)

상위

목록

SEARCH

MENU NAVIGATION