호흡부호 보기
강세부호 보기
장단부호 보기
작은 Iota 보기
모든 부호 보기
καὶ ταῦτα μὲν ταύτῃ, ἄνδρεσ ἰχθύεσ· ὑμεῖσ γὰρ πάντα συναθροίσαντεσ βορὰν ἡμᾶσ τοῖσ ἰχθύσι παραβεβλήκατε καὶ οὐκ ἐκείνουσ ἡμᾶν, τοσαῦτα εἰπόντεσ ὅσα οὐδὲ Ἰχθύασ ὁ Μεγαρικὸσ φιλόσοφοσ οὐδ’ Ἰχθύων ὄνομα δὲ καὶ τοῦτο κύριον, οὗ μνημονεύει Τηλεκλείδησ ἐν Ἀμφικτύοσι. δι’ ὑμᾶσ δὲ καὶ τῷ παιδὶ παρακελεύσομαι κατὰ τοὺσ Φερεκράτουσ Μυρμηκανθρώπουσ · μηδέποτ’ ἰχθύν, ὦ Δευκαλίων, μηδ’ ἢν αἰτῶ παραθῇσ μοι. καὶ γὰρ ἐν Δήλῳ φησὶ Σῆμοσ ὁ Δήλιοσ ἐν β’ Δηλιάδοσ ’ὅταν θύωσι τῇ Βριζοῖ αὕτη δ’ ἐστὶν ἡ ἐνυπνιόμαντισ · ἔνθα δ’ ἀποβρίξαντεσ ἐμείναμεν ἠῶ δῖαν ταύτῃ οὖν ὅταν θύωσιν αἱ Δηλιάδεσ, προσφέρουσιν αὐτῇ σκάφασ πάντων πλήρεισ ἀγαθῶν πλὴν ἰχθύων διὰ τὸ εὔχεσθαι ταύτῃ περί τε πάντων καὶ ὑπὲρ τῆσ τῶν πλοίων σωτηρίασ.
호흡부호 보기
강세부호 보기
장단부호 보기
작은 Iota 보기
모든 부호 보기