호흡부호 보기
강세부호 보기
장단부호 보기
작은 Iota 보기
모든 부호 보기
Ἀντιφάνησ δ’ ἐν Πλουσίοισ κατάλογον ποιεῖται ὀψοφάγων ἐν τούτοισ· εὔθυνοσ δ’ ἔχων σανδάλια καὶ σφραγῖδα καὶ μεμυρισμένοσ ἐλογίζετ’ ὄψων πραγμάτιον οὐκ οἶδὲ ὅ τι· Φοινικίδησ δὲ Ταυρέασ θ’ ὁ φίλτατοσ, ἄνδρεσ πάλαι ὀψοφάγοι τοιοῦτοί τινεσ οἱοῖ καταβροχθίζειν ἐν ἀγορᾷ τὰ τεμάχη, ὁρῶντεσ ἐξέθνῃσκον ἐπὶ τῷ πράγματι ἔφερόν τε δεινῶσ τὴν ἀνοψίαν πάνυ. κύκλουσ δὲ συναγείροντεσ ἔλεγον τοιάδε, · ὡσ οὐ βιωτόν ἐστιν οὐδ’ ἀνασχετὸν τῆσ μὲν θαλάττησ ἀντιποιεῖσθαί τινασ ὑμῶν ἀναλίσκειν τε πολλὰ χρήματα, ὄψου δὲ μηδὲν ἐνθάδ’ εἰσπλεῖν μηδὲ γρῦ. τί οὖν ὄφελοσ τῶν νησιάρχων; ἔστι δὴ νόμῳ κατακλεῖσαι τοῦτο, παραπομπὴν ποιεῖν τῶν ἰχθύων, νυνδὶ Μάτων συνήρπακεν τοὺσ ἁλιέασ, καὶ δὴ Διογείτων νὴ Δία ἅπαντασ ἀναπέπεικεν ὡσ αὑτὸν φέρειν, κου’ δημοτικόν γε τοῦτο δρᾷ τοσαῦτα φλῶν.
γάμοι δ’ ἐκείνοισ καὶ πότοι νεανικοὶ ἦσαν Εὔφρων δὲ ἐν Μούσαισ· Φοινικίδησ δ’ ὡσ εἶδεν ἐν πλήθει νέων μεστὴν ζέουσαν λοπάδα Νηρείων τέκνων, ἐπίσχετ’ ὀργῇ χεῖρασ ἠρεθισμένασ·
· τίσ φησιν εἶναι δεινὸσ ἐκ κοινοῦ φαγεῖν; τίσ ἐκ μέσου τὰ θερμὰ δεινὸσ ἁρπάσαι; ποῦ Κόρυδοσ ἢ Φυρόμαχοσ ἢ Νείλου βία; ἴτω πρὸσ ἡμᾶσ, καὶ τάχ’ ἂν οὐδὲν μεταλάβοι.
호흡부호 보기
강세부호 보기
장단부호 보기
작은 Iota 보기
모든 부호 보기