헬라어 문장 검색 - ΑτηενάΤηεΔειπ

(아테나이오스, The Deipnosophists, Book 8, book 8, chapter 64)

σὺ δὲ ἡμῖν δίκαιοσ εἶ λέγειν, ὁ καὶ τῶν Ὁμηρικῶν μεμνημένοσ τούτων τίσ δαίσ, τίσ δὲ ὅμιλοσ ὅδ’ ἔπλετο; τίπτε δέ σε χρεών; εἰλάπιν’ ἠὲ γάμοσ; ἐπεὶ οὐκ ἔρανοσ τάδε γ’ ἐστίν, τίνι διαφέρει ἀλλήλων. ἐπεὶ δὲ σιγᾷσ, ἐγὼ ἐρῶ. κατὰ γὰρ τὸν Συρακόσιον ποιητὴν τὰ πρὸ τοῦ δύ’ ἄνδρεσ ἔλεγον, εἷσ ἐγὼν ἀποχρέω. τὰσ θυσίασ καὶ τὰσ λαμπροτέρασ παρασκευὰσ ἐκάλουν οἱ παλαιοὶ εἰλαπίνασ καὶ τοὺσ τούτων μετέχοντασ εἰλαπιναστάσ. ἔρανοι δέ εἰσιν αἱ ἀπὸ τῶν συμβαλλομένων συναγωγαί, ἀπὸ τοῦ συνερᾶν καὶ συμφέρειν ἕκαστον. καλεῖται δ’ ὁ αὐτὸσ καὶ ἔρανοσ καὶ θίασοσ καὶ οἱ συνιόντεσ ἐρανισταὶ καὶ θιασῶται. καλεῖται δὲ καὶ ὁ τῷ Διονύσῳ παρεπόμενοσ ὄχλοσ θίασοσ, ὡσ Εὐριπίδησ φησίν ὁρῶ δὲ θιάσουσ τρεῖσ γυναικείων χορῶν. τοὺσ μὲν οὖν θιάσουσ ἀπὸ τοῦ θεοῦ προσηγόρευον καὶ γάρ αὐτοὺσ τοὺσ θεοὺσ οἱ Λάκωνεσ σιούσ φασι. τὰσ δ’ εἰλαπίνασ ἀπὸ τῆσ ἐν αὐταῖσ παρασκευῆσ γινομένησ καὶ δαπάνησ, λαφύττειν γὰρ καὶ λαπάζειν τὸ ἐκκενοῦν καὶ ἀναλίσκειν, ὅθεν καὶ ἐπὶ τοῦ πορθεῖν τὸ ἀλαπάζειν οἱ ποιηταὶ τάττουσι, καὶ τὰ διαρπαζόμενα κατὰ τὴν λάφυξιν λάφυρα, τὰσ δὲ τοιαύτασ εὐωχίασ Αἰσχύλοσ καὶ Εὐριπίδησ εἰλαπίνασ ἀπὸ τοῦ λελαπάχθαι.

λάπτειν δὲ τὸ τὴν τροφὴν ἐκπέττειν καὶ κενούμενον λαγαρὸν γίγνεσθαι·

ὅθεν ἀπὸ μὲν τοῦ λαγαροῦ ἡ λαγών, ὥσπερ καὶ λάγανον, ἀπὸ δὲ τοῦ λαπάττειν λαπάρα. λαφύττειν δέ ἐστι τὸ δαψιλῶσ καὶ ἐπὶ πολὺ λαπάττειν καὶ ἐκκενοῦν. τὸ δὲ δαπανᾶν ἀπὸ τοῦ δάπτειν λέγεται· καὶ τοῦτο δὲ τοῦ δαψιλοῦσ ἔχεται. διόπερ ἐπὶ τῶν ἀπλήστωσ καὶ θηριωδῶσ ἐσθιόντων τὸ δάψαι καὶ δαρδάψαι. Ὅμηροσ· ἀλλ’ ἄρα τόν γε κύνεσ τε καὶ οἰωνοὶ κατέδαψαν. τὰσ δ’ εὐωχίασ ἐκάλουν οὐκ ἀπὸ τῆσ ὀχῆσ, ἥ ἐστι τροφή, ἀλλ’ ἀπὸ τοῦ κατὰ ταῦτα εὖ ἔχειν.

εἰσ ἃσ δὴ συνιόντεσ οἱ τὸ θεῖον τιμῶντεσ καὶ εἰσ εὐφροσύνην καὶ ἄνεσιν αὑτοὺσ μεθιέντεσ τὸ μὲν ποτὸν μέθυ, τὸν δὲ τοῦτο δωρησάμενον θεὸν Μεθυμναῖον καὶ Λυαῖον καὶ Εὐιόν καὶ Ιἤιον προσηγόρευον, ὥσπερ καὶ τὸν μὴ σκυθρωπὸν καὶ σύννουν ἱλαρόν. διὸ καὶ τὸ δαιμόνιον ἵλεων ἠξίουν γίνεσθαι ἐπιφωνοῦντεσ ἰὴ ἰή. ὅθεν καὶ τὸν τόπον ἐν ᾧ τοῦτο ἔπραττον ἱερὸν ὠνόμαζον. ὅτι δὲ τὸν αὐτὸν ἵλεων καὶ ἱλαρὸν ἔλεγον δηλοῖ Ἔφιπποσ ἐν τῷ ἐπιγραφομένῳ δράματι Ἐμπολή ·

περὶ ἑταίρασ δέ τινοσ λέγει· ἔπειτὰ γ’ εἰσιόντ’, ἐὰν λυπούμενοσ τύχῃ τισ ἡμῶν, ἐκολάκευσεν ἡδέωσ, ἐφίλησεν οὐχὶ συμπιέσασα τὸ στόμα ὥσπερ πολέμιον, ἀλλὰ τοῖσι στρουθίοισ χανοῦσ1’ ὁμοίωσ, ἧσε, παρεμυθήσατο, ἐποίησὲ θ’ ἱλαρὸν εὐθέωσ τ’ ἀφεῖλε πᾶν αὐτοῦ τὸ λυποῦν κἀπέδειξεν ἵλεων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 8, book 8, chapter 64

(아테나이오스, The Deipnosophists, Book 8, book 8, chapter 64)

상위

목록

SEARCH

MENU NAVIGATION