헬라어 문장 검색 - ΑτηενάΤηεΔειπ

(아테나이오스, The Deipnosophists, Book 8, book 8, chapter 27)

καὶ Ὑπερείδησ δὲ ὁ ῥήτωρ ὀψοφάγοσ ἦν, ὥσ φησι Τιμοκλῆσ ὁ κωμικὸσ ἐν Δήλῳ διηγούμενοσ τοὺσ παρὰ Ἁρπάλου δωροδοκήσαντασ. γράφει δὲ οὕτωσ · α. Δημοσθένησ τάλαντα πεντήκοντ’ ἔχει, β. μακάριοσ, εἴπερ μεταδίδωσι μηδενί. α. καὶ Μοιροκλῆσ εἴληφε χρυσίον πολύ. β. ἀνόητοσ ὁ διδούσ, εὐτυχὴσ δ’ ὁ λαμβάνων, α. εἴληφε καὶ Δήμων τι καὶ Καλλισθένησ. β. πένητεσ ἦσαν, ὥστε συγγνώμην ἔχω. α. ὅ τ’ ἐν λόγοισι δεινὸσ Ὑπερείδησ ἔχει. β.

τοὺσ ἰχθυοπώλασ οὗτοσ ἡμῶν πλουτιεῖ· ’ ὀψοφάγοσ γάρ, ὥστε τοὺσ λάρουσ εἶναι Σύρουσ. καὶ ἐν Ἰκαρίοισ δὲ ὁ αὐτὸσ ποιητήσ φησι· τόν τ’ ἰχθυόρρουν ποταμὸν Ὑπερείδην περᾷσ, ὃσ ἠπίαισ φωναῖσιν, ἔμφρονοσ λόγου κόμποισ παφλάζων, ὑπτίοισ πυκνώμασι πρὸσ πᾶν ἀπαντῶν κλῇθρ’ ὅταν λύσασ ἔχῃ, μισθωτὸσ ἄρδει πεδία τοῦ δεδωκότοσ. Φιλέταιροσ δ’ ἐν Ἀσκληπιῷ πρὸσ τῷ ὀψοφαγεῖν καὶ κυβεύειν αὐτόν φησι, καθάπερ καὶ Καλλίαν τὸν ῥήτορα Ἀξιόνικοσ ἐν Φιλευριπίδῃ· ἄλλον δ’ ἰχθὺν μεγέθει πίσυνόν τινα τοῖσδε τόποισ ἥκει κομίσασ Γλαῦκόσ τισ ἐν πόντῳ γ’ ἁλούσ, ὁ σῖτον ὀψοφάγων, καὶ λίχνων ἀνδρῶν ἀγάπημα φέρων κατ’ ὤμων.

τίνα τῷδ’ ἐνέπω τὴν σκευασίαν; πότερον χλωρῷ τρίμματι βρέξασ ἢ τῆσ ἀγρίασ ἅλμησ πάσμασι σῶμα λιπάνασ πυρὶ παμφλέκτῳ παραδώσω; ἔφα τισ, ὡσ ἐν ἅλμῃ θερμῇ τοῦτο φάγοι γ’ ἑφθὸν ἀνὴρ Μοσχίων φίλαυλοσ. βοᾷ δ’ ὄνειδοσ ’ἴδιον, ὦ Καλλία.

ἦ σὺ μὲν ἀμφί τε σῦκα καὶ ἀμφὶ ταρίχι’ ἀγάλλῃ, τοῦ δ’ ἐν ἅλμῃ παρατεθέντοσ ου’ γεύῃ χαρίεντοσ ὄψου, τὰ μὲν σῦκα, ὡσ ἂν συκοφάντην λοιδορῶν, τὰ δὲ ταρίχη, μήποτε καὶ ὡσ αἰσχροποιοῦντοσ. καὶ Ἕρμιπποσ δέ φησιν ἐν τρίτῳ περὶ τῶν Ἰσοκράτουσ μαθητῶν ἑωθινὸν τὸν Ὑπερείδην ποιεῖσθαι ἀεὶ τοὺσ περιπάτουσ ἐν τοῖσ ἰχθύσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 8, book 8, chapter 27

(아테나이오스, The Deipnosophists, Book 8, book 8, chapter 27)

상위

목록

SEARCH

MENU NAVIGATION