호흡부호 보기
강세부호 보기
장단부호 보기
작은 Iota 보기
모든 부호 보기
ταῦτα καὶ παρ’ ἡμῶν ἔχετε, ἄνδρεσ φίλοι, ὀψωνησάντων κατὰ δύναμιν τὴν ἑαυτῶν ὑγιεινῶσ. κατὰ γὰρ τὸν Ἀντιφάνουσ Παράσιτον ἐγὼ περὶ τὴν ὀψωνίαν μὲν οὐ πάνυ ἐσπούδακ’ οὐδ’ αὖ συνέτεμον λίαν πόνον ὡσ ἄν τισ, ἄλλωσ ἐξενεχθεὶσ ἐν πότῳ, ἐμοῦ διαβάλοι κραιπάλην Ἑλληνικῶσ. ἀλλὰ μὴν οὐδὲ οὕτωσ εἰμὶ φίλιχθυσ ὡσ ὁ παρὰ τῷ αὐτῷ ποιητῇ ἐν Βουταλίωνι, ὅπερ δρᾶμα τῶν Ἀγροίκων ἐστὶν ἑνὸσ διασκευή, φησὶ γάρ· α. καὶ μὴν ἑστιάσω τήμερον ὑμᾶσ ἐγώ σὺ δ’ ἀγοράσεισ ἡμῖν λαβών, πίστ’, ἀργύριον. π.
ἄλλωσ γὰρ οὐκ ἐπίσταμαι χρηστῶσ ἀγοράζειν. α. φράζε δή, Φιλούμενε, ὄψῳ τίνι χαίρεισ; φ. πᾶσι. α. καθ’ ἕκαστον λέγε, ἰχθὺν τίν’ ἡδέωσ φάγοισ ἄν; φ. εἰσ ἀγρὸν ἦλθεν φέρων ποτ’ ἰχθυοπώλησ μαινίδασ καὶ τριγλίδασ, καὶ νὴ Δί’ ἤρεσεν σφόδρα ἡμῖν ἅπασιν. α. εἶτα καὶ νῦν, εἰπέ μοι, τούτων φάγοισ ἄν; φ. κἄν τισ ἄλλοσ μικρὸσ ᾖ· ’ τοὺσ γὰρ μεγάλουσ τούτουσ ἅπαντασ νενόμικα ἀνθρωποφάγουσ ἰχθῦσ. α. τί φήσ, ὦ φίλτατε; ἀνθρωποφάγουσ, πῶσ;
ἰχθῦσ φρονοῦντασ, ὦ πάτερ· π. οὓσ ἂν ἄνθρωποσ φάγοι δῆλον ὅτι· ταῦτα δ’ ἐστὶν ̔ Ἑλένησ βρώματα,ἅ φησιν οὗτοσ, μαινίδασ καὶ τριγλίδασ. ἐν δὲ τῷ Ἀγροίκῳ Ἑκάτησ βρώματα ἔφη τὰσ μαινίδασ εἶναι καὶ τὰσ τριγλίδασ. ἐκφαυλίζων δὲ καὶ Ἔφιπποσ τοὺσ μικροὺσ τῶν ἰχθύων ἐν Φιλύρᾳ φησί· παππία, βούλει δραμὼν εἰσ τὴν ἀγορὰν κἆτ’ ἀγοράσαι μοι ‐ β. φράζε τί. α. μὴ μοι βρέφη.
β. οὐκ οἶσθ’ ὁτιὴ τἀργύριόν ἐστ’ ἰσάργυρον;
호흡부호 보기
강세부호 보기
장단부호 보기
작은 Iota 보기
모든 부호 보기