헬라어 문장 검색 - ΑτηενάΤηεΔειπ

(아테나이오스, The Deipnosophists, Book 8, book 8, chapter 59)

ἐπεὶ δὲ κατὰ θεὸν ἐν τοῖσ προκειμένοισ, φίλτατε Οὐλπιανέ, ἢ ὑμεῖσ, γραμματικῶν παῖδεσ, εἴπατέ μοι τίνι ἐννοίᾳ ὁ Ἔφιπποσ ἐν τοῖσ προειρημένοισ ἔφη· τὸ μοσχίον τὸ τῆσ Κορώνησ αὔριον δειπνήσομεν. ἐγὼ γὰρ οἰόμαι ἱστορίαν τινὰ εἶναι καὶ ποθῶ μαθεῖν. καὶ ὁ Πλούταρχοσ ἔφη Ῥοδιακὴν εἶναι λεγομένην ἱστορίαν, ἣν ἐπὶ τοῦ παρόντοσ ἀποστοματίζειν οὐ δύνασθαι τῷ πάνυ πρὸ πολλοῦ ἐντετυχηκέναι τῷ ταῦτα περιέχοντι βιβλίῳ. οἶδα δὲ Φοίνικα τὸν Κολοφώνιον ἰαμβοποιὸν μνημονεύοντά τινων ἀνδρῶν ὡσ ἀγειρόντων τῇ κορώνῃ, καὶ λέγοντα ταῦτα· ἐσθλοί, κορώνῃ χεῖρα πρόσδοτε κριθέων τῇ παιδὶ τἀπόλλωνοσ ἢ λέκοσ πυρῶν ἢ ἄρτον ἢ ἤμαιθον ἢ ὅ τι τισ χρῄζει, δότ’, ὦγαθοί, τι τῶν ἕκαστοσ ἐν χερσὶν ἔχει κορώνῃ· χἄλα λήψεται χόνδρον φιλεῖ γὰρ αὕτη πάγχυ ταῦτα δαίνυσθαι· ὁ νῦν ἅλασ δοὺσ αὖθι κηρίον δώσει.

’ ὦ παῖ, θύρην ἄγκλινε· πλοῦτοσ ἤκουσε, καὶ τῇ κορώνῃ παρθένοσ φέρει σῦκα. θεοί, γένοιτο πάντ’ ἄμεμπτοσ ἡ κούρη κἀφνειὸν ἄνδρα κὠνομαστὸν ἐξεύροι· καὶ τῷ γέροντι πατρὶ κοῦρον εἰσ χεῖρασ καὶ μητρὶ κούρην εἰσ τὰ γοῦνα κατθείη, θάλοσ τρέφειν γυναῖκα τοῖσ κασιγνήτοισ. ἐγὼ δ’ ὅκου πόδεσ φέρουσιν, εὐφθόγγοισ·

ἀμείβομαι Μούσῃσι πρὸσ θύρῃσ1’ ᾄδων καὶ δόντι καὶ μὴ δόντι πλέονα τῶν αἰτέω, καὶ ἐπὶ τέλει δὲ τοῦ ἰάμβου φησὶν ἀλλ’, ὦγαθοί, ἐπορέξαθ’ ὧν μυχὸσ πλουτεῖ· δόσ, ὧ ἄναξ, δὸσ καὶ σὺ πότνα μοι νύμφη· νόμοσ κορώνῃ χεῖρα δοῦν· ἐπαιτούσῃ. τοιαῦτ’ ἀείδω, δόσ τι καὶ καταχρήσει. κορωνισταὶ δὲ ἐκαλοῦντο οἱ τῇ κορώνῃ ἀγείροντεσ, ὥσ φησι Πάμφιλοσ ὁ Ἀλεξανδρεὺσ ἐν τοῖσ περὶ ὀνομάτων καὶ τὰ ᾀδόμενα δὲ ὑπ’ αὐτῶν κορωνίσματα καλεῖται, ὡσ ἱστορεῖ Ἁγνοκλῆσ ὁ Ῥόδιοσ ἐν Κορωνισταῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 8, book 8, chapter 59

(아테나이오스, The Deipnosophists, Book 8, book 8, chapter 59)

상위

목록

SEARCH

MENU NAVIGATION