헬라어 문장 검색 - ΑτηενάΤηεΔειπ

(아테나이오스, The Deipnosophists, Book 8, book 8, chapter 51)

καὶ μελλόντων ἤδη δειπνεῖν ἐπισχεῖν ἐκέλευσεν ὁ Δάφνοσ, ἐπειπὼν τὸ ἐκ Μαμμακύθου ἢ Αὐρῶν Μεταγένουσ ἰαμβεῖον ὥσπερ ἐπειδὰν δειπνῶμέν που, τότε πλεῖστα λαλοῦμεν ἅπαντεσ. κἀγὼ φημι ἐνδεῶσ εἰρῆσθαι τὸν περὶ ἰχθύων λόγον, πολλὰ εἰρηκότων καὶ Ἀσκληπιαδῶν παίδων, Φιλοτίμου λέγω ἐν τοῖσ περὶ τροφῆσ καὶ Μνησιθέου τοῦ Ἀθηναίου, ἔτι δὲ Διφίλου τοῦ Σιφνίου οὗτοσ γὰρ ἐν τῷ ἐπιγραφομένῳ περὶ τῶν προσφερομένων τοῖσ νοσοῦσι καὶ τοῖσ ὑγιαίνουσί φησιν ὅτι τῶν θαλασσίων ἰχθύων οἱ μὲν πετραῖοί εἰσιν εὔφθαρτοι, εὔχυλοι, σμηκτικοί, κοῦφοι, ὀλιγότροφοι, οἱ δὲ πελάγιοι δυσφθαρτότεροι, πολύτροφοι, δυσοικονόμητοι. καὶ τῶν πετραίων ὁ φύκησ καὶ ἡ φυκίσ, ἁπαλώτατα ἰχθύδια ὄντα, ἄβρωμα καὶ εὔφθαρτά ἐστιν, ἡ δὲ πέρκη τούτοισ προσεοικυῖα κατὰ τόπουσ ὀλίγῳ διαλλάττει.

οἱ δὲ κωβιοὶ ἀναλογοῦσι τῇ πέρκῃ· ὧν οἱ μικροὶ καὶ οἱ λευκοὶ ἁπαλοί εἰσιν, ἄβρωμοι, εὔχυλοι, εὔπεπτοι· οἱ δὲ χλωροὶ καλοῦνται δὲ καυλίναι ξηροί εἰσι καὶ ἀλιπεῖσ.

αἱ δὲ χάνναι ἁπαλόσαρκοι, σκληρότεραι δὲ τῆσ πέρκησ. ὁ δὲ σκάροσ ἁπαλόσαρκοσ , ψαθυρόσ, γλυκύσ, κοῦφοσ, εὔπεπτοσ, εὐανάδοτοσ, εὐκοίλιοσ. τούτων δὲ ὁ πρόσφατοσ ὕποπτοσ, ἐπειδὴ τοὺσ θαλαττίουσ λαγὼσ θηρεύοντεσ σιτοῦνται· διὸ καὶ τὰ ἐντὸσ χολέρασ ποιητικὰ ἔχει. ἡ δὲ καλουμένη κηρὶσ ἁπαλόσαρκοσ, εὐκοίλιοσ, εὐστόμαχοσ· ὁ δὲ χυλὸσ αὐτῆσ παρυγραίνει καὶ σμήχει.

ὀρφὸσ ἢ ὀρφὼσ εὔχυλοσ, πολύχυλοσ, γλίσχροσ, δύσφθαρτοσ, πολύτροφοσ, οὐρητικόσ· τὰ δὲ πρὸσ τῇ κεφαλῇ αὐτοῦ γλίσχρα, εὔπεπτα, τὰ δὲ σαρκώδη δύσπεπτα, βαρύτερα· ἁπαλώτερον δὲ τὸ οὐραῖον φλέγματοσ δ’ ἐστὶ δραστικὸσ ὁ ἰχθὺσ καὶ δύσπεπτοσ. αἱ δὲ σφύραιναι τῶν γόγγρων εἰσὶ τροφιμώτεραι. ἡ δὲ λιμναία ἔγχελυσ τῆσ θαλασσίασ ἐστὶν εὐστομωτέρα καὶ πολυτροφωτέρα. τῷ δὲ μελανούρῳ ἀναλογεῖ ὁ χρύσοφρυσ. σκορπίοι δὲ οἱ πελάγιοι καὶ κιρροὶ τροφιμώτεροι τῶν τεναγωδῶν τῶν ἐν τοῖσ αἰγιαλοῖσ τῶν μεγάλων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 8, book 8, chapter 51

(아테나이오스, The Deipnosophists, Book 8, book 8, chapter 51)

상위

목록

SEARCH

MENU NAVIGATION