헬라어 문장 검색 - ΑτηενάΤηεΔειπ

(아테나이오스, The Deipnosophists, Book 8, book 8, chapter 50)

φαρμακοπώλησ παύομαι, καίτοι εἰδὼσ καὶ Ἐπίκουρον τὸν φιλαληθέστατον ταῦτ’ εἰπόντα περὶ αὐτοῦ ἐν τῇ περὶ ἐπιτηδευμάτων ἐπιστολῇ, ὅτι καταφαγὼν τὰ πατρῷα ἐπὶ στρατείαν ὡρ́μησε καὶ ὅτι ἐν ταύτῃ κακῶσ πράττων ἐπὶ τὸ φαρμακοπωλεῖν ἦλθεν εἶτα ἀναπεπταμένου τοῦ Πλάτωνοσ περιπάτου, φησί, παραβαλὼν ἑαυτὸν προσεκάθισε τοῖσ λόγοισ, οὐκ ὢν ἀφυήσ, καὶ κατὰ μικρὸν εἰσ τὴν θεωρουμένην ἕξιν ἦλθεν. οἶδα δὲ ὅτι ταῦτα μόνοσ Ἐπίκουροσ εἴρηκεν κατ’ αὐτοῦ, οὔτε δ’ Εὐβουλίδησ, ἀλλ’ οὐδὲ Κηφισόδωροσ τοιοῦτόν τι ἐτόλμησεν εἰπεῖν κατὰ τοῦ Σταγειρίτου, καίτοι καὶ συγγράμματα ἐκδόντεσ κατὰ τἀνδρόσ.

ἐν δὲ τῇ αὐτῇ ἐπιστολῇ ὁ Ἐπίκουροσ καὶ Πρωταγόραν φησὶ τὸν σοφιστὴν ἐκ φορμοφόρου καὶ ξυλοφόρου πρῶτον μὲν γενέσθαι γραφέα Δημοκρίτου· θαυμασθέντα δ’ ὑπ’ ἐκείνου ἐπὶ ξύλων τινὶ ἰδίᾳ συνθέσει ἀπὸ ταύτησ τῆσ ἀρχῆσ ἀναληφθῆναι ὑπ’ αὐτοῦ καὶ διδάσκειν ἐν κώμῃ τινὶ γράμματα, ἀφ’ ὧν ἐπὶ τὸ σοφιστεύειν ὁρμῆσαι. κἀγὼ δέ, ἄνδρεσ συνδαιταλῆσ, ἀπὸ τῶν πολλῶν τούτων λόγων τὴν ὁρμὴν ἔχω ἐπὶ τὸ ἤδη γαστρίζεσθαι.

εἰπόντοσ οὖν τινοσ ἔτι παρασκευάζεσθαι τοὺσ μαγείρουσ διὰ τὴν πολλὴν τῶν λόγων ἑστίασιν ἵνα μὴ ψυχρὰ παρατιθῶσιν οὐδεὶσ γὰρ ἂν φάγοι ψυχρῶν, ὁ Κύνουλκοσ ἔφη· κατὰ τὸν Ἀλέξιδοσ τοῦ κωμῳδιοποιοῦ Μίλκωνα. ἐγὼ ̔ φησιν’ κἂν μὴ παραθῶσι θερμά, τἀγαθὸν Πλάτων ἁπανταχοῦ φησ1’ ἀγαθὸν εἶναι, μανθάνεισ; τὸ δ’ ἡδὺ πάντωσ ἡδὺ κἀκεῖ κἀνθάδε. οὐκ ἀχαρίτωσ δὲ καὶ Σφαῖρον τὸν συσχολάσαντα μὲν Χρυσίππῳ παρὰ Κλεάνθει, μετάπεμπτον δὲ γενόμενον εἰσ Ἀλεξάνδρειαν ὑπὸ τοῦ βασιλέωσ Πτολεμαίου, κηρίνων ποτὲ ἐν τῷ δείπνῳ παρατεθεισῶν ὀρνίθων ἐκτείναντα τὰσ χεῖρασ ἐπισχεθῆναι ὑπὸ τοῦ βασιλέωσ, ὡσ ψεύδει συγκατατιθέμενον.

τὸν δ’ εὐστόχωσ ἀποφήνασθαι εἰπόντα οὐ τούτῳ συγκατατίθεσθαι ὅτι εἰσὶν ὄρνεισ, ἀλλ’ ὅτι εὔλογόν ἐστι ταύτασ ὄρνεισ εἶναι. διαφέρειν δὲ τὴν καταληπτικὴν φαντασίαν τοῦ εὐλόγου· τὴν μὲν γὰρ ἀδιάψευστον εἶναι, τὸ δ’ εὔλογον κἂν ἄλλωσ ἀποβαίνειν.

καὶ ἡμῖν οὖν κατὰ τὴν καταληπτικὴν φαντασίαν καὶ τῶν κηρίνων περιενεχθήτω, ἵνα κἂν κατὰ τὴν ὄψιν πλανᾶσθαι δυνώμεθα μὴ πάντα λαλῶμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 8, book 8, chapter 50

(아테나이오스, The Deipnosophists, Book 8, book 8, chapter 50)

상위

목록

SEARCH

MENU NAVIGATION