Athenaeus, The Deipnosophists, Book 8, book 8, chapter 45

(아테나이오스, The Deipnosophists, Book 8, book 8, chapter 45)

νικήσασ δ’ ἐν Σικυῶνι τοὺσ ἀνταγωνιστὰσ ἀνέθηκεν εἰσ τὸ Ἀσκληπιεῖον τρόπαιον ἐπιγράψασ· ’ Στρατόνικοσ ἀπὸ τῶν κακῶσ κιθαριζόντων. ’ ᾄσαντοσ δέ τινοσ, ἤρετο τίνοσ τὸ μέλοσ, εἰπόντοσ δ’ ὅτι Καρκίνου, ’ πολύ γε μᾶλλον ἔφη, ’ ἢ ἀνθρώπου ἐν Μαρωνείᾳ δ’ ἔφη οὐ γίνεσθαι ἐάρ, ἀλλ’ ἀλέαν. ἐν Φασήλιδι δὲ πρὸσ τὸν παῖδα διαμφισβητοῦντοσ τοῦ βαλανέωσ περὶ τοῦ ἀργυρίου ἦν γὰρ νόμοσ πλείονοσ λούειν τοὺσ ξένουσ ’ ὦ μιαρέ , ’ ἔφη, ’ παῖ, παρὰ χαλκοῦν με μικροῦ Φασηλίτην ἐποίησασ. ’ πρὸσ δὲ τὸν ἐπαινοῦντα ἵνα λάβῃ τι, αὐτὸσ ἔφη μείζων εἶναι πτωχόσ, ἐν μικρᾷ δὲ πόλει διδάσκων ἔφη ’ αὕτη οὐ πόλισ ἐστίν, ἀλλὰ μόλισ ἐν Πέλλῃ δὲ πρὸσ φρέαρ προσελθὼν ἠρώτησεν εἰ πότιμόν ἐστιν.

εἰπόντων δὲ τῶν ἱμώντων ’ ἡμεῖσ γε τοῦτο πίνομεν ’ οὐκ ἄρ’ ἔφη, ’ πότιμόν ἐστιν ἐτύγχανον δ’ οἱ ἄνθρωποι χλωροὶ ὄντεσ. ἐπακούσασ δὲ τῆσ ’ Ὠδῖνοσ τῆσ Τιμοθέου ’ εἰ δ’ ἐργολάβον ἔφη, · ἔτικτεν καὶ μὴ θεόν, ποίασ ἂν ἠφίει φωνάσ. Πολυίδου δὲ σεμνυνομένου ὡσ ἐνίκησε Τιμόθεον ὁ μαθητὴσ αὐτοῦ Φιλωτᾶσ, θαυμάζειν ἔφη, ’ εἰ ἀγνοεῖσ ὅτι αὐτὸσ μὲν ψηφίσματα ποιεῖ, Τιμόθεοσ δὲ νόμουσ.

’ πρὸσ Ἄρειον δὲ τὸν ψάλτην ὀχλοῦντά τι αὐτὸν ’ ψάλλ’ ἐσ κόρακασ ἔφη. ἐν Σικυῶνι δὲ πρὸσ νακοδέψην γεγενημένον, ἐπεὶ ἐλοιδορεῖτό τι αὐτῷ καὶ ’ κακόδαιμον ’ ἔφη, ’ νακόδαιμον ’ ἔφη. τοὺσ δὲ Ῥοδίουσ ὁ αὐτὸσ Στρατόνικοσ σπαταλῶνασ καὶ θερμοπότασ θεωρῶν ἔφη αὐτοὺσ λευκοὺσ εἶναι Κυρηναίουσ. Ῥόδον ἐκάλει μνηστήρων πόλιν, χρώματι μὲν εἰσ ἀσωτίαν διαλλάττειν ἐκείνων ἡγούμενοσ αὐτούσ, ὁμοιότητι δ’ εἰσ καταφέρειαν ἡδονῆσ τὴν πόλιν μνηστήρων εἰκάζων.

일치하는 문장이 없습니다.

SEARCH

MENU NAVIGATION