헬라어 텍스트

Athenaeus, The Deipnosophists, Book 8, book 8, chapter 40

(아테나이오스, The Deipnosophists, Book 8, book 8, chapter 40)

πόθεν δὲ καὶ εἰδέναι δύναται ἅπερ εἶπεν Στρατόνικοσ ὁ κιθαριστὴσ εἰσ Πρόπιν τὸν Ῥόδιον κιθαρῳδόν; "οὐδεὶσ κακὸσ μέγασ ἰχθύσ," αἰνισσόμενοσ ὅτι πρῶτον μὲν οὐδείσ ἐστιν, εἶθ’ ὅτι κακόσ, καὶ πρὸσ τούτοισ μέγασ μέν, ἰχθὺσ δὲ διὰ τὴν ἀφωνίαν. Θεόφραστοσ δ’ ἐν τῷ περὶ γελοίου λεχθῆναι μέν φησι τὴν παροιμίαν ὑπὸ τοῦ Στρατονίκου, ἀλλ’ εἰσ Σιμύκαν τὸν ὑποκριτήν, διελόντοσ τὴν παροιμίαν ’ οὐδεὶσ μέγασ σαπρὸσ ἰχθύσ. ’ Ἀριστοτέλησ δ’ ἐν τῇ Ναξίων πολιτείᾳ περὶ τῆσ παροιμίασ οὕτωσ γράφει· ̔ τῶν παρὰ Ναξίοισ εὐπόρων οἱ μὲν πολλοὶ τὸ ἄστυ ᾤκουν, οἱ δὲ ἄλλοι διεσπαρμένοι κατὰ κώμασ.

ἐν οὖν δή τινι τῶν κωμῶν, ᾗ ὄνομα ἦν Ληιστάδαι, Τελεσταγόρασ ᾤκει, πλούσιόσ τε σφόδρα καὶ εὐδοκιμῶν καὶ τιμώμενοσ παρὰ τῷ δήμῳ τοῖσ τ’ ἄλλοισ ἅπασι καὶ τοῖσ καθ’ ἡμέραν πεμπομένοισ. καὶ ὅτε καταβάντεσ ἐκ τῆσ πόλεωσ δυσωνοῖντό τι τῶν πωλουμένων, ἔθοσ ἦν τοῖσ πωλοῦσι λέγειν ὅτι μᾶλλον ἂν προέλοιντο Τελεσταγόρᾳ δοῦναι ἢ τοσούτου ἀποδόσθαι. νεανίσκοι οὖν τινεσ ὠνούμενοι μέγαν ἰχθὺν εἰπόντοσ τοῦ ἁλιέωσ τὰ αὐτὰ λυπηθέντεσ τῷ πολλάκισ ἀκούειν ὑποπιόντεσ ἐκώμασαν πρὸσ αὐτόν.

δεξαμένου δὲ τοῦ Τελεσταγόρου φιλοφρόνωσ αὐτοὺσ οἱ νεανίσκοι αὐτόν τε ὕβρισαν καὶ δύο θυγατέρασ αὐτοῦ ἐπιγάμουσ.