호흡부호 보기
강세부호 보기
장단부호 보기
작은 Iota 보기
모든 부호 보기
τάχα δὲ καὶ ὑμεῖσ, ἄνδρεσ φίλοι, ἑκόντεσ παρελίπετε ὡσ ἱερόν τινα ἰχθὺν τὸν παρ’ Ἐφίππῳ τῷ κωμῳδιοποιῷ, ὅν φησι τῷ Γηρυόνῃ σκευάζεσθαι ἐν τῷ ὁμωνύμῳ δράματι διὰ τούτων λέγων τούτῳ δ’ ὁπόταν ναέται χώρασ ἰχθὺν τιν’ ἕλωσ1’ οὐχ ἡμέριον, τῆσ περικλύστου δ’ ἁλίασ Κρήτησ μείζω μεγέθει, λοπὰσ ἐστ’ αὐτῷ δυνατὴ τούτουσ χωρεῖν ἑκατόν. καὶ περιοίκουσ εἶναι ταύτῃ Σινδούσ, Λυκίουσ, Μυγδονιώτασ, Κραναούσ, Παφίουσ. τούτουσ δ’ ὕλην κόπτειν, ὁπόταν βασιλεὺσ ἕψῃ τὸν μέγαν ἰχθὺν καὶ προσάγοντασ καθ’ ὅσον πόλεωσ ἕστηκεν ὁρ́οσ, τοὺσ δ’ ὑποκαίειν. λίμνην δ’ ἐπάγειν ὕδατοσ μεστὴν εἰσ τὴν ἅλμην, τοὺσ δ’ ἅλασ αὐτῷ ζεύγη προσάγειν μηνῶν ὀκτὼ συνεχῶσ ἑκατόν. περιπλεῖν δ’ ἐπὶ τοῖσ ἄμβωσιν ἄνω πέντε κέλητασ πεντασκάλμουσ, περιαγγέλλειν τ’·
"οὐχ ὑποκαίεισ, Λυκίων πρύτανι; "ψυχρὸν τουτί· "παύου φυσῶν, Μακεδὼν ἄρχων · "σβέννυ, Κέλθ’, ὡσ μὴ προσκαύσῃσ. οὐκ ἀγνοῶ δ’ ὅτι τὰ αὐτὰ ταῦτα εἴρηκεν ὁ Ἔφιπποσ κἀν Πελταστῇ τῷ δράματι, ἐν ᾧ καὶ ταῦτα ἐκείνοισ ὑποτέτακται· τοιαῦθ’ ὑθλῶν δειπνεῖ καὶ ζῇ θαυμαζόμενοσ μετὰ μειρακίων, οὐ γινώσκων ψήφων ἀριθμούσ, σεμνὸσ σεμνῶσ χλανίδ’ ἕλκων.
εἰσ τίνα δὲ ταῦτ’ ἀποτεινόμενοσ ὁ Ἔφιπποσ εἴρηκεν ὡρ́α σοι ζητεῖν, καλὲ Οὐλπιανέ, καὶ διδάσκειν ἡμᾶσ καὶ τῶν εἰρημένων τούτων εἲ τί σοι ψελλόν τε καὶ δυσεύρετον, ἐπαναδίπλαζε καὶ σαφῶσ ἐκμάνθανε· σχολὴ δὲ πλείων ἢ θέλω πάρεστί μοι, κατὰ τὸν Αἰσχύλου Προμηθέα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기