호흡부호 보기
강세부호 보기
장단부호 보기
작은 Iota 보기
모든 부호 보기
καὶ τοσαῦτα μέν, ἔφη ὁ Δημόκριτοσ, καὶ αὐτὸσ ὑμῖν προσοψωνήσασ οὐκ ὀψοφαγήσων παρῆλθον διὰ τὸν πάντα ἄριστον Οὐλπιανόν, ὃσ διὰ τὰ Σύρων πάτρια καὶ ἡμᾶσ τῶν ἰχθύων ἀπεστέρησεν ἕτερ’ ἐκ Συρίασ παρεισφέρων. καίτοι γε Ἀντίπατροσ Ταρσεὺσ ὁ ἀπὸ τῆσ στοᾶσ ἐν τετάρτῳ περὶ δεισιδαιμονίασ λέγεσθαί φησι πρόσ τινων ὅτι Γάτισ ἡ τῶν Σύρων βασίλισσα οὕτωσ ἦν ὀψοφάγοσ ὥστε κηρῦξαι ἄτερ Γάτιδοσ μηδένα ἰχθὺν ἐσθίειν ὑπ’ ἀγνοίασ δὲ τοὺσ πολλοὺσ αὐτὴν μὲν Ἀταργάτιν ὀνομάζειν, ἰχθύων δὲ ἀπέχεσθαι. ’ Μνασέασ δ’ ἐν δευτέρῳ περὶ Ἀσίασ φησὶν οὕτωσ ’ ἐμοὶ μὲν ἡ Ἀταργάτισ δοκεῖ χαλεπὴ βασίλισσα γεγονέναι καὶ τῶν λαῶν σκληρῶσ ἐπεστατηκέναι, ὥστε καὶ ἀπονομίσαι αὐτοῖσ ἰχθὺν μὴ ἐσθίειν, ἀλλὰ πρὸσ αὐτὴν ἀναφέρειν διὰ τὸ ἀρέσαι αὐτῇ τὸ βρῶμα. καὶ διὰ τόδε νόμιμον ἔτι διαμένειν, ἐπὰν εὔξωνται τῇ θεῷ, ἰχθῦσ ἀργυροῦσ ἢ χρυσοῦσ ἀνατιθέναι·
τοὺσ δὲ ἱερεῖσ πᾶσαν ἡμέραν τῇ θεῷ ἀληθινοὺσ ἰχθῦσ ἐπὶ τὴν τράπεζαν ὀψοποιησαμένουσ παρατιθέναι, ἑφθούσ τε ὁμοίωσ καὶ ὀπτούσ, οὓσ δὴ αὐτοὶ καταναλίσκουσιν οἱ τῆσ θεοῦ ἱερεῖσ. ὑπὸ τῶν ἰχθύων κατεβρώθη.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기