Ancient Greek Text

Athenaeus, The Deipnosophists, Book 8, book 8, chapter 20

(아테나이오스, The Deipnosophists, Book 8, book 8, chapter 20)

οἶδα δὲ καὶ ἃ ὁ Ἑρμιονεὺσ Λᾶσοσ ἔπαιξε περὶ ἰχθύων, ἅπερ Χαμαιλέων ἀνέγραψεν ὁ ̔ Ἡρακλεώτησ ἐν τῷ περὶ αὐτοῦ τοῦ Λάσου συγγράμματι λέγων ὧδε· τὸν Λᾶσόν φησι τὸν ὠμὸν ἰχθὺν ὀπτὸν εἶναι φάσκειν. θαυμαζόντων δὲ πολλῶν ἐπιχειρεῖν λέγοντα ὡσ ὃ ἔστιν ἀκοῦσαι τοῦτό ἐστιν ἀκουστὸν καὶ ὃ ἔστιν νοῆσαι τοῦτό ἐστιν νοητὸν ὡσαύτωσ οὖν καὶ ὃ ἔστιν ἰδεῖν τοῦτ’ εἶναι ὀπτὸν ὥστ’ ἐπειδὴ τὸν ἰχθὺν ἦν ἰδεῖν, ὀπτὸν αὐτὸν εἶναι. καὶ παίζων δέ ποτε ἰχθὺν παρά τινοσ τῶν ἁλιέων ὑφείλετο καὶ λαβὼν ἔδωκέ τινι τῶν παρεστώτων. ὁρκίζοντοσ δὲ τοῦ ἁλιέωσ ὤμοσεν μήτ’ αὐτὸσ ἔχειν τὸν ἰχθὺν μήτ’ ἄλλῳ συνειδέναι λαβόντι, διὰ τὸ λαβεῖν μὲν αὐτόν, ἔχειν δὲ ἕτερον, ὃν ἐδίδαξεν ἀπομόσαι πάλιν ὅτι οὔτ’ αὐτὸσ ἔλαβεν οὔτ’ ἄλλον ἔχοντα οἶδεν εἰλήφει μὲν γὰρ ὁ Λᾶσοσ, εἶχεν δὲ αὐτόσ. τοιαῦτα δὲ καὶ Ἐπίχαρμοσ παίζει, ὥσπερ ἐν Λόγῳ καὶ Λογίνᾳ· ὁ Ζεὺσ μ’ ἐκάλεσε, Πέλοπὶ γ’ ἔρανον ἱστιῶν.

β. ἦ παμπόνηρον ὄψον, ὦ ’ τάν, ὁ γέρανοσ. α. ἀλλ’ οὔτι γέρανον, ἀλλ’ ἔρανόν γά τοι λέγω.