호흡부호 보기
강세부호 보기
장단부호 보기
작은 Iota 보기
모든 부호 보기
οἶδα δὲ καὶ τὰ περὶ τὴν ἀπόπυριν καλουμένην περὶ τὴν Βόλβην λίμνην, περὶ ἧσ Ἡγήσανδροσ ἐν τοῖσ ὑπομνήμασι φησὶν οὕτωσ ̔ Ἀπολλωνίαν τὴν Χαλκιδικὴν δύο ποταμοὶ περιρρέουσιν Ἀμμίτησ καὶ Ὀλυνθιακόσ· ἐμβάλλουσι δ’ ἀμφότεροι εἰσ τὴν Βόλβην λίμνην. ἐπὶ δὲ τοῦ Ὀλυνθιακοῦ μνημεῖόν ἐστιν Ὀλύνθου τοῦ ̔ Ἡρακλέουσ καὶ Βόλβησ υἱοῦ. κατὰ δὲ τὸν Ἀνθεστηριῶνα καὶ Ἐλαφηβολιῶνα λέγουσιν οἱ ἐπιχώριοι διότι πέμπει ἡ Βόλβη τὴν ἀπόπυριν Ὀλύνθῳ· καὶ κατὰ τὸν καιρὸν τοῦτον ἀπέραντον πλῆθοσ ἰχθύων ἐκ τῆσ λίμνησ εἰσ τὸν Ὀλυνθιακὸν ἀναβαίνειν ποταμόν. ἐστὶ δὲ βραχύσ, ὥστε μόλισ κρύπτειν τὸ σφυρὸν ἀλλ’ οὐδὲν ἧττον τοσοῦτον ἔρχεται πλῆθοσ ἰχθύων ὥστε τοὺσ περιοίκουσ ἅπαντασ ἱκανὸν εἰσ τὴν ἑαυτῶν χρείαν συντιθέναι τάριχοσ. θαυμαστὸν δέ ἐστι τὸ μὴ παραλλάττειν τὸ τοῦ Ὀλύνθου μνημεῖον, πρότερον μὲν οὖν φασι τοὺσ κατὰ τὴν Ἀπολλωνίαν Ἐλαφηβολιῶνοσ τὰ νόμιμα συντελεῖν τοῖσ τελευτήσασι, νῦν δ’ Ἀνθεστηριῶνασ. διὰ ταύτην οὖν τὴν αἰτίαν μόνοισ τούτοισ τοῖσ μησὶ τοὺσ ἰχθῦσ τὴν ἀνάβασιν ποιεῖσθαι, ἐν οἷσ τοὺσ τετελευτηκότασ εἰώθασι τιμᾶν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기