호흡부호 보기
강세부호 보기
장단부호 보기
작은 Iota 보기
모든 부호 보기
οὐ λανθάνει δέ με καὶ ὅτι κοινῶσ πάντεσ οἱ ἰχθύεσ καμασῆνεσ ὑπὸ Ἐμπεδοκλέουσ ἐλέχθησαν τοῦ φυσικοῦ οὕτωσ· πῶσ καὶ δένδρεα μακρὰ καὶ εἰνάλιοι καμασῆνεσ, καὶ ὅτι ὁ τὰ Κύπρια ποιήσασ ἔπη, εἴτε Κύπριόσ τίσ ἐστιν ἢ Στασῖνοσ ἢ ὅστισ δή ποτε χαίρει ὀνομαζόμενοσ, τὴν Νέμεσιν ποιεῖ διωκομένην ὑπὸ Διὸσ καὶ εἰσ ἰχθὺν μεταμορφουμένην διὰ τούτων τοὺσ δὲ μέτα τριτάτην Ἑλένην τέκε, θαῦμα βροτοῖσι· τήν ποτε καλλίκομοσ Νέμεσισ φιλότητι μιγεῖσα Ζηνὶ θεῶν βασιλῆι τέκεν κρατερῆσ ὑπ’ ἀνάγκησ, φεῦγε γὰρ οὐδ’ ἔθελεν μιχθήμεναι ἐν φιλότητι πατρὶ Διὶ Κρονίωνι· ἐτείρετο γὰρ φρένασ αἰδοῖ καὶ νεμέσει·
κατὰ γῆν δὲ καὶ ἀτρύγετον μέλαν ὕδωρ φεῦγεν, Ζεὺσ δ’ ἐδίωκε· λαβεῖν δ’ ἐλιλαίετο θυμῷ ἄλλοτε μὲν κατὰ κῦμα πολυφλοίσβοιο θαλάσσησ ἰχθύι εἰδομένην, πόντον πολὺν ἐξοροθῦνον, ἄλλοτ’ ἀν’ ’ Ὠκεανὸν ποταμὸν καὶ πείρατα γαίησ, ἄλλοτ’ ἀν’ ἤπειρον πολυβώλακα. γίγνετο δ’ αἰεὶ θηρί’ ὅσ1’ ἤπειροσ αἰνὰ τρέφει, ὄφρα φύγοι νιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기