호흡부호 보기
강세부호 보기
장단부호 보기
작은 Iota 보기
모든 부호 보기
οἶδα δὲ καὶ Ποσειδώνιον τὸν ἀπὸ τῆσ στοᾶσ εἰπόντα καὶ περὶ πλήθουσ ἰχθύων τάδε· ὁ Ἀπαμεὺσ ὁ τὴν τῶν Σύρων βασιλείαν ἁρπάσασ ἐπολεμεῖτο ὑπὸ Σαρπηδόνοσ τοῦ Δημητρίου στρατηγοῦ περὶ Πτολεμαΐδα πόλιν καὶ ὡσ ὁ Σαρπηδὼν λειφθεὶσ ἀνεχώρησεν εἰσ τὴν μεσόγαιαν μετὰ τῶν ἰδίων στρατιωτῶν, οἱ δὲ τοῦ Τρύφωνοσ ὥδευον κατὰ τὸ πλησίαλον νικήσαντεσ τῇ μάχῃ, ἐξαίφνησ πελάγιον κῦμα ἐξαρθὲν μετέωρον εἰσ ὕψοσ ἐξαίσιον ἐπῆλθεν τῇ γῇ καὶ πάντασ αὐτοὺσ ἐπέκλυσεν διέφθειρέν τε ὑποβρυχίουσ, ἰχθύων τε πολὺν σωρὸν ἀναχωροῦν τὸ κῦμα μετὰ τῶν νεκρῶν κατέλιπε. καὶ οἱ περὶ τὸν Σαρπηδόνα ἀκούσαντεσ τὴν συμφορὰν ἐπελθόντεσ τοῖσ μὲν τῶν πολεμίων σώμασιν ἐφήσθησαν, ἰχθύων δὲ ἀφθονίαν ἀπηνέγκαντο καὶ ἔθυσαν Ποσειδῶνι τροπαίῳ πρὸσ τοῖσ προαστείοισ τῆσ πόλεωσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기