호흡부호 보기
강세부호 보기
장단부호 보기
작은 Iota 보기
모든 부호 보기
πολλῶν δὲ λεχθέντων ἐπὶ τοῖσ ἰχθύσι λόγων δῆλοσ μὲν ἦν ἀχθόμενοσ ὁ Κύνουλκοσ. καὶ ὁ καλὸσ Δημόκριτοσ αὐτὸν προφθάσασ ἔφη · ἀλλὰ μήν, ’ ἄνδρεσ ἰχθύεσ · ’ κατὰ τὸν Ἄρχιππον, παρελίπετε δεῖ γὰρ καὶ ἡμᾶσ μικρὰ προσοψωνῆσαι τούσ τε ὀρυκτοὺσ ἰχθύασ καλουμένουσ, οἳ ἐν Ἡρακλείᾳ γίγνονται καὶ περὶ Τίον τοῦ Πόντου τὴν Μιλησίων ἀποικίαν, ἱστοροῦντοσ περὶ αὐτῶν Θεοφράστου, ὁ δ’ αὐτὸσ οὗτοσ φιλόσοφοσ καὶ περὶ τῶν πηγνυμένων διὰ χειμῶνα τῷ κρυστάλλῳ ἱστόρησεν, οἳ οὐ πρότερον αἰσθάνονται οὐδὲ κινοῦνται πρὶν ἂν εἰσ τὰσ λοπάδασ ἐμβληθέντεσ ἕψωνται. ’ἴδιον δὲ παρὰ τούτουσ συμβαίνει τὸ περὶ τοὺσ ἐν Παφλαγονίᾳ ὀρυκτοὺσ καλουμένουσ ἰχθῦσ γινόμενον ὀρύττεσθαι γὰρ κατὰ βάθουσ πλέονοσ τοὺσ τόπουσ οὔτε ποταμῶν ἐπιχύσεισ ἔχοντασ οὔτε φανερῶν ναμάτων, καὶ εὑρίσκεσθαι ἐν αὐτοῖσ ἰχθῦσ ζῶντασ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기