헬라어 텍스트

Athenaeus, The Deipnosophists, Book 6, book 6, chapter 63

(아테나이오스, The Deipnosophists, Book 6, book 6, chapter 63)

ὁ μὲν οὖν Δημοχάρησ τοσαῦτα εἴρηκε περὶ τῆσ Ἀθηναίων κολακείασ· Δοῦρισ δ’ ὁ Σάμιοσ ἐν τῇ δευτέρᾳ καὶ εἰκοστῇ τῶν ἱστοριῶν καὶ αὐτὸν τὸν ἰθύφαλλον· ὡσ οἱ μέγιστοι τῶν θεῶν καὶ φίλτατοι τῇ πόλει πάρεισιν ἐνταῦθα γὰρ Δήμητρα καὶ Δημήτριον ἅμα παρῆγ’ ὁ καιρόσ, χἠ μὲν τὰ σεμνὰ τῆσ Κόρησ μυστήρια ἔρχεθ’ ἵνα ποιήσῃ, ὁ δ’ ἱλαρόσ, ὥσπερ τὸν θεὸν δεῖ, καὶ καλὸσ καὶ γελῶν πάρεστι. σεμνόν τι φαίνεθ’, οἱ φίλοι πάντεσ κύκλῳ, ἐν μέσοισι δ’ αὐτόσ, ὅμοιον ὥσπερ οἱ φίλοι μὲν ἀστέρεσ, ἥλιοσ δ’ ἐκεῖνοσ, ὦ τοῦ κρατίστου παῖ Ποσειδῶνοσ θεοῦ, χαῖρε, κἀφροδίτησ. ἄλλοι μὲν ἢ μακρὰν γὰρ ἀπέχουσιν θεοὶ ἢ οὐκ ἔχουσιν ὦτα ἢ οὐκ εἰσὶν ἢ οὐ προσέχουσιν ἡμῖν οὐδὲ ἕν, σὲ δὲ παρόνθ’ ὁρῶμεν, οὐ ξύλινον οὐδὲ λίθινον, ἀλλ’ ἀληθινόν. εὐχόμεσθα δή σοι· πρῶτον μὲν εἰρήνην ποίησον, φίλτατε· κύριοσ γὰρ εἶ σύ. τὴν δ’ οὐχὶ Θηβῶν, ἀλλ’ ὅλησ τῆσ Ἑλλάδοσ Σφίγγα περικρατοῦσαν, ὁ Αἰτωλὸσ ὅστισ ἐπὶ πέτρασ καθήμενοσ, ὥσπερ ἡ παλαιά, τὰ σώμαθ’ ἡμῶν πάντ’ ἀναρπάσασ φέρει, κοὐκ ἔχω μάχεσθαι Αἰτωλικὸν γὰρ ἁρπάσαι τὰ τῶν πέλασ, νῦν δὲ καὶ τὰ πόρρω· μάλιστα μὲν δὴ κόλασον αὐτόσ·