헬라어 텍스트

Athenaeus, The Deipnosophists, Book 6, book 6, chapter 42

(아테나이오스, The Deipnosophists, Book 6, book 6, chapter 42)

Χαιρεφῶντοσ δὲ τοῦ παρασίτου μέμνηται Μάτρων μὲν κἀν τοῖσ πρὸ τούτων, ἀτὰρ δὴ καὶ Μένανδροσ αὐτοῦ μνημονεύει ἐν Κεκρυφάλῳ. κἀν τῇ Ὀργῇ δέ φησι· διαφέρει Χαιρεφῶντοσ οὐδὲ γρῦ ἅνθρωποσ ὅστισ ἐστίν, ὃσ κληθείσ ποτε εἰσ ἑστίασιν δωδεκάποδοσ ὄρθριοσ πρὸσ τὴν σελήνην ἔτρεχε τὴν σκιὰν ἰδὼν ὡσ ὑστερίζων, καὶ παρῆν ἅμ’ ἡμέρᾳ. ἐν δὲ Μέθῃ· ἐμὲ γὰρ διέτριψεν ὁ κομψότατοσ ἀνδρῶν Χαιρεφῶν ἱερὸν γάμον φάσκων ποιήσειν δευτέρᾳ μετ’ εἰκάδα καθ’ αὑτόν, ἵνα τῇ τετράδι δειπνῇ παρ’ ἑτέροισ· τὰ τῆσ θεοῦ γὰρ πανταχῶσ ἔχειν καλῶσ.

μνημονεύει αὐτοῦ καὶ ἐν Ἀνδρογύνῳ ἢ Κρητί. Τιμοκλῆσ δ’ ἐν Ἐπιστολαῖσ καὶ ὡσ Δημοτίωνι τῷ ἀσώτῳ παρασιτοῦντοσ αὐτοῦ μνημονεύει· ὁ Δημοτίων δὲ παραμενεῖν αὑτῷ δοκῶν τἀργύριον οὐκ ἐφείδετ’, ἀλλὰ παρέτρεφε τὸν βουλόμενον. ὁ Χαιρεφῶν μὲν παντελῶσ οἴκαδε βαδίζειν ᾤετ’, ὦ ταλάντατοσ. καὶ μὴν ἔτι τοῦτ’ οὐκ ἔστιν ἀνάξιον μόνον, τὸν παραμασήτην λαμβάνειν δίκρουν ξύλον;

οὔτ’ εὔρυθμοσ γάρ ἐστιν οὔτ’ ἀχρήματοσ. Ἀντιφάνησ δ’ ἐν Σκύθῃ· ἐπὶ κῶμον δοκεῖ ἰώμεν ὥσπερ ἔχομεν. β. οὐκοῦν δᾷδα καὶ στεφάνουσ λαβόντεσ; α. Χαιρεφῶν οὕτωσ μεμάθηκε κωμάζειν ἄδειπνοσ. Τιμόθεοσ Κυναρίῳ· πειρώμεθ’ ὑποδύντ’ ἐσ τὸ δεῖπνον ἀπιέναι.