헬라어 문장 검색 - ΑτηενάΤηεΔειπ

(아테나이오스, The Deipnosophists, Book 6, book 6, chapter 39)

ἦν δὲ καὶ ὁ Κόρυδοσ τῶν δι’ ὀνόματοσ παρασίτων, μνημονεύει δ’ αὐτοῦ Τιμοκλῆσ ἐν Ἐπιχαιρεκάκῳ οὕτωσ· ἀγορὰν ἰδεῖν εὐόψον εὐποροῦντι μὲν ἥδιστον, ἂν δ’ ἀπορῇ τισ, ἀθλιώτατον. ὁ γοῦν Κόρυδοσ ἄκλητοσ, ὡσ ἐμοὶ δοκεῖ, γενόμενοσ ὠψώνει παρ’ αὑτὸν οἴκαδε. ἦν δὲ τὸ πάθοσ γέλοιον, οἴμοι, τέτταρασ χαλκοῦσ ἔχων ἄνθρωποσ, ἐγχέλεισ ὁρῶν, θύννεια, νάρκασ, καράβουσ ᾑμωδία. καὶ ταῦτα πάντῃ μὲν περιελθὼν ἤρετο ὁπόσου, πυθόμενοσ δ’ ἀπέτρεχ’ εἰσ τὰσ μεμβράδασ. Ἄλεξισ Δημητρίῳ ἢ Φιλεταίρῳ· ἀλλ’ αἰσχύνομαι τὸν Κόρυδον, εἰ δόξω συναριστᾶν τισιν οὕτω προχείρωσ· οὐκ ἀπαρνοῦμαι δ’ ὅμωσ. οὐδὲ γὰρ ἐκεῖνοσ, ἂν καλῇ τισ ἂν τε μή. ἐν δὲ Τίτθῃ· ὁ Κόρυδοσ οὗτοσ, ὁ τὰ γέλοι’ εἰθισμένοσ λέγειν, Βλεπαῖοσ βούλετ’ εἶναι. Β.

νοῦν γ’ ἔχων πλουτεῖ γὰρ ὁ Βλεπαῖοσ. Κρατῖνοσ δ’ ὁ νεώτεροσ ἐν Τιτᾶσι· κόρυδον τὸν χαλκότυπον πεφύλαξο, ἦ μὴν σοὶ νομιεῖσ αὐτὸν μηδὲν καταλείψειν, μηδ’ ὄψον κοινῇ μετὰ τούτου πώποτε δαίσῃ τοῦ Κορύδου· προλέγω σοι· ἔχει γὰρ χεῖρα κραταιάν, χαλκῆν, ἀκάματον, πολὺ κρείττω τοῦ πυρὸσ αὐτοῦ. ὅτι δὲ γέλοια ἔλεγεν ὁ Κόρυδοσ καὶ ἐπὶ τούτοισ γελᾶσθαι ἤθελεν ὁ αὐτὸσ Ἄλεξισ ἐν Ποιηταῖσ φησι·

πάνυ τοι βούλομαι οὗτοσ γελᾶσθαι καὶ γέλοι’ ἀεὶ λέγειν μετὰ τὸν Κόρυδον μάλιστ’ Ἀθηναίων πολύ. ἀναγράφει δὲ αὐτοῦ τὰ ἀπομνημονεύματα Λυγκεὺσ ὁ Σάμιοσ Εὐκράτην αὐτὸν καλεῖσθαι κυρίωσ φάσκων. γράφει δ’ οὕτωσ· "δειπνεῖν δεῖ ὑποστήσαντα τὴν ἀριστερὰν χεῖρα ὥσπερ αἱ Καρυάτιδεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 6, book 6, chapter 39

(아테나이오스, The Deipnosophists, Book 6, book 6, chapter 39)

상위

목록

SEARCH

MENU NAVIGATION