헬라어 텍스트

Athenaeus, The Deipnosophists, Book 6, book 6, chapter 35

(아테나이오스, The Deipnosophists, Book 6, book 6, chapter 35)

Ἀντιφάνησ δ’ ἐν Προγόνοισ· ὅτι τῦφοσ οὐκ ἔνεστιν, ἀλλὰ τοῖσ φίλοισ τοιοῦτὸσ εἰμ’, ἥδιστε, τύπτεσθαι μύδροσ, τύπτειν κεραυνόσ, ἐκτυφλοῦν τιν’ ἀστραπή, φέρειν τιν’ ἄρασ ἄνεμοσ, ἀποπνῖξαι βρόχοσ, θύρασ μοχλεύειν σεισμόσ, εἰσπηδᾶν ἀκρίσ, δειπνεῖν ἄκλητοσ μυῖα, μὴ ’ ξελθεῖν φρέαρ, ἄγχειν, φονεύειν, μαρτυρεῖν, ὅσ1’ ἂν μόνον τύχῃ τισ εἰπών, ταῦτ’ ἀπροσκέπτωσ ποεῖν ἅπαντα, καὶ καλοῦσὶ μ’ οἱ νεώτεροι διὰ ταῦτα πάντα σκηπτὸν ἀλλ’ οὐδὲν μέλει τῶν σκωμμάτων μοι· τῶν φίλων γὰρ ὢν φίλοσ ἔργοισι χρηστόσ, οὐ λόγοισ ἔφυν μόνον.

Δίφιλοσ δ’ ἐν Παρασίτῳ μελλόντων γίνεσθαι γάμων τὸν παράσιτον ποιεῖ λέγοντα τάδε· ἀγνοεῖσ ἐν ταῖσ ἀραῖσ ὅ τι ἔστιν, εἴ τισ μὴ φράσει’ ὀρθῶσ ὁδὸν ἢ πῦρ ἐναύσει’ ἢ διαφθείρει’ ὕδωρ, ἢ δειπνιεῖν μέλλοντα κωλύσαι τινά. Εὔβουλοσ δ’ ἐν Οἰδίποδι· ὁ πρῶτοσ εὑρὼν τἀλλότρια δειπνεῖν ἀνὴρ δημοτικὸσ ἦν τισ, ὡσ ἐοίκε, τοὺσ τρόπουσ.

ὅστισ δ’ ἐπὶ δεῖπνον ἢ φίλον τιν’ ἢ ξένον καλέσασ ἔπειτα συμβολὰσ ἐπράξατο, φυγὰσ γένοιτο μηδὲν οἴκοθεν λαβών.