Apollodorus, Library and Epitome, book 3, chapter 15 1:

(아폴로도로스, Library and Epitome, book 3, chapter 15 1:)

Πανδίονοσ δὲ ἀποθανόντοσ οἱ παῖδεσ τὰ πατρῷα ἐμερίσαντο, καὶ τὴν <μὲν> βασιλείαν Ἐρεχθεὺσ λαμβάνει, τὴν δὲ ἱερωσύνην τῆσ Ἀθηνᾶσ καὶ τοῦ Ποσειδῶνοσ τοῦ Ἐρεχθέωσ Βούτησ. γήμασ δὲ Ἐρεχθεὺσ Πραξιθέαν τὴν Φρασίμου καὶ Διογενείασ τῆσ Κηφισοῦ, ἔσχε παῖδασ Κέκροπα Πάνδωρον Μητίονα, θυγατέρασ δὲ Πρόκριν Κρέουσαν Χθονίαν Ὠρείθυιαν, ἣν ἡρ́πασε Βορέασ. Χθονίαν μὲν οὖν ἔγημε Βούτησ, Κρέουσαν δὲ Ξοῦθοσ, Πρόκριν δὲ Κέφαλοσ <ὁ> Δηιόνοσ. ἡ δὲ λαβοῦσα χρυσοῦν στέφανον Πτελέοντι συνευνάζεται, καὶ φωραθεῖσα ὑπὸ Κεφάλου πρὸσ Μίνωα φεύγει. ὁ δὲ αὐτῆσ ἐρᾷ καὶ πείθει συνελθεῖν. εἰ δὲ συνέλθοι γυνὴ Μίνωι, ἀδύνατον ἦν αὐτὴν σωθῆναι· Πασιφάη γάρ, ἐπειδὴ πολλαῖσ Μίνωσ συνηυνάζετο γυναιξίν, ἐφαρμάκευσεν αὐτόν, καὶ ὁπότε ἄλλῃ συνηυνάζετο, εἰσ τὰ ἄρθρα ἀφίει θηρία, καὶ οὕτωσ ἀπώλλυντο. ἔχοντοσ οὖν αὐτοῦ κύνα ταχὺν <καὶ> ἀκόντιον ἰθυβόλον, ἐπὶ τούτοισ Πρόκρισ, δοῦσα τὴν Κιρκαίαν πιεῖν ῥίζαν πρὸσ τὸ μηδὲν βλάψαι, συνευνάζεται. δείσασα δὲ αὖθισ τὴν Μίνωοσ γυναῖκα ἧκεν εἰσ Ἀθήνασ, καὶ διαλλαγεῖσα Κεφάλῳ μετὰ τούτου παραγίνεται ἐπὶ θήραν· ἦν γὰρ θηρευτική. διωκούσησ δὲ αὐτῆσ ἐν τῇ λόχμῃ ἀγνοήσασ Κέφαλοσ ἀκοντίζει, καὶ τυχὼν ἀποκτείνει Πρόκριν. καὶ κριθεὶσ ἐν Ἀρείῳ πάγῳ φυγὴν ἀίδιον καταδικάζεται.

일치하는 문장이 없습니다.

SEARCH

MENU NAVIGATION