Apollodorus, Library and Epitome, book 3, chapter 12 5:

(아폴로도로스, Library and Epitome, book 3, chapter 12 5:)

μετὰ δὲ τὸ αἱρεθῆναι Ἴλιον ὑπὸ Ἡρακλέουσ, ὡσ μικρὸν πρόσθεν ἡμῖν λέλεκται, ἐβασίλευσε Ποδάρκησ ὁ κληθεὶσ Πρίαμοσ· καὶ γαμεῖ πρώτην Ἀρίσβην τὴν Μέροποσ, ἐξ ἧσ αὐτῷ παῖσ Αἴσακοσ γίνεται, ὃσ ἔγημεν Ἀστερόπην τὴν Κεβρῆνοσ θυγατέρα, ἣν πενθῶν ἀποθανοῦσαν ἀπωρνεώθη. Πρίαμοσ δὲ Ἀρίσβην ἐκδοὺσ Ὑρτάκῳ δευτέραν ἔγημεν Ἑκάβην τὴν Δύμαντοσ, ἢ ὥσ τινέσ φασι Κισσέωσ, ἢ ὡσ ἕτεροι λέγουσι Σαγγαρίου ποταμοῦ καὶ Μετώπησ. γεννᾶται δὲ αὐτῇ πρῶτοσ μὲν Ἕκτωρ· δευτέρου δὲ γεννᾶσθαι μέλλοντοσ βρέφουσ ἔδοξεν Ἑκάβη καθ’ ὕπνουσ δαλὸν τεκεῖν διάπυρον, τοῦτον δὲ πᾶσαν ἐπινέμεσθαι τὴν πόλιν καὶ καίειν. μαθὼν δὲ Πρίαμοσ παρ’ Ἑκάβησ τὸν ὄνειρον, Αἴσακον τὸν υἱὸν μετεπέμψατο· ἦν γὰρ ὀνειροκρίτησ παρὰ τοῦ μητροπάτοροσ Μέροποσ διδαχθείσ. οὗτοσ εἰπὼν τῆσ πατρίδοσ γενέσθαι τὸν παῖδα ἀπώλειαν, ἐκθεῖναι τὸ βρέφοσ ἐκέλευε. Πρίαμοσ δέ, ὡσ ἐγεννήθη τὸ βρέφοσ, δίδωσιν ἐκθεῖναι οἰκέτῃ κομίσαντι εἰσ Ἴδην· ὁ δὲ οἰκέτησ Ἀγέλαοσ ὠνομάζετο. τὸ δὲ ἐκτεθὲν ὑπὸ τούτου βρέφοσ πένθ’ ἡμέρασ ὑπὸ ἄρκτου ἐτράφη. ὁ δὲ σωζόμενον εὑρὼν ἀναιρεῖται, καὶ κομίσασ ἐπὶ τῶν χωρίων ὡσ ἴδιον παῖδα ἔτρεφεν, ὀνομάσασ Πάριν. γενόμενοσ δὲ νεανίσκοσ καὶ πολλῶν διαφέρων κάλλει τε καὶ ῥώμῃ αὖθισ Ἀλέξανδροσ προσωνομάσθη, λῃστὰσ ἀμυνόμενοσ καὶ τοῖσ ποιμνίοισ ἀλεξήσασ , ὅπερ ἐστὶ βοηθήσασ. καὶ μετ’ οὐ πολὺ τοὺσ γονέασ ἀνεῦρε. μετὰ τοῦτον ἐγέννησεν Ἑκάβη θυγατέρασ μὲν Κρέουσαν Λαοδίκην Πολυξένην Κασάνδραν, ᾗ συνελθεῖν βουλόμενοσ Ἀπόλλων τὴν μαντικὴν ὑπέσχετο διδάξειν. ἡ δὲ μαθοῦσα οὐ συνῆλθεν· ὅθεν Ἀπόλλων ἀφείλετο τῆσ μαντικῆσ αὐτῆσ τὸ πείθειν. αὖθισ δὲ παῖδασ ἐγέννησε Δηίφοβον Ἕλενον Πάμμονα Πολίτην Ἄντιφον Ἱππόνοον Πολύδωρον Τρωίλον· τοῦτον ἐξ Ἀπόλλωνοσ λέγεται γεγεννηκέναι. ἐκ δὲ ἄλλων γυναικῶν Πριάμῳ παῖδεσ γίνονται Μελάνιπποσ Γοργυθίων Φιλαίμων Ἱππόθοοσ Γλαῦκοσ, Ἀγάθων Χερσιδάμασ Εὐαγόρασ Ἱπποδάμασ Μήστωρ, Ἄτασ Δόρυκλοσ Λυκάων Δρύοψ Βίασ, Χρομίοσ Ἀστύγονοσ Τελέστασ Εὐάνδροσ Κεβριόνησ, Μύλιοσ Ἀρχέμαχοσ Λαοδόκοσ Ἐχέφρων Ἰδομενεύσ, Ὑπερίων Ἀσκάνιοσ Δημοκόων Ἄρητοσ Δηιοπίτησ, Κλονίοσ Ἐχέμμων Ὑπείροχοσ Αἰγεωνεὺσ Λυσίθοοσ Πολυμέδων, θυγατέρεσ δὲ Μέδουσα Μηδεσικάστη Λυσιμάχη Ἀριστοδήμη.

일치하는 문장이 없습니다.

SEARCH

MENU NAVIGATION