Apollodorus, Library and Epitome, book 3, chapter 10 4:

(아폴로도로스, Library and Epitome, book 3, chapter 10 4:)

Ταϋγέτη δὲ ἐκ Διὸσ <ἐγέννησε> Λακεδαίμονα, ἀφ’ οὗ καὶ Λακεδαίμων ἡ χώρα καλεῖται. Λακεδαίμονοσ δὲ καὶ Σπάρτησ τῆσ Εὐρώτα, ὃσ ἦν ἀπὸ Λέλεγοσ αὐτόχθονοσ καὶ νύμφησ νηίδοσ Κλεοχαρείασ, Ἀμύκλασ καὶ Εὐρυδίκη, ἣν ἔγημεν Ἀκρίσιοσ. Ἀμύκλα δὲ καὶ Διομήδησ τῆσ Λαπίθου Κυνόρτησ καὶ Υἅκινθοσ. τοῦτον εἶναι τοῦ Ἀπόλλωνοσ ἐρώμενον λέγουσιν, ὃν δίσκῳ βαλὼν ἄκων ἀπέκτεινε. Κυνόρτου δὲ Περιήρησ, ὃσ γαμεῖ Γοργοφόνην τὴν Περσέωσ, καθάπερ Στησίχορόσ φησι, καὶ τίκτει Τυνδάρεων Ἰκάριον Ἀφαρέα Λεύκιππον. Ἀφαρέωσ μὲν οὖν καὶ Ἀρήνησ τῆσ Οἰβάλου Λυγκεύσ τε καὶ Ἴδασ καὶ Πεῖσοσ· κατὰ πολλοὺσ δὲ Ἴδασ ἐκ Ποσειδῶνοσ λέγεται. Λυγκεὺσ δὲ ὀξυδερκίᾳ διήνεγκεν, ὡσ καὶ τὰ ὑπὸ γῆν θεωρεῖν. Λευκίππου δὲ θυγατέρεσ ἐγένοντο Ἱλάειρα καὶ Φοίβη· ταύτασ ἁρπάσαντεσ ἔγημαν Διόσκουροι. πρὸσ δὲ ταύταισ Ἀρσινόην ἐγέννησε. ταύτῃ μίγνυται Ἀπόλλων, ἡ δὲ Ἀσκληπιὸν γεννᾷ. τινὲσ δὲ Ἀσκληπιὸν οὐκ ἐξ Ἀρσινόησ τῆσ Λευκίππου λέγουσιν, ἀλλ’ ἐκ Κορωνίδοσ τῆσ Φλεγύου ἐν Θεσσαλίᾳ. καί φασιν ἐρασθῆναι ταύτησ Ἀπόλλωνα καὶ εὐθέωσ συνελθεῖν· τὴν δὲ παρὰ τὴν τοῦ πατρὸσ γνώμην ἑλομένην Ἴσχυϊ τῷ Καινέωσ ἀδελφῷ συνοικεῖν. Ἀπόλλων δὲ τὸν μὲν ἀπαγγείλαντα κόρακα καταρᾶται, ὃν τέωσ λευκὸν ὄντα ἐποίησε μέλανα, αὐτὴν δὲ ἀπέκτεινε. καιομένησ δὲ αὐτῆσ ἁρπάσασ τὸ βρέφοσ ἐκ τῆσ πυρᾶσ πρὸσ Χείρωνα τὸν Κένταυρον ἤνεγκε, παρ’ ᾧ καὶ τὴν ἰατρικὴν καὶ τὴν κυνηγετικὴν τρεφόμενοσ ἐδιδάχθη. καὶ γενόμενοσ χειρουργικὸσ καὶ τὴν τέχνην ἀσκήσασ ἐπὶ πολὺ οὐ μόνον ἐκώλυέ τινασ ἀποθνήσκειν, ἀλλ’ ἀνήγειρε καὶ τοὺσ ἀποθανόντασ· παρὰ γὰρ Ἀθηνᾶσ λαβὼν τὸ ἐκ τῶν φλεβῶν τῆσ Γοργόνοσ ῥυὲν αἷμα, τῷ μὲν ἐκ τῶν ἀριστερῶν ῥυέντι πρὸσ φθορὰν ἀνθρώπων ἐχρῆτο, τῷ δὲ ἐκ τῶν δεξιῶν πρὸσ σωτηρίαν, καὶ διὰ τούτου τοὺσ τεθνηκότασ ἀνήγειρεν. εὑρ͂ον δέ τινασ λεγομένουσ ἀναστῆναι ὑπ’ αὐτοῦ, Καπανέα καὶ Λυκοῦργον, ὡσ Στησίχορόσ φησιν <ἐν> Ἐριφύλῃ, Ἱππόλυτον, ὡσ ὁ τὰ Ναυπακτικὰ συγγράψασ λέγει, Τυνδάρεων, ὥσ φησι Πανύασισ, Ὑμέναιον, ὡσ οἱ Ὀρφικοὶ λέγουσι, Γλαῦκον τὸν Μίνωοσ, ὡσ Μελησαγόρασ λέγει.

일치하는 문장이 없습니다.

SEARCH

MENU NAVIGATION