Apollodorus, Library and Epitome, book 3, chapter 10 3:

(아폴로도로스, Library and Epitome, book 3, chapter 10 3:)

Μαῖα μὲν οὖν ἡ πρεσβυτάτη Διὶ συνελθοῦσα ἐν ἄντρῳ τῆσ Κυλλήνησ Ἑρμῆν τίκτει. οὗτοσ ἐν σπαργάνοισ ἐπὶ τοῦ λίκνου κείμενοσ, ἐκδὺσ εἰσ Πιερίαν παραγίνεται, καὶ κλέπτει βόασ ἃσ ἔνεμεν Ἀπόλλων. ἵνα δὲ μὴ φωραθείη ὑπὸ τῶν ἰχνῶν, ὑποδήματα τοῖσ ποσὶ περιέθηκε, καὶ κομίσασ εἰσ Πύλον τὰσ μὲν λοιπὰσ εἰσ σπήλαιον ἀπέκρυψε, δύο δὲ καταθύσασ τὰσ μὲν βύρσασ πέτραισ καθήλωσε, τῶν δὲ κρεῶν τὰ μὲν κατηνάλωσεν ἑψήσασ τὰ δὲ κατέκαυσε· καὶ ταχέωσ εἰσ Κυλλήνην ᾤχετο. καὶ εὑρίσκει πρὸ τοῦ ἄντρου νεμομένην χελώνην. ταύτην ἐκκαθάρασ, εἰσ τὸ κύτοσ χορδὰσ ἐντείνασ ἐξ ὧν ἔθυσε βοῶν καὶ ἐργασάμενοσ λύραν εὑρ͂ε καὶ πλῆκτρον. Ἀπόλλων δὲ τὰσ βόασ ζητῶν εἰσ Πύλον ἀφικνεῖται, καὶ τοὺσ κατοικοῦντασ ἀνέκρινεν. οἱ δὲ ἰδεῖν μὲν παῖδα ἐλαύνοντα ἔφασκον, οὐκ ἔχειν δὲ εἰπεῖν ποῖ ποτε ἠλάθησαν διὰ τὸ μὴ εὑρεῖν ἴχνοσ δύνασθαι. μαθὼν δὲ ἐκ τῆσ μαντικῆσ τὸν κεκλοφότα πρὸσ Μαῖαν εἰσ Κυλλήνην παραγίνεται, καὶ τὸν Ἑρμῆν ᾐτιᾶτο. ἡ δὲ ἐπέδειξεν αὐτὸν ἐν τοῖσ σπαργάνοισ. Ἀπόλλων δὲ αὐτὸν πρὸσ Δία κομίσασ τὰσ βόασ ἀπῄτει. Διὸσ δὲ κελεύοντοσ ἀποδοῦναι ἠρνεῖτο. μὴ πείθων δὲ ἄγει τὸν Ἀπόλλωνα εἰσ Πύλον καὶ τὰσ βόασ ἀποδίδωσιν. ἀκούσασ δὲ τῆσ λύρασ ὁ Ἀπόλλων ἀντιδίδωσι τὰσ βόασ. Ἑρμῆσ δὲ ταύτασ νέμων σύριγγα πάλιν πηξάμενοσ ἐσύριζεν. Ἀπόλλων δὲ καὶ ταύτην βουλόμενοσ λαβεῖν, τὴν χρυσῆν ῥάβδον ἐδίδου ἣν ἐκέκτητο βουκολῶν. ὁ δὲ καὶ ταύτην λαβεῖν ἀντὶ τῆσ σύριγγοσ ἤθελε καὶ τὴν μαντικὴν ἐπελθεῖν· καὶ δοὺσ διδάσκεται τὴν διὰ τῶν ψήφων μαντικήν. Ζεὺσ δὲ αὐτὸν κήρυκα ἑαυτοῦ καὶ θεῶν ὑποχθονίων τίθησι.

일치하는 문장이 없습니다.

SEARCH

MENU NAVIGATION