Apollodorus, Library and Epitome, book 3, chapter 9 2:

(아폴로도로스, Library and Epitome, book 3, chapter 9 2:)

Λυκούργου δὲ καὶ Κλεοφύλησ ἢ Εὐρυνόμησ Ἀγκαῖοσ καὶ Ἔποχοσ καὶ Ἀμφιδάμασ καὶ Ιἄσοσ. Ἀμφιδάμαντοσ δὲ Μελανίων καὶ θυγάτηρ Ἀντιμάχη, ἣν Εὐρυσθεὺσ ἔγημεν. Ιἄσου δὲ καὶ Κλυμένησ τῆσ Μινύου Ἀταλάντη ἐγένετο. ταύτησ ὁ πατὴρ ἀρρένων παίδων ἐπιθυμῶν ἐξέθηκεν αὐτήν, ἄρκτοσ δὲ φοιτῶσα πολλάκισ θηλὴν ἐδίδου, μέχρισ οὗ εὑρόντεσ κυνηγοὶ παρ’ ἑαυτοῖσ ἀνέτρεφον. τελεία δὲ Ἀταλάντη γενομένη παρθένον ἑαυτὴν ἐφύλαττε, καὶ θηρεύουσα ἐν ἐρημίᾳ καθωπλισμένη διετέλει. βιάζεσθαι δὲ αὐτὴν ἐπιχειροῦντεσ Κένταυροι Ῥοῖκόσ τε καὶ Ὑλαῖοσ κατατοξευθέντεσ ὑπ’ αὐτῆσ ἀπέθανον. παρεγένετο δὲ μετὰ τῶν ἀριστέων καὶ ἐπὶ τὸν Καλυδώνιον κάπρον, καὶ ἐν τῷ ἐπὶ Πελίᾳ τεθέντι ἀγῶνι ἐπάλαισε Πηλεῖ καὶ ἐνίκησεν. ἀνευροῦσα δὲ ὕστερον τοὺσ γονέασ, ὡσ ὁ πατὴρ γαμεῖν αὐτὴν ἔπειθεν ἀπιοῦσα εἰσ σταδιαῖον τόπον καὶ πήξασα μέσον σκόλοπα τρίπηχυν, ἐντεῦθεν τῶν μνηστευομένων τοὺσ δρόμουσ προϊεῖσα ἐτρόχαζε καθωπλισμένη· καὶ καταληφθέντι μὲν αὐτοῦ θάνατοσ ὠφείλετο, μὴ καταληφθέντι δὲ γάμοσ. ἤδη δὲ πολλῶν ἀπολομένων Μελανίων αὐτῆσ ἐρασθεὶσ ἧκεν ἐπὶ τὸν δρόμον, χρύσεα μῆλα κομίζων παρ’ Ἀφροδίτησ, καὶ διωκόμενοσ ταῦτα ἔρριπτεν. ἡ δὲ ἀναιρουμένη τὰ ῥιπτόμενα τὸν δρόμον ἐνικήθη. ἔγημεν οὖν αὐτὴν Μελανίων. καί ποτε λέγεται θηρεύοντασ αὐτοὺσ εἰσελθεῖν εἰσ τὸ τέμενοσ Διόσ, κἀκεῖ συνουσιάζοντασ εἰσ λέοντασ ἀλλαγῆναι. Ἡσίοδοσ δὲ καί τινεσ ἕτεροι τὴν Ἀταλάντην οὐκ Ιἄσου ἀλλὰ Σχοινέωσ εἶπον, Εὐριπίδησ δὲ Μαινάλου, καὶ τὸν γήμαντα αὐτὴν οὐ Μελανίωνα ἀλλὰ Ἱππομένην. ἐγέννησε δὲ ἐκ Μελανίωνοσ Ἀταλάντη ἢ Ἄρεοσ Παρθενοπαῖον, ὃσ ἐπὶ Θήβασ ἐστρατεύσατο.

일치하는 문장이 없습니다.

SEARCH

MENU NAVIGATION