헬라어 문장 검색 - ΑπολλόΛιβραρψ́4́09́

(아폴로도로스, Library and Epitome, book 3, chapter 9)

Ἀρκάδοσ δὲ καὶ Λεανείρασ τῆσ Ἀμύκλου ἢ Μεγανείρασ τῆσ Κρόκωνοσ, ὡσ δὲ Εὔμηλοσ λέγει, νύμφησ Χρυσοπελείασ, ἐγένοντο παῖδεσ Ἔλατοσ καὶ Ἀφείδασ. οὗτοι τὴν γῆν ἐμερίσαντο, τὸ δὲ πᾶν κράτοσ εἶχεν Ἔλατοσ, ὃσ ἐκ Λαοδίκησ τῆσ Κινύρου Στύμφαλον καὶ Περέα τεκνοῖ, Ἀφείδασ δὲ Ἀλεὸν καὶ Σθενέβοιαν, ἣν γαμεῖ Προῖτοσ. Ἀλεοῦ δὲ καὶ Νεαίρασ τῆσ Περέωσ θυγάτηρ μὲν Αὔγη, υἱοὶ δὲ Κηφεὺσ καὶ Λυκοῦργοσ. Αὔγη μὲν οὖν ὑφ’ Ἡρακλέουσ φθαρεῖσα κατέκρυψε τὸ βρέφοσ ἐν τῷ τεμένει τῆσ Ἀθηνᾶσ, ἧσ εἶχε τὴν ἱερωσύνην. ἀκάρπου δὲ τῆσ γῆσ μενούσησ, καὶ μηνυόντων τῶν χρησμῶν εἶναί τι ἐν τῷ τεμένει τῆσ Ἀθηνᾶσ δυσσέβημα, φωραθεῖσα ὑπὸ τοῦ πατρὸσ παρεδόθη Ναυπλίῳ ἐπὶ θανάτῳ παρ’ οὗ Τεύθρασ ὁ Μυσῶν δυνάστησ παραλαβὼν αὐτὴν ἔγημε. τὸ δὲ βρέφοσ ἐκτεθὲν ἐν ὄρει Παρθενίῳ θηλὴν ὑποσχούσησ ἐλάφου Τήλεφοσ ἐκλήθη, καὶ τραφεὶσ ὑπὸ τῶν Κορύθου βουκόλων καὶ ζητήσασ τοὺσ γονέασ ἧκεν εἰσ Δελφούσ, καὶ μαθὼν παρὰ τοῦ θεοῦ, παραγενόμενοσ εἰσ Μυσίαν θετὸσ παῖσ Τεύθραντοσ γίνεται· καὶ τελευτῶντοσ αὐτοῦ διάδοχοσ τῆσ δυναστείασ γίνεται. Λυκούργου δὲ καὶ Κλεοφύλησ ἢ Εὐρυνόμησ Ἀγκαῖοσ καὶ Ἔποχοσ καὶ Ἀμφιδάμασ καὶ Ιἄσοσ.

Ἀμφιδάμαντοσ δὲ Μελανίων καὶ θυγάτηρ Ἀντιμάχη, ἣν Εὐρυσθεὺσ ἔγημεν. Ιἄσου δὲ καὶ Κλυμένησ τῆσ Μινύου Ἀταλάντη ἐγένετο. ταύτησ ὁ πατὴρ ἀρρένων παίδων ἐπιθυμῶν ἐξέθηκεν αὐτήν, ἄρκτοσ δὲ φοιτῶσα πολλάκισ θηλὴν ἐδίδου, μέχρισ οὗ εὑρόντεσ κυνηγοὶ παρ’ ἑαυτοῖσ ἀνέτρεφον. τελεία δὲ Ἀταλάντη γενομένη παρθένον ἑαυτὴν ἐφύλαττε, καὶ θηρεύουσα ἐν ἐρημίᾳ καθωπλισμένη διετέλει. βιάζεσθαι δὲ αὐτὴν ἐπιχειροῦντεσ Κένταυροι Ῥοῖκόσ τε καὶ Ὑλαῖοσ κατατοξευθέντεσ ὑπ’ αὐτῆσ ἀπέθανον. παρεγένετο δὲ μετὰ τῶν ἀριστέων καὶ ἐπὶ τὸν Καλυδώνιον κάπρον, καὶ ἐν τῷ ἐπὶ Πελίᾳ τεθέντι ἀγῶνι ἐπάλαισε Πηλεῖ καὶ ἐνίκησεν. ἀνευροῦσα δὲ ὕστερον τοὺσ γονέασ, ὡσ ὁ πατὴρ γαμεῖν αὐτὴν ἔπειθεν ἀπιοῦσα εἰσ σταδιαῖον τόπον καὶ πήξασα μέσον σκόλοπα τρίπηχυν, ἐντεῦθεν τῶν μνηστευομένων τοὺσ δρόμουσ προϊεῖσα ἐτρόχαζε καθωπλισμένη· καὶ καταληφθέντι μὲν αὐτοῦ θάνατοσ ὠφείλετο, μὴ καταληφθέντι δὲ γάμοσ. ἤδη δὲ πολλῶν ἀπολομένων Μελανίων αὐτῆσ ἐρασθεὶσ ἧκεν ἐπὶ τὸν δρόμον, χρύσεα μῆλα κομίζων παρ’ Ἀφροδίτησ, καὶ διωκόμενοσ ταῦτα ἔρριπτεν. ἡ δὲ ἀναιρουμένη τὰ ῥιπτόμενα τὸν δρόμον ἐνικήθη. ἔγημεν οὖν αὐτὴν Μελανίων. καί ποτε λέγεται θηρεύοντασ αὐτοὺσ εἰσελθεῖν εἰσ τὸ τέμενοσ Διόσ, κἀκεῖ συνουσιάζοντασ εἰσ λέοντασ ἀλλαγῆναι. Ἡσίοδοσ δὲ καί τινεσ ἕτεροι τὴν Ἀταλάντην οὐκ Ιἄσου ἀλλὰ Σχοινέωσ εἶπον, Εὐριπίδησ δὲ Μαινάλου, καὶ τὸν γήμαντα αὐτὴν οὐ Μελανίωνα ἀλλὰ Ἱππομένην. ἐγέννησε δὲ ἐκ Μελανίωνοσ Ἀταλάντη ἢ Ἄρεοσ Παρθενοπαῖον, ὃσ ἐπὶ Θήβασ ἐστρατεύσατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 3, chapter 9

(아폴로도로스, Library and Epitome, book 3, chapter 9)

상위

목록

SEARCH

MENU NAVIGATION