Apollodorus, Library and Epitome, book 3, chapter 8 2:

(아폴로도로스, Library and Epitome, book 3, chapter 8 2:)

Νυκτίμου δὲ. τὴν βασιλείαν παραλαβόντοσ ὁ ἐπὶ Δευκαλίωνοσ κατακλυσμὸσ ἐγένετο. τοῦτον ἔνιοι διὰ τὴν τῶν Λυκάονοσ παίδων δυσσέβειαν εἶπον γεγενῆσθαι. Εὔμηλοσ δὲ καί τινεσ ἕτεροι λέγουσι Λυκάονι καὶ θυγατέρα Καλλιστὼ γενέσθαι· Ἡσίοδοσ μὲν γὰρ αὐτὴν μίαν εἶναι τῶν νυμφῶν λέγει, Ἄσιοσ δὲ Νυκτέωσ, Φερεκύδησ δὲ Κητέωσ. αὕτη σύνθηροσ Ἀρτέμιδοσ οὖσα, τὴν αὐτὴν ἐκείνῃ στολὴν φοροῦσα, ὤμοσεν αὐτῇ μεῖναι παρθένοσ. Ζεὺσ δὲ ἐρασθεὶσ ἀκούσῃ συνευνάζεται, εἰκασθείσ, ὡσ μὲν ἔνιοι λέγουσιν, Ἀρτέμιδι, ὡσ δὲ ἔνιοι, Ἀπόλλωνι. βουλόμενοσ δὲ Ἥραν λαθεῖν εἰσ ἄρκτον μετεμόρφωσεν αὐτήν. Ἥρα δὲ ἔπεισεν Ἄρτεμιν ὡσ ἄγριον θηρίον κατατοξεῦσαι. εἰσὶ δὲ οἱ λέγοντεσ ὡσ Ἄρτεμισ αὐτὴν κατετόξευσεν ὅτι τὴν παρθενίαν οὐκ ἐφύλαξεν. ἀπολομένησ δὲ Καλλιστοῦσ Ζεὺσ τὸ βρέφοσ ἁρπάσασ ἐν Ἀρκαδίᾳ δίδωσιν ἀνατρέφειν Μαίᾳ, προσαγορεύσασ Ἀρκάδα· τὴν δὲ Καλλιστὼ καταστερίσασ ἐκάλεσεν ἄρκτον.

일치하는 문장이 없습니다.

SEARCH

MENU NAVIGATION