Apollodorus, Library and Epitome, book 3, chapter 8 1:

(아폴로도로스, Library and Epitome, book 3, chapter 8 1:)

ἐπανάγωμεν δὲ νῦν πάλιν ἐπὶ τὸν Πελασγόν, ὃν Ἀκουσίλαοσ μὲν Διὸσ λέγει καὶ Νιόβησ, καθάπερ ὑπέθεμεν, Ἡσίοδοσ δὲ αὐτόχθονα. φθάσασα γὰρ ἡ Γῆ καὶ τῆσ δεξιᾶσ τοῦ Διὸσ ἐφαψαμένη τὴν ὀργὴν κατέπαυσε. τούτου καὶ τῆσ Ὠκεανοῦ θυγατρὸσ Μελιβοίασ, ἢ καθάπερ ἄλλοι λέγουσι νύμφησ Κυλλήνησ, παῖσ Λυκάων ἐγένετο, ὃσ βασιλεύων Ἀρκάδων ἐκ πολλῶν γυναικῶν πεντήκοντα παῖδασ ἐγέννησε· Μελαινέα Θεσπρωτὸν Ἕλικα Νύκτιμον Πευκέτιον, Καύκωνα Μηκιστέα Ὁπλέα Μακαρέα Μάκεδνον, Ὅρον Πόλιχον Ἀκόντην Εὐαίμονα Ἀγκύορα, Ἀρχεβάτην Καρτέρωνα Αἰγαίωνα Πάλλαντα Εὔμονα, Κάνηθον Πρόθοον Λίνον Κορέθοντα Μαίναλον, Τηλεβόαν Φύσιον Φάσσον Φθῖον Λύκιον, Ἁλίφηρον Γενέτορα Βουκολίωνα Σωκλέα Φινέα, Εὐμήτην Ἁρπαλέα Πορθέα Πλάτωνα Αἵμονα, Κύναιθον Λέοντα Ἁρπάλυκον Ἡραιέα Τιτάναν, Μαντινέα Κλείτορα Στύμφαλον Ὀρχομενόν . . . οὗτοι πάντασ ἀνθρώπουσ ὑπερέβαλλονὑπερηφανίᾳ καὶ ἀσεβείᾳ. Ζεὺσ δὲ αὐτῶν βουλόμενοσ τὴν ἀσέβειαν πειρᾶσαι εἰκασθεὶσ ἀνδρὶ χερνήτῃ παραγίνεται. οἱ δὲ αὐτὸν ἐπὶ ξένια καλέσαντεσ, σφάξαντεσ ἕνα τῶν ἐπιχωρίων παῖδα, τοῖσ ἱεροῖσ τὰ τούτου σπλάγχνα συναναμίξαντεσ παρέθεσαν, συμβουλεύσαντοσ τοῦ πρεσβυτέρου ἀδελφοῦ Μαινάλου. Ζεὺσ δὲ <μυσαχθεὶσ> τὴν μὲν τράπεζαν ἀνέτρεψεν, ἔνθα νῦν Τραπεζοῦσ καλεῖται ὁ τόποσ, Λυκάονα δὲ καὶ τοὺσ τούτου παῖδασ ἐκεραύνωσε, χωρὶσ τοῦ νεωτάτου Νυκτίμου·

일치하는 문장이 없습니다.

SEARCH

MENU NAVIGATION