Apollodorus, Library and Epitome, book 3, chapter 5 7:

(아폴로도로스, Library and Epitome, book 3, chapter 5 7:)

μετὰ δὲ τὴν Ἀμφίονοσ τελευτὴν Λάιοσ τὴν βασιλείαν παρέλαβε. καὶ γήμασ θυγατέρα Μενοικέωσ, ἣν ἔνιοι μὲν Ιὀκάστην ἔνιοι δὲ Ἐπικάστην λέγουσι, χρήσαντοσ τοῦ θεοῦ μὴ γεννᾶν τὸν γεννηθέντα γὰρ πατροκτόνον ἔσεσθαι ὁ δὲ οἰνωθεὶσ συνῆλθε τῇ γυναικί. καὶ τὸ γεννηθὲν ἐκθεῖναι δίδωσι νομεῖ, περόναισ διατρήσασ τὰ σφυρά. ἀλλ’ οὗτοσ μὲν ἐξέθηκεν εἰσ Κιθαιρῶνα, Πολύβου δὲ βουκόλοι, τοῦ Κορινθίων βασιλέωσ, τὸ βρέφοσ εὑρόντεσ πρὸσ τὴν αὐτοῦ γυναῖκα Περίβοιαν ἤνεγκαν. ἡ δὲ ἀνελοῦσα ὑποβάλλεται, καὶ θεραπεύσασα τὰ σφυρὰ Οἰδίπουν καλεῖ, τοῦτο θεμένη τὸ ὄνομα διὰ τὸ τοὺσ πόδασ ἀνοιδῆσαι. τελειωθεὶσ δὲ ὁ παῖσ, καὶ διαφέρων τῶν ἡλίκων ῥώμῃ, διὰ φθόνον ὠνειδίζετο ὑπόβλητοσ. ὁ δὲ πυνθανόμενοσ παρὰ τῆσ Περιβοίασ μαθεῖν οὐκ ἠδύνατο· ἀφικόμενοσ δὲ εἰσ Δελφοὺσ περὶ τῶν ἰδίων ἐπυνθάνετο γονέων. ὁ δὲ θεὸσ εἶπεν αὐτῷ εἰσ τὴν πατρίδα μὴ πορεύεσθαι· τὸν μὲν γὰρ πατέρα φονεύσειν, τῇ μητρὶ δὲ μιγήσεσθαι. τοῦτο ἀκούσασ, καὶ νομίζων ἐξ ὧν ἐλέγετο γεγεννῆσθαι, Κόρινθον μὲν ἀπέλιπεν, ἐφ’ ἁρ́ματοσ δὲ διὰ τῆσ Φωκίδοσ φερόμενοσ συντυγχάνει κατά τινα στενὴν ὁδὸν ἐφ’ ἁρ́ματοσ ὀχουμένῳ Λαί̈ῳ. καὶ Πολυφόντου κῆρυξ δὲ οὗτοσ ἦν Λαί̈ου κελεύοντοσ ἐκχωρεῖν καὶ δι’ ἀπείθειαν καὶ ἀναβολὴν κτείναντοσ τῶν ἵππων τὸν ἕτερον, ἀγανακτήσασ Οἰδίπουσ καὶ Πολυφόντην καὶ Λάιον ἀπέκτεινε, καὶ παρεγένετο εἰσ Θήβασ.

일치하는 문장이 없습니다.

SEARCH

MENU NAVIGATION