Apollodorus, Library and Epitome, book 3, chapter 5 4:

ὁ δὲ Κάδμοσ μετὰ Ἁρμονίασ Θήβασ ἐκλιπὼν πρὸσ Ἐγχελέασ παραγίνεται. τούτοισ δὲ ὑπὸ Ἰλλυριῶν πολεμουμένοισ ὁ θεὸσ ἔχρησεν Ἰλλυριῶν κρατήσειν, ἐὰν ἡγεμόνασ Κάδμον καὶ Ἁρμονίαν ἔχωσιν. οἱ δὲ πεισθέντεσ ποιοῦνται κατὰ Ἰλλυριῶν ἡγεμόνασ τούτουσ καὶ κρατοῦσι. καὶ βασιλεύει Κάδμοσ Ἰλλυριῶν, καὶ παῖσ Ἰλλυριὸσ αὐτῷ γίνεται. αὖθισ δὲ μετὰ Ἁρμονίασ εἰσ δράκοντα μεταβαλὼν εἰσ Ἠλύσιον πεδίον ὑπὸ Διὸσ ἐξεπέμφθη.