헬라어 문장 검색 - ΑπολλόΛιβραρψ́4́03́

(아폴로도로스, Library and Epitome, book 3, chapter 3)

Δευκαλίωνι δὲ ἐγένοντο Ἰδομενεύσ τε καὶ Κρήτη καὶ νόθοσ Μόλοσ. Γλαῦκοσ δὲ ἔτι νήπιοσ ὑπάρχων, μῦν διώκων εἰσ μέλιτοσ πίθον πεσὼν ἀπέθανεν. ἀφανοῦσ δὲ ὄντοσ αὐτοῦ Μίνωσ πολλὴν ζήτησιν ποιούμενοσ περὶ τῆσ εὑρέσεωσ ἐμαντεύετο. Κούρητεσ δὲ εἶπον αὐτῷ τριχρώματον ἐν ταῖσ ἀγέλαισ ἔχειν βοῦν, τὸν δὲ τὴν ταύτησ χρόαν ἄριστα εἰκάσαι δυνηθέντα καὶ ζῶντα τὸν παῖδα ἀποδώσειν. συγκληθέντων δὲ τῶν μάντεων Πολύιδοσ ὁ Κοιρανοῦ τὴν χρόαν τῆσ βοὸσ εἴκασε βάτου καρπῷ, καὶ ζητεῖν τὸν παῖδα ἀναγκασθεὶσ διά τινοσ μαντείασ ἀνεῦρε. λέγοντοσ δὲ Μίνωοσ ὅτι δεῖ καὶ ζῶντα ἀπολαβεῖν αὐτόν, ἀπεκλείσθη σὺν τῷ νεκρῷ. ἐν ἀμηχανίᾳ δὲ πολλῇ τυγχάνων εἶδε δράκοντα ἐπὶ τὸν νεκρὸν ἰόντα· τοῦτον βαλὼν λίθῳ ἀπέκτεινε, δείσασ μὴ κἂναὐτὸσ τελευτήσῃ, εἴ τι τὸ σῶμα πάθοι. ἔρχεται δὲ ἕτεροσ δράκων, καὶ θεασάμενοσ νεκρὸν τὸν πρότερον ἄπεισιν, εἶτα ὑποστρέφει πόαν κομίζων, καὶ ταύτην ἐπιτίθησιν ἐπὶ πᾶν τὸ τοῦ ἑτέρου σῶμα· ἐπιτεθείσησ δὲ τῆσ πόασ ἀνέστη. θεασάμενοσ δὲ Πολύιδοσ καὶ θαυμάσασ, τὴν αὐτὴν πόαν προσενεγκὼν τῷ τοῦ Γλαύκου σώματι ἀνέστησεν. ἀπολαβὼν δὲ Μίνωσ τὸν παῖδα οὐδ’ οὕτωσ εἰσ Ἄργοσ ἀπιέναι τὸν Πολύιδον εἰά, πρὶν ἢ τὴν μαντείαν διδάξαι τὸν Γλαῦκον·

ἀναγκασθεὶσ δὲ Πολύιδοσ διδάσκει. καὶ ἐπειδὴ ἀπέπλει, κελεύει τὸν Γλαῦκον εἰσ τὸ στόμα ἐμπτύσαι· καὶ τοῦτο ποιήσασ Γλαῦκοσ τῆσ μαντείασ ἐπελάθετο. τὰ μὲν οὖν περὶ τῶν τῆσ Εὐρώπησ ἀπογόνων μέχρι τοῦδέ μοι λελέχθω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 3, chapter 3

(아폴로도로스, Library and Epitome, book 3, chapter 3)

상위

목록

SEARCH

MENU NAVIGATION