Apollodorus, Library and Epitome, book 3, chapter 1 3:

Ἀστερίου δὲ ἄπαιδοσ ἀποθανόντοσ Μίνωσ βασιλεύειν θέλων Κρήτησ ἐκωλύετο. φήσασ δὲ παρὰ θεῶν τὴν βασιλείαν εἰληφέναι, τοῦ πιστευθῆναι χάριν ἔφη, ὅ τι ἂν εὔξηται, γενέσθαι. καὶ Ποσειδῶνι θύων ηὔξατο ταῦρον ἀναφανῆναι ἐκ τῶν βυθῶν, καταθύσειν ὑποσχόμενοσ τὸν φανέντα. τοῦ δὲ Ποσειδῶνοσ ταῦρον ἀνέντοσ αὐτῷ διαπρεπῆ τὴν βασιλείαν παρέλαβε, τὸν δὲ ταῦρον εἰσ τὰ βουκόλια πέμψασ ἔθυσεν ἕτερον. θαλασσοκρατήσασ δὲ πρῶτοσ πασῶν τῶν νήσων σχεδὸν ἐπῆρξεν.