호흡부호 보기
강세부호 보기
장단부호 보기
작은 Iota 보기
모든 부호 보기
δελφῖνα δὲ καί τινασ τῶν ἰχθύων παρακατακλινομένουσ ὀχεύειν, καὶ εἶναι τῶν μὲν δελφίνων βραδεῖαν τὴν μῖξιν, τῶν δὲ ἰχθύων ταχεῖαν. ἔτι ὁ λέων, φησί, στερέμνια ἔχει τὰ ὀστᾶ , καὶ κοπτομένων αὐτῶν ὥσπερ ἐκ τῶν λίθων πῦρ ἐκλάμπειν. δελφὶσ δὲ ὀστᾶ μὲν ἔχει καὶ οὐκ ἄκανθαν, τὰ δὲ σελάχη καὶ χόνδρον καὶ ἄκανθαν. τῶν δ’ ἰχθύων . . , τὰ μὲν εἶναι χερσαῖα, τὰ δὲ ἔνυδρα, τὰ δὲ πυριγενῆ. εἶναι δέ τινα καὶ ἐφήμερα καλούμενα, ἃ μίαν μόνην ἡμέραν ζῆν. τὰ δὲ ἀμφίβια εἶναι ὡσ τὸν ποτάμιον ἵππον καὶ κροκόδειλον καὶ ἔνυδριν. πάντα τε τὰ ζῷα δύο ἡγεμόνασ ἔχειν πόδασ, καρκίνον δέ τέσσαρασ, ὅσα δ’ ἔναιμά ἐστι, φησί, τῶν ζῴων ἢ ἄποδά ἐστιν ἢ δίποδα ἢ τετράποδα, ὅσα δὲ τῶν τεσσάρων πλείονασ ἔχει πόδασ ἄναιμά ἐστι. διὸ καὶ πάντα τὰ κινούμενα τέτταρσι σημείοισ κινεῖται· ἄνθρωποσ μὲν β’ ποσὶ καὶ β’ χερσίν, ὄρνισ δὲ β’ ποσὶ καὶ β’ πτέρυξιν, ἔγχελυσ καὶ γόγγροσ δύο πτερυγίοισ καὶ δύο καμπαῖσ. ἔτι τῶν ζῴων τὰ μὲν ἔχει χεῖρασ, ὡσ ἄνθρωποσ, τὰ δὲ δοκεῖ, ὡσ πίθηκοσ· οὐδὲν γὰρ τῶν ἀλόγων ζῴων δίδωσι καὶ λαμβάνει, πρὸσ ἅπερ αἱ χεῖρεσ ὄργανα δέδονται, πάλιν τῶν ζῴων τὰ μὲν ἄρθρα ἔχει, ὡσ ἄνθρωποσ, ὄνοσ, βοῦσ, τὰ δὲ ἄναρθρά ἐστιν, οἱο͂ν ὄφεισ, ὄστρεα, πλεύμονεσ.
πολλά τε τῶν ζῴων οὐ κατὰ πᾶσαν ὡρ́αν φαίνεται, οἱο͂ν τὰ φωλεύοντα, καὶ ὅσα δὲ μὴ φωλεύει οὐκ αἰεὶ φαίνεται, οἱο͂ν χελιδόνεσ καὶ πελαργοί.
호흡부호 보기
강세부호 보기
장단부호 보기
작은 Iota 보기
모든 부호 보기