헬라어 문장 검색 - ΠολψβίΗιστορί18́025́

(폴리비오스, Histories, book 18, chapter 25)

Γενομένησ δὲ τῆσ ἐξ ἀμφοῖν συμπτώσεωσ μετὰ βίασ καὶ κραυγῆσ ὑπερβαλλούσησ, ὡσ ἂν ἀμφοτέρων ὁμοῦ συναλαλαζόντων, ἅμα δὲ καὶ τῶν ἐκτὸσ τῆσ μάχησ ἐπιβοώντων τοῖσ ἀγωνιζομένοισ, ἦν τὸ γινόμενον ἐκπληκτικὸν καὶ παραστατικὸν ἀγωνίασ. τὸ μὲν οὖν δεξιὸν τοῦ Φιλίππου λαμπρῶσ ἀπήλλαττε κατὰ τὸν κίνδυνον, ἅτε καὶ τὴν ἔφοδον ἐξ ὑπερδεξίου ποιούμενον καὶ τῷ βάρει τῆσ συντάξεωσ ὑπερέχον καὶ τῇ διαφορᾷ τοῦ καθοπλισμοῦ πρὸσ τὴν ἐνεστῶσαν χρείαν πολὺ παραλλάττον·

τὰ δὲ λοιπὰ μέρη τῆσ δυνάμεωσ αὐτῷ τὰ μὲν ἐχόμενα τῶν κινδυνευόντων ἐν ἀποστάσει τῶν πολεμίων ἦν, τὰ δ’ ἐπὶ τῶν εὐωνύμων ἄρτι διηνυκότα τὰσ ὑπερβολὰσ ἐπεφαίνετο τοῖσ ἄκροισ.

ταχέωσ ἀφορμήσασ πρὸσ τούτουσ, καὶ συνθεασάμενοσ [τῆσ] τῶν πολεμίων τὰ μὲν συνεχῆ τοῖσ διαγωνιζομένοισ , τὰ δ’ ἐκ τῶν ἄκρων ἀκμὴν ἐπικαταβαίνοντα, τὰ δ’ ἔτι τοῖσ ἄκροισ ἐφεστῶτα, προθέμενοσ τὰ θηρία προσῆγε τὰσ σημαίασ τοῖσ πολεμίοισ.

οὐδὲ προσεδέξαντο τοὺσ Ῥωμαίουσ εἰσ τὰσ χεῖρασ ἔτι, δι’ αὐτῶν δὲ τῶν θηρίων πτοηθέντεσ καὶ διασπασθέντεσ ἐνέκλιναν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 25

(폴리비오스, Histories, book 18, chapter 25)

상위

목록

SEARCH

MENU NAVIGATION