헬라어 문장 검색 - Πλυταρ́Τηεμιστ́23́

(플루타르코스, Θεμιστοκλῆς, chapter 23)

ἐκπεσόντοσ δὲ τῆσ πόλεωσ αὐτοῦ καὶ διατρίβοντοσ ἐν Ἄργει τὰ περὶ Παυσανίαν συμπεσόντα κατ’ ἐκείνου παρέσχε τοῖσ ἐχθροῖσ ἀφορμάσ. ὁ δὲ γραψάμενοσ αὐτὸν προδοσίασ Λεωβώτησ ἦν ὁ Ἀλκμαίωνοσ Ἀγραυλῆθεν, ἅμα συνεπαιτιωμένων τῶν Σπαρτιατῶν. ὁ γὰρ Παυσανίασ πράττων ἐκεῖνα δὴ τὰ περὶ τὴν προδοσίαν πρότερον μὲν ἀπεκρύπτετο τὸν Θεμιστοκλέα, καίπερ ὄντα φίλον· ὡσ δ’ εἶδεν ἐκπεπτωκότα τῆσ πολιτείασ καὶ φέροντα χαλεπῶσ ἐθάρσησεν ἐπὶ τὴν κοινωνίαν τῶν πραττομένων παρακαλεῖν, γράμματα τοῦ βασιλέωσ ἐπιδεικνύμενοσ αὐτῷ καὶ παροξύνων ἐπὶ τοὺσ Ἕλληνασ ὡσ πονηροὺσ καὶ ἀχαρίστουσ.

ὁ δὲ τὴν μὲν δέησιν ἀπετρίψατο τοῦ Παυσανίου καὶ τὴν κοινωνίαν ὅλωσ ἀπείπατο, πρὸσ οὐδένα δὲ τοὺσ λόγουσ ἐξήνεγκεν οὐδὲ κατεμήνυσε τὴν πρᾶξιν, εἴτε παύσεσθαι προσδοκῶν αὐτόν, εἴτ’ ἄλλωσ καταφανῆ γενήσεσθαι σὺν οὐδενὶ λογισμῷ πραγμάτων ἀτόπων καὶ παραβόλων ὀρεγόμενον. οὕτω δὴ τοῦ Παυσανίου θανατωθέντοσ ἐπιστολαί τινεσ ἀνευρεθεῖσαι καὶ γράμματα περὶ τούτων εἰσ ὑποψίαν ἐνέβαλον τὸν Θεμιστοκλέα·

καὶ κατεβόων μὲν αὐτοῦ Λακεδαιμόνιοι, κατηγόρουν δ’ οἱ φθονοῦντεσ τῶν πολιτῶν, οὐ παρόντοσ, ἀλλὰ διὰ γραμμάτων ἀπολογουμένου μάλιστα ταῖσ προτέραισ κατηγορίαισ. διαβαλλόμενοσ γὰρ ὑπὸ τῶν ἐχθρῶν πρὸσ τοὺσ πολίτασ ἔγραφεν, ὡσ ἄρχειν μὲν ἀεὶ ζητῶν, ἄρχεσθαι δὲ μὴ πεφυκὼσ μηδὲ βουλόμενοσ, οὐκ ἄν ποτε βαρβάροισ αὑτὸν οὐδὲ πολεμίοισ ἀποδόσθαι μετὰ τῆσ Ἑλλάδοσ.

οὐ μὴν ἀλλὰ συμπεισθεὶσ ὑπὸ τῶν κατηγορούντων ὁ δῆμοσ ἔπεμψεν ἄνδρασ, οἷσ εἴρητο συλλαμβάνειν καὶ ἀνάγειν αὐτὸν κριθησόμενον ἐν τοῖσ Ἕλλησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 23

(플루타르코스, Θεμιστοκλῆς, chapter 23)

상위

목록

SEARCH

MENU NAVIGATION